ئەگەر قەڵەم
بەتاوانی ئەتکی نامووس
دادگایی بکرایە
ئەوا دەبوو لە ڕۆژێکدا
بۆچەندان جار
لەسێدارە بدرایە
چون تاوانی هەزار ساڵەی
دەستدرێژی بۆسەر جەستەو
پاکیزەیی پەڕەی سپی
لە گەردن وئەستۆدایە .

حسن نازدار

گەر منداڵ ببمەوە
بەخەتێكی گەورە
لەسەر تەختە رەشەكە دەنوسم
نامەوێت گەورەبم.

هەمیشە
لەگیرفانەكانمدا
بۆمنداڵیم ئەگەڕێم.

ئەگەر منداڵ ببمەوە
وێنەی دوو كێو ئەكێشم
لەبری هەتاو
تۆ لەنێوانیاندا هەڵبێیت.

ئەوەندە منداڵانە
سەیری ژیان ئەكەم
تائێستاش ، لای من
بەرزترین لوتكە شانەكانی باوكمن.

منداڵی من
لە چاوشاركێكدا
ونبوو.

" نەبەز گۆران "

ئه و به يانيه ي دوانامه كه ت وه نه وزي خه وي شێواندم .
خوێندنه وه ي هه رپيتێكي سه دان ئه شكي پئ رزاندم .

ئاخۆ چۆن به فرمێسكه وه بۆت نوسيوم ليم ببوره .
هه رچه نده له يه ك وڵاتاين پێك گه شتنمان گه لئ دووره .

ئاخرگيانه تۆ رۆيشتي و نه شت زاني من كۆشكو سامانم ناوئ .
دنيائه كه م به قورباني ته نياساتئ كه پيم بلێي تۆم خۆشه وئ .

ده بگه رێوه پيش ئه وه ي زستان بيت وبه ته نها بچمه به رباران .
وه ره باله زێر يه ك چه ترا له گه ل شه قامه كاني شاراپياسه بكه ين وه كو جاران .

كاني هه له بجه ي

ئەوە هاتوم جارێکى تر
بۆ چرکەیەک لێت نابمەوە
هاتوم ئەزیزم وەکو مۆم
بۆ تەنیایت بتویمەوە

ئیستا چاوم پر فرمێسکە
پەشیمانم کەجێم هیشتى
ڕەنگە دڵت قه ت نه م بورێت
من نەکات بە خۆشه ویستى

گوڵم خۆمن دواى عەشقى تۆ
هانام بۆ زۆر کەس بردوە
بەڵام بەخوا هیچیان وەک تۆ
منیان واخۆش نەویستوە

ئه‌و رۆژه‌ كه‌ (هه‌وا) ده‌ستی خۆی به‌رز كرد،
بۆ لێكردنه‌وه‌ی میوه‌ی،
مه‌نع كراو،
مرۆڤ له‌ راستی هچ گه‌ییشت،
كاتێ كه‌ (ئاده‌م)
له‌ به‌ر هیچ له‌ سه‌ر خاك دانیشت،
یاسی (من نابێ خۆم بم)ی فێر بوو،
وه‌ هیچ بۆ هیچ...
ئه‌م چیرۆكه‌ش به‌رده‌وامه‌....

(مامز هه‌ركی)

ده‌ڵێن دونیا خرا بوونه‌و ،که‌چی من
له‌ مێژ ساڵه‌ که‌ دونیام لێ خرا بۆ

که‌ ڕۆیی خۆری چاوی تۆ له‌ دڵما
قیامه‌ت له‌و ده‌می ڕا لێره‌ ڕابۆ

ده‌ڵێن دونیا هه‌مووی تاریک ده‌بێ لێت
که‌ چی دونیای مه‌ ڕوناکی نه‌دیوه‌

که‌ مانگی ڕووت له‌ پشت هه‌وران بزر بوو
شه‌و و ڕۆژم له‌ تاریکی خزیوه‌

ده‌ڵێن تێکچونی کێو و به‌حر و به‌ڕه‌
ده‌ڵێن وێک که‌وتنی ئاسمان و عه‌رزه‌

که‌چی له‌و کاته‌وه‌ ڕۆیشتی لێره‌
دڵی من تێک چوو .هه‌ر وه‌ک بوومه‌ له‌رزه‌

ده‌ڵێن ئاگر ده‌بارێ وا له‌ ئاسمان
ده‌سووتێ هه‌رچی له‌م دونیایه‌ دایه‌

به‌ڵام هێشتا وه‌کوو ئه‌و ئاگره‌ی نێ
که‌ سوتاندی ده‌روونم به‌و هه‌وایه‌

ئه‌گه‌ر ویستت ببینی ئه‌م جیهانه‌
چلۆنه‌ هه‌ڵوه‌شان و داڕمانی

وه‌ره‌ تاوێ له‌ خاڵی خۆت بڕوانه‌
ده‌بینی چۆنه‌ تێک ڕووخانی جوانی

خه‌د‌ه‌نگی چاوی شۆخی تۆ له دڵ بردوویه‌تی ئارام
به‌ غه‌یری‌ شه‌ربه‌تی لێوت نیه‌ بۆ ده‌ردی من ده‌رمان

سه‌رم سۆڕ ما ئه‌من ئه‌مڕۆ له ناو بازاڕی دڵداری
که بۆ ده‌س ناکه‌وێ شادی،خه‌فه‌ت هه‌رتا بڵێی هه‌رزان

له ناو قاپی دڵی ته‌‌‌نگم نیه بێجگه له وێنه‌ی تۆ
به یادی خونچه‌که‌ی لێوت ئه‌با‌رێنم له چاو باران

له خه‌م پڕ بوو پیاڵه‌ی دڵ له دوای رۆژانی دڵداری
چ‌ سه‌یره کاری ئه‌م چه‌رخه‌ که‌مێ شادی‌ گه‌لێ گریان

هه‌تاوی پڕ گڕی عومرم،گوڵی سووری ژیانم بوی
هه‌تاوم که‌وته پشت کێو و به‌هار بوو به گه‌ڵارێزان

کزه‌ی شه‌وگاری زستانه‌ شه‌وانی سه‌ردی ته‌نیایی
مه‌گه‌ر ئامێزی گه‌رمی تۆ به خه‌و کا عاشقی له‌رزان

ئیتر ناتبینمه‌و هه‌رگیز،گوڵی سوورم خودا حافیز
ئه‌گه‌ر چی چوی به خۆڕایی،ئه من ماوم له‌ سه‌ر په‌یمان

دایکم ده‌چێته‌ به‌هه‌شت

دایکم نوێژ ده‌کات ...
تا ،
ترومبێلی کوڕه‌کانی وه‌رنه‌گه‌ڕێن .
تا ئیفلیج نه‌بن .
تا جه‌رگی نه‌سوتێ .

دایکم به‌ رۆژو ده‌بێت ..
دوعا ده‌کات ، زاواکانی
واز له‌ مه‌یخانه‌ بهێنن
روو بکه‌نه‌ ماڵی خودا .

دایکم ده‌چێ بۆ حه‌ج ..
به‌ر ده‌گرێته‌ شه‌یتان
به‌رده‌ ره‌ش ماچ ده‌کات .
تا ،
کچه‌کانی به‌دبه‌خت نه‌بن .

دایکم زه کات ده‌به‌خشێت ..
به‌ دزیه‌وه‌ ده‌ستی خه‌ڵک ده‌گرێ .
به‌ڵکو شێرپه‌نجه‌ ،
ده‌ست له‌ مه‌مکی بووکه‌ نازداره‌کانی هه‌ڵگرێ .

دایکم ده‌چێته‌ سه‌ر مه‌زار ..
په‌ڕۆی که‌سک ،
له‌نێو چاوانی کێله‌کان گرێ ده‌دات .
تا ،
خوشکه‌زاکانی نه‌زۆک نه‌بن.
برازاکانی کوڕیان ببێت .

دایکم له‌ شه‌وی " لیلة القدر " دا ،
ناخه‌وێ .
تاکو مشتێک، له‌ نووری خودای به‌رکه‌وێ .
تا به‌و نووره‌ ،
"بودا " ئاشت کاته‌وه‌ ، له‌گه‌ڵ "موحه‌مه‌د" .
موحه‌مه‌د ده‌ستکاته‌وه‌ ملی " موسا " .
به‌و نووره‌ ،
کڵێساکان ، پاک کاته‌وه‌ له‌ خوێنی " عیسا ".

دایکم به‌ده‌م ته‌سبیحاته‌وه‌ ،
له‌سه‌ر به‌رماڵه‌ خوریه‌که‌ی ،
خه‌وی لێ ده‌که‌وێ .
دایکم پێغه‌مبه‌ری ،
له‌ هه‌موو کوڕه‌کانی خۆی ،
خۆشتر ده‌وێ .

ئه‌وه‌ من نیم ،
ئه‌وه‌ دایکمه‌ ..
گه‌ر بۆی بلوێ ،
ناوی هه‌موو کوڕیک ده‌نێ
موحه‌مه‌د
ناوی هه‌موو کچێک ،
فاتیمه‌ !

یه‌که‌ یه‌که‌ ، کوڕه‌کانی مردن .
زاواکانی ، پێکیان پڕ کردن له‌ کوفر.
شێرپه‌نجه‌ ،
مه‌مکی بووکه‌کانی تژی کردن له‌ کرم .
برازاکانی وه‌جاغ کوێر.
خوشکه‌زاکانی نه‌زۆک .
کچه‌کانی به‌دبه‌خت .
پێغه‌مبه‌ره‌کانی خوێنرێژ !
دوعاکانی دایکم گیرا نه‌بوون .

دایکم ،
هه‌موو سبحه‌ینه‌یه‌ک ده‌چێته‌ به‌هه‌شت .
ته‌نیا خۆی
خۆی و‌ به‌س .
ئێمه‌ له‌وێ نین .
که‌سمان له‌وێ نین.
که‌سمان .
که‌س ! دایکم ده‌چێته‌ به‌هه‌شت
قوبادی جه‌لیزاده‌
________________
دایکم نوێژ ده‌کات ...
تا ،
ترومبێلی کوڕه‌کانی وه‌رنه‌گه‌ڕێن .
تا ئیفلیج نه‌بن .
تا جه‌رگی نه‌سوتێ .

دایکم به‌ رۆژو ده‌بێت ..
دوعا ده‌کات ، زاواکانی
واز له‌ مه‌یخانه‌ بهێنن
روو بکه‌نه‌ ماڵی خودا .

دایکم ده‌چێ بۆ حه‌ج ..
به‌ر ده‌گرێته‌ شه‌یتان
به‌رده‌ ره‌ش ماچ ده‌کات .
تا ،
کچه‌کانی به‌دبه‌خت نه‌بن .

دایکم زه کات ده‌به‌خشێت ..
به‌ دزیه‌وه‌ ده‌ستی خه‌ڵک ده‌گرێ .
به‌ڵکو شێرپه‌نجه‌ ،
ده‌ست له‌ مه‌مکی بووکه‌ نازداره‌کانی هه‌ڵگرێ .

دایکم ده‌چێته‌ سه‌ر مه‌زار ..
په‌ڕۆی که‌سک ،
له‌نێو چاوانی کێله‌کان گرێ ده‌دات .
تا ،
خوشکه‌زاکانی نه‌زۆک نه‌بن.
برازاکانی کوڕیان ببێت .

دایکم له‌ شه‌وی " لیلة القدر " دا ،
ناخه‌وێ .
تاکو مشتێک، له‌ نووری خودای به‌رکه‌وێ .
تا به‌و نووره‌ ،
"بودا " ئاشت کاته‌وه‌ ، له‌گه‌ڵ "موحه‌مه‌د" .
موحه‌مه‌د ده‌ستکاته‌وه‌ ملی " موسا " .
به‌و نووره‌ ،
کڵێساکان ، پاک کاته‌وه‌ له‌ خوێنی " عیسا ".

دایکم به‌ده‌م ته‌سبیحاته‌وه‌ ،
له‌سه‌ر به‌رماڵه‌ خوریه‌که‌ی ،
خه‌وی لێ ده‌که‌وێ .
دایکم پێغه‌مبه‌ری ،
له‌ هه‌موو کوڕه‌کانی خۆی ،
خۆشتر ده‌وێ .

ئه‌وه‌ من نیم ،
ئه‌وه‌ دایکمه‌ ..
گه‌ر بۆی بلوێ ،
ناوی هه‌موو کوڕیک ده‌نێ
موحه‌مه‌د
ناوی هه‌موو کچێک ،
فاتیمه‌ !

یه‌که‌ یه‌که‌ ، کوڕه‌کانی مردن .
زاواکانی ، پێکیان پڕ کردن له‌ کوفر.
شێرپه‌نجه‌ ،
مه‌مکی بووکه‌کانی تژی کردن له‌ کرم .
برازاکانی وه‌جاغ کوێر.
خوشکه‌زاکانی نه‌زۆک .
کچه‌کانی به‌دبه‌خت .
پێغه‌مبه‌ره‌کانی خوێنرێژ !
دوعاکانی دایکم گیرا نه‌بوون .

دایکم ،
هه‌موو سبحه‌ینه‌یه‌ک ده‌چێته‌ به‌هه‌شت .
ته‌نیا خۆی
خۆی و‌ به‌س .
ئێمه‌ له‌وێ نین .
که‌سمان له‌وێ نین.
که‌سمان .
که‌س !

قوبادی جه‌لیزاده‌