|
|
|
شه‌وه، ده‌ست وده‌م و داوێن سره‌وتوون دز و رێگر ، دڕ و دارۆغه خه‌وتوون که‌چی ده‌ستی بزۆزی تۆ له به‌ختم له نابێ و وامه‌که و لاچو ، نه‌که‌وتوون! مەلا کەریم فیدایی"راوچی |
ئەوی ئەمرۆ بەدەوری تەختیایە هەلهەلەی مەخــــلوق لەدەوری نەعشیا صبحەی دەبینی وەلوەلەی مەخلوق بەپەل پەل کردنی صــبحەی ئەگەر ببـــوایە بـــــاوەریان دەبو قەت بەم حەدە نەبوایە بۆ دنیــا پەلەی مەخـــلوق دەخاتە فکری ئەهلی مەعریفە شیوەی جەجال الـحق دەبینی بەعضەئەشخاصی بەدویا خەرگەلەی مخـلوق وەها پر فیتنە بو عالەم کە ئبلیسیکی وەک ئبلیـــــس نەماوە مەئمەنی غەیری کلیشە و کەلکەلەی مەخـلوق لەپەردەی جلوەیەکتارو نـــمایەشـــۆری صەد مەحـشەر نیقابی لادەلەو چــهرە ببیــــنە زەل زەلەی مەخـــــلوق بەئاو تـــــــیگەیشــــتین ئمە دنیــــاهەرســــەرابی بو هەمو دەشچن بەخنکان و لەو وشکیشە مەلەی مەخلوق لەسوقی دەهردا دوکانی هەرکەس موددەتـــــی عــومرە گوهەردانە بە پشکل دانە (مەحوی) مامەلەی مەخــلوق مەحوی |
عەشقێکى وێڵ
عەشقێکى وێڵ دەپێم بڵێ تۆچۆن عەشقى کەسێک ئەبى کە نەیناسى چـۆن سەرنجـت بەڕوخـسارى نامۆیمـا هـەڵئەواسـى لەدوورەوە کورەى هـەستت شوعلەیەکى بەتین ئەدا بەچاوى من عاشق مەبە، کەم لەدەرگاى ئەوین ئەدا من هۆگرى عەشقت نابم ، چونکە دڵم ماڵى ژانە لەسەرمایەى خـۆشەویستى تەنیـا بەشـم دابڕانە دەتۆش بڕۆ بۆ لاى کەسێک کەبیر لەخەم نەکاتەوە دنیا بـارکـا باکى نەبێت ئـاووڕ لـەکـەس نەداتەوە من ناتوانم ، لەم شارەدا لوتکەى تەلار بەرمە ئاسمان خۆشەویستى ئەمڕۆ بۆتە فڕین بەرەو چاوگەى سامان منیش خوانى عەشقێکى تر بۆ هیچ کەسێک ناکەمەوە ئیتـر دڵـى هـیچ ڕێبــوارێ بۆ مـاڵـى دڵ نــابــەمه‌وە ئه‌حمه‌د محه‌مه‌د |
هه‌تا نێڵه‌ی نه‌یه ئاورگی دڵ، چه‌م پڕ له نه‌م نابێ هه‌تا نه‌م دا نه‌بارێ تینی ئه‌م ئاورگه که‌م نابێ له‌ناو ئاورینگ و ئاونگا شه‌وم ڕاده‌برێ بێ هه‌مده‌م به‌ڵێ شه‌وگاری ته‌نیایی به‌بێ فرمێسک و خه‌م نابێ سته‌مکاری منی دوور خسته‌وه له‌و یاره شیرینه‌م ئیتر من چۆن ڕقی زۆرم له ئازار و سته‌م نابێ ؟ ئه‌وی سه‌ربه‌رزه له‌م وێرانه‌دا تووشی خه‌م و ده‌رده چیای سه‌رکه‌ش ببینه قه‌ت سه‌ری بێ هه‌ور و ته‌م نابێ له ناو ده‌ریای خه‌یاڵم دیمه‌وه من گه‌وهه‌ری نایاب هه‌مه گه‌وهه‌ر، ئیتر چاوم له دینار و دره‌م نابێ وه‌ره ناو باوه‌شی گه‌رم و گوڕ و پڕ تاسه و مه‌یلم ڕه‌دیفیش تێک بچێ پێم خۆشه من ده‌ستم له مه‌م دابێ وه‌ره با هه‌ڵمژم ئه‌و لێوه شیرینه‌ت به که‌یفی خۆم له پاش ئه‌و تاڵییه با من ده‌مێک شه‌کرم له ده‌م دابێ په‌له‌ت بێ، چاوه‌ڕێتم، زوو وه‌ره، به‌س خۆت بخافڵێنه هه‌زار جار « هێمن»یش بم بۆ ویسالت چۆن په‌له‌م نابێ؟ ماموستا هیمن |
ده‌روونم پڕ كه‌باب و ده‌رده بێ تۆ دڵم گه‌رمه و هه‌ناسه‌م سه‌رده بێ تۆ خه‌ریكی شه‌ش ده‌ری هات و نه‌هاتم خه‌لاسیم قه‌ت نیه له‌م ده‌رده بی تۆ لیباسم ماته‌مه، شینه، له‌شیندام سروشكم سووره، ڕه‌نگم زه‌رده بێ تۆ عه‌زیزم! دڵ ڕه‌قه و، خۆم فه‌رد و ته‌نهام ده‌ترسم بمكوژێ، ئه‌م ده‌رده بێ تۆ به‌بێ دیداری تۆ خۆ ڵاڵه "نالی" عه‌جه‌ب هه‌ستاوه ئه‌م چه‌ن فه‌رده بێ تۆ *نالی* |
نیه ڕه‌حمت له ده‌رحه‌ق عاشقی شه‌یدای مسکینت بڵێ پێم توخودا کافر، چیه تۆ مه‌زهه‌ب و دینت؟! به خاکا پێ بنێ، مه‌ینێ به دیده‌ی ئه‌شک بارمدا مه‌بادا دڕکی برژانگم بچێته پێی حه‌نایینت _____________________________________ ئەحمەد موختار جاف |
نیه ڕه‌حمت له ده‌رحه‌ق عاشقی شه‌یدای مسکینت بڵێ پێم توخودا کافر، چیه تۆ مه‌زهه‌ب و دینت؟! به خاکا پێ بنێ، مه‌ینێ به دیده‌ی ئه‌شک بارمدا مه‌بادا دڕکی برژانگم بچێته پێی حه‌نایینت ئەحمەد موختار جاف |
چاویلكه
چاویلكه له‌وده‌مه‌ی ڕا دڵم لێی داوه بۆ ژوان من دێوانه‌ی چاوی جوانم چاوی جوان گه‌رچی خه‌ڵكی وڵاتی چاو جوانانم چاوی جوانم نه‌دی تێر به چاوانم هه‌تا لاو بووم چاوی جوانم لێ ون بوو په‌چه و ڕووبه‌ند و چارشێوم دوژمن بوو ئێستا پیرم و كه‌وتومه‌ته ئاویلكه چاوی جوانم لێ ون ده‌كا چاویلكه "هێمن" |
| اکنون ساعت 07:27 PM برپایه ساعت جهانی (GMT - گرینویچ) +3.5 می باشد. |
Powered by vBulletin® Version 3.8.4 Copyright , Jelsoft Enterprices مدیریت توسط کورش نعلینی
استفاده از مطالب پی سی سیتی بدون ذکر منبع هم پیگرد قانونی ندارد!! (این دیگه به انصاف خودتونه !!)
(اگر مطلبی از شما در سایت ما بدون ذکر نامتان استفاده شده مارا خبر کنید تا آنرا اصلاح کنیم)