|
نەخــۆشــــم کەوتوم بێ زوبــانم
نەخــۆشــــم کەوتوم بێ زوبــانم دەنــــالــــم لـــەبەر دەردی گـرانم بەبــێ ئەو شۆخە کەخۆم دەیزانم دەوای من نایەسەدمەســیحاببێ """"""" یاخودا بەناڵــەی دڵ ئیشـــان کەی یارەب بەیاهوی ددەروێشـــان کەی غەمی جەرگی من پەریـشان کەی روت لەنیــــو زولفـــت بۆ بلـاو نابی """""" دەمێکی وا بێ ئەی مایەی صەبرم بەدڵ دامانـــــی زولفــــت بـــــگرم هەتاکەی ئاخـــر هـــــەر بۆت بمرم تاوێــــک ناتاوێک صـــەلام لیـــرابێ وه‌فایی |
ئەگـــــەرچی ئێمە قـــەومێکی زۆرین
|
درۆ
|
گەر هود هودەكەی بادی سەبا بێ لە (سەبا) تان
|
ڕۆژێ نەبوو ئەم دولبەرە بێ ڕەحمە وەفا کا
ڕۆژێ نەبوو ئەم دولبەرە بێ ڕەحمە وەفا کا جارێ نەبوو ئەم کافرە شەرمێ لە خودا کا حەیرانن ئەتیبا لە عیلاجی مەرەزی من لوقمانی ویساڵت مەگەر ئەم دەردە دەوا کا کارێ کە غەم و دەردی فیراقت بە منی کرد سەرما بەهەتیو با بەدەواری شڕی ناکا شێخ ڕەزای تاڵەبانی |
لە دوگمەی سوخمە دوێنێ نوێژی شێوان
لە دوگمەی سوخمە دوێنێ نوێژی شێوان بەیانی دا سفیدەی باخی سێوان لە خەوفی تەلعەتی ڕۆژ هەر وەکوو شێت بە رووزەردی هەلات و کەوتە کێوان دوو چاوی من کەوا کەیلی سورشکن دەپێون ئاوی بەحری خوێ بە پێوان مەکەن لٶمەی پەشێوی دڵ کە ئەمشەو پەشێواوە لەبەر پەرچەم پەشێوان شەرابی لەعلی روممانی لە ((نالی)) حەرامە بێ مەزەی ماچێکی لێوان نالی |
دوێنێ لەقەراغ چۆمێکی
وەڕێ کەوتووی دووندی قەندیل لە بناری ئاسۆی سوورا دوو سوێسنی چاو بەفرمێسک بە دەم سۆزی شمشاڵێکی شارەزوورا دەگەڵ قاسپەی کەوی تینووی سەرسنوورا پرسەی خەمێکیان دەگێڕا سنەوبەرێ ئەیوت خۆم دیم شاعیرێ گڕووی کۆچی بوو بێ کەسێ تەرمی خۆی دەناشت چنگی لە خاکا گرتبوو رووبار ئەیوت باشە ئیستە من قەڵەمی کامە شاعیرێ بڕفێنم تاسەی ئەو خەمە چۆن دەکرێ بەسیروانی ڕاگەیەنم چۆن فڕینی پەپولەی هەست لەو دەربەندە بترازێنم هەنگ لەبەر دەم خەڵفێکی ماتەمینەوە ئەیوت لە شیلەی کام شێعری گوڵی کێوی تامی دڵداری بستێنم ئیستە من چۆن لەسەر شاهۆ مۆمی هەنراوەی کۆست کەوتوو داگیرسێنم ئەو گریانە چۆن بە خەمێکی کاڵ بۆوە بناسێنم ئەو باڵندە سەربزێوە چۆن بوو لێرە ئارامی گرت چوو بەرەو بیرە خەوێکی پڕگوڵاوو بەرامەی لە زۆزانەوە تا پێدەشتی ئارانی گرت شوانێ بەتەمایی پشکۆیەک لەهۆنراوە بۆداگیرسانی ئاگری سەر دوندی شاخ لاوی ئاشق بۆ چنینی دووگوڵەباخ حەیرانێکی کۆک وپۆشتە شەوانە دێو سەردانی مالانی سەوزی سلیمانیە وسابڵاغ دەکا شەو درەنگە شەو درەنگەو مۆمە شێعرێ واگرەکەی دێتە کز بوون شەوی تەمەن دەڵێی دەگەڵ جگەرەیەکی داگیرساو لەو دەربەندە بێ هەناوە ملەیانە بۆ تێپەڕ بوون کاتی لاواندنەوەی خاکو دڵدانەوەی خۆرە تاوە دارو بەردوو خاک و قەڵم هەموو چاویان پڕ لە ئاوە پۆلێ خۆزگەی دوایین نەفەس بوونە کۆترە شینکەی فڕیو بوون بە شێعری شێرکۆ بێ کەس |
چاوه‌که‌ت مه‌سته به ناحه‌ق فێری مه‌یخانه‌ی مه‌که
|
یار به ماچی لێوی خۆی زامی دڵان ساڕێژ ئه‌کا
|
ئاویەر گەوره / مەحیه حەق‌شناس
ئەهای ئاویەر! ئەوه من هاتم دەس‌پەروەردەكەی ئاو و هەواتم له پێچ‌پێچ ڕێگەی كوچك‌كێشەكان به هەڵاك‌هەڵاك خوەم ئەكێشمه بان له سەر قوللەكەت وچانێ ئەگرم ئارەق سەر و ڕوو به شەماڵ ئەسڕم ئەچمەو ناو خەیاڵ، تا دائەنیشم به یاد گوزەشتەت، ئاخ هەڵ‌ئەكێشم بم‌وەخشه ئەوەڵ سڵامم نەكرد ئاویەر! خەفەت له بیرمیەو برد جا ئیسه سڵام ئاویەر گەوره ڕەفێقێ قەدیم، نه هین ئەم دەوره وەختێ گوزەشتەت تێرمەو بیرم به حاڵێ زارت تێر تێر ئەگیرم ڕاسی چەی پێ هات سەفای خەیرزنه؟ ئەوه كوا جەنجاڵ دەورێ ئەو خزنه؟ خەیرەلیاسەكەت نەما سەیرانی كانی ئارایش، كوێر بوو چاوانی مەرزه و بەڕەزات عەتری نەماگه لاله و زەمەقت، كژ و ژاكیاگه دۆڵێ ئەسپانت، ئەسپی تیا نەما بازاڕێ ئەسپ و سوار هەڵ‌پێچیا كش و خامۆشه، سەر چەمەن بانتات بوڵبوڵیش بێ‌دەنگ، پەرێشان و مات |
| اکنون ساعت 06:38 AM برپایه ساعت جهانی (GMT - گرینویچ) +3.5 می باشد. |
Powered by vBulletin® Version 3.8.4 Copyright , Jelsoft Enterprices مدیریت توسط کورش نعلینی
استفاده از مطالب پی سی سیتی بدون ذکر منبع هم پیگرد قانونی ندارد!! (این دیگه به انصاف خودتونه !!)
(اگر مطلبی از شما در سایت ما بدون ذکر نامتان استفاده شده مارا خبر کنید تا آنرا اصلاح کنیم)