پیلاو

ئیواره بوو
حه مه بوچکولی بویاخچی
سه ری ماندووی داخستبو
له سوچیکی گوره پانه گه وره گه دا
له ناوه ندی دری شاما
له سه ر کورسیه نزمه که ی خوی دانیشتبوو
په یتا په یتا وه کو فلچه ی نیوان ده ستی
جه سته ی له ری رائه ژه نی
حه مه بو چکولی ئاواره
له به ر خووه به ورته ورت
ئه مه ی ئه وت :
تو بازرگان قاچت دانی
تو ماموستا قاچت دانی
تو پاریزه ر قاچت دانی
ئه فسه ر ، سه رباز ، جاسوس ، جه لاد
کوری باش و هه رچی و په رچی
هه ر هه موتان یه ک له دوای یه ک
قاچتان دانین
که س نه ماوه ،
هه ر خوا ماوه
له و دنیا دلنیام
ئه ویش ئه نیری به شوین کوردیکا
پیلاوه که ی بو بویاخ کا
ره نگه ئه و کورده ش هه ر من بم
ئاااخ
دایه گیان
ئه وه ئه بی پیلاوی خوا
چه ند گه وره بی
ژماره چه ند له پی ئه کا
ئای دایه گیان
ئه ی بو پاره
خوا چه ن ئه دات
ئه بی چه ن با....!

((شیرکو بیکه س))

شــــــــــه راب....
له‌حیکمه‌تی ئه‌م شه‌رابه‌
تێناگه‌م . من
پێکی یه‌که‌م
له‌یه‌که‌م بارانی نه‌رمی
پایز ئه‌چێ و
چسپه‌ له‌بیابانی گه‌رووم
هه‌ڵئه‌سێنێ
سه‌رم هه‌ر قاڵ
پێکی دووه‌م
نه‌شئه‌یه‌ک به‌نیگا ئه‌دا

تاکو بفڕێ
له‌گه‌ڵ پۆڕه‌ کۆچه‌ریه‌کان
به‌ره‌و دورگه‌کانی خه‌یاڵ
پێکی سێیه‌م

ئه‌مکاته‌وه‌ به‌مناڵ و
ده‌مێ داره‌ داره‌ ئه‌که‌م
ده‌مێ سه‌رگه‌رمی گڕوگاڵ
پێکی چواره‌م
ئه‌مخاته‌سه‌ر به‌زمی سه‌ما
چه‌شنی . شه‌ماڵ

پێکی پێنجه‌م
لێوم که‌ڕو زمانم کوێر
گوێچکه‌شم،لاڵ
ئه‌وجا پڕ ئه‌بم له‌شیعرو
شووشه‌ش . به‌تاڵ

" به ندی عه لی "

گرێ
-----
ئەوەندەی شێتی،
شیعرم پێ‌یه
بۆ ڕەوا نی‌یه هەڵ‌پەڕم؟!
تابلۆی كانیم هەڵ‌واسیوه
له ژێر ئەم سەرپۆشه ڕەشه
ئاخۆ چیرۆك‌نووسەكان،
چەند گۆزەیان پڕ كردبێت؟!
هەزار ساڵی نووری‌یه؛
له ڕۆژنامەی مانگەشەوێك
دابەزیوم
به پێی پەتی، به سەر دووری‌یەكانم‌دا
هەڕا ئەكەم
دوور ئەبمەوه...
گرێ
گرێ
دوور ئەبمەوه...
له خۆم، له خۆت
دوور ئەبمەوه...
وەختێ زڕەی تەلەفۆنێك
وردم ئەكا؛
ئەبێ مارەیی ئەم كچەم
هەزار گرێی ڕەنگامه بێت
گرێی ڕەش و گرێی سپی
گرێی دوور دوور
نزیك نزیك
ئاهـ! چی ئەڵێم...؟!
چەتەی تەمەن دەوری داوم؛
هێشتا باسی
چوارده ساڵەیی گەروومه
هەر پێم ماوه...؟!
با دوور نەبین!
با دوور نەڕۆین!
دەڕۆمه دووتۆی زامێكی ڕۆژهەڵاتی
هەتا هەتایی ئەبمەوه...
وا باش‌تره!
دەمم پڕه له ڕۆچنه؛
بڵێی شەوەی شەوگارێكی تر
بم‌گوشێ؟!
------------------------
كولسووم عوسمان‌پوور

عابا مه‌پووشه‌

کیژه‌ کورده‌که‌ی کۆڵوانه‌ له‌ شان
هه‌ر به‌و کوردییه‌وه‌ خۆت بده‌ نیشان
عابا مه‌پۆشه‌ نازان مه‌فرۆشه‌
به‌ زمانی کوردی بۆ کورد تێبکۆشه‌
پۆشه‌نی کوردی پاشواره‌ی ئیمه‌س
هه‌تاکه‌ی دیلی داماو و ژیرده‌س
چارشێو مه‌پۆشه‌ نازان مه‌فرۆشه‌
به‌ زمانی کوردی هه‌ر بووشه‌ بووشه‌
به‌ شۆخی شه‌نگی باڵات بنمانه‌
وێنه‌ی گه‌لاوێژ چا ئاسمانه‌
که‌یلو مه‌سته‌نێ، هه‌ر سه‌ربه‌سته‌نێ
به‌ کوردستانی دڵ په‌یوه‌سته‌نێ
کنجێ مه‌ کورده‌ ئامان دینۆ خوه‌شک و ره‌نگینه‌
گه‌له‌ک ده‌لاله‌ دلۆ جانێ لبا مه‌ شیرینه‌
زمانێ مه‌ حه‌یفه‌ جوان وه‌ک هه‌یڤه‌
ده‌ستێ من دامان که‌چکێ بکوردی ببه‌یڤه‌

ئاواز: فۆلکلۆر
هۆنراوه‌: عوسمان هه‌ورامی، حیسامه‌دین ئه‌مین
گووتن: ناسر ره‌زازی

"سوخمە"

ووتــــی: سوخمەی ئـــــــاوا تەسك
قــــــوومـــــاشە کەشی وا ناســـك

بـــــــۆ سنگم نــــــابێ زوو ئـەپوێ
بــــــۆم بــــــدروو یەکـــــــێکی نــوێ

مەگـــــەر هی زیو و ئـــــــاڵتون چن
بشێ بــــــــۆ سنگی وا خــــــــرپن

شەرمی ڕشتە سەر خونچەی لێو
سووی لــــــە ڕوومەتـــــی وەك لێو

بە نــــــازێکەوە وەکــــــــو بـــــــــووك
ووتــــی سوخمەی تەسك و بچووك

بۆسنگی وا بـــــەرز و گـــــــۆشتن
نابی ئــــەی دەستە خوشکی من

ئــــــەمە دوو سوخمەت بـــــۆ درووم
نە گــــــونجان لەگـــــەڵ ئــــارەزووم

ئــەمــــــجارە لــــــەسەر ئەنـــــدازە
بـــــۆم بـــدروو ســوخمەی تــــــازە

دەستە خـوشکی سوخــــمە دروو
مەست بوو بەجوانی سینگ و ڕوو

ئەمەنـــدەی نــــواری یە سەرسنگ
کـــــوڵمی گـــــوڵ و پـــــرچی گزنگ

ئــــە مجارەش ئەنــــدازەی شێوان
تێك چوو سوخمەی کچۆڵەی جوان

"کامەران موکری"

به‌ پیر ئه‌و ماهه‌وه‌ چووم و به‌سه‌ر چووم
په‌ری بوو ئه‌و نه‌بوو شه‌و بوو به‌سه‌رچووم

ته‌ڵێ نێرگسم و باغی حیره‌تم پێ
به‌ فه‌ڕ هات و وه‌کو گوڵ زوو به‌سه‌رچووم

گله‌ی پێشم له‌سه‌ر سه‌ر هه‌م بوه‌ بار
که‌دی دولبه‌رم هات و به‌سه‌ر چووم

ده‌زانم بادیه‌ی عیشقه‌ خه‌طه‌ر ناك
... که‌چی هه‌ر چووم ، ئه‌گه‌ر مام و ئه‌گه‌ر چووم

له‌ حینی نه‌زعی ڕۆحا ڕۆحی عاشق
وتی : ئۆخی له‌ میحنه‌ت خانه‌ ده‌رچووم

به‌ ئۆغر کردنی من بومه‌ قه‌قنه‌س
که‌ ئه‌و چوو بۆ سه‌فه‌ر ! من بۆ سه‌قه‌ر چووم

وتی: قه‌ت وا مه‌یه‌ ، من واوه‌ هه‌ر دێم
نه‌هات ئه‌و وا قه‌ت و من واوه‌ هه‌ر چووم

شوکر مۆرم بوه‌ پاماڵی میرێ
به‌ بێ نامی ژیام و نامه‌وه‌ر چووم

غه‌می قاتیلمه‌ "مـــه‌حـــوی" مونفه‌عیل ما
له‌ حه‌شرا کفنی خوێناوی به‌به‌ر چووم
مـــه‌حـــوی

ژار

له داخی مەینەتی دەوران، دڵم پــڕ ئاوره ساقی
له ژاری تاڵی ژین دیسان پیاڵەی دڵ پـڕه ساقی

وەره ئەمشەو وەكوو هەرشەو، وەره ساقی دڵم خوێنه!
هـەتـاكـوو دێتـه چـاوم خـەو، حـەرامـەشـەربـەتان بێـنه!

دڵم زووخاوی لێ دەڕژێ، دەسا هەسته! بكه مەسـتم!
شـەرابی كۆن له جامی نوێ، بەخوڕ تێكه، بده دەسـتم

كـەوا كون‌كون بـووه جـەرگم، له جـەوری ماتەمی دنیـا
هەتاكوو سەردەمی مەرگم، وەره هەر تۆم دەوێ تەنیا

هەناسەی سەردی پـڕداخم دەمێكه گرتوویه ناخم
شەرابی تۆیه دەیشۆرێ؛ پەژارەی ژینی پـڕئاخم !!!

"شەریف حسێن پەناهی"