|
غونچه دڵ بوونم له حه‌سره‌ت لێوی تۆیه، غونچه ده‌م غونچه‌كه‌ی تۆ مه‌رشیفادا غونچه‌كه‌م، ئه‌ی غونچه‌كه‌م سینه چاكم وه‌كو گوڵ و دڵ پـڕ له خوێنم غونچه‌وه‌ش بێ گوڵی ڕوخسار و غونچه‌ی لێوه‌كه‌ت، قوربانی به‌م غولغولی بولبول له عیشقی گوڵ نه‌بوو له‌م سوبحه‌دا شه‌عشه‌عه‌ی ئه‌و غه‌بغه‌به كه‌وتبووه سه‌ر ئه‌م باغه هه‌م لاڵه بێ لاله‌ی روخت "مه‌حوی" وه‌كو مورغی خه‌مۆش مه‌ر به چاكی سینه وه‌ك گوڵ شه‌رحی دووری كا، سه‌نه‌م *مه‌حوی* |
یار دڵی خوێنین و چاوی پر له گریانی ده‌وێ ئاری ئارێ گوڵ له باغان ئاوی بارانی ده‌وێ هه‌ر که‌سێ ڕوی تۆ ده‌بێنێ خۆی به قوربانت ده‌کا چونکه ئه‌برۆی تۆ هیلالی عیده قوربانی ده‌وێ ئاو له چاوانم به خوڕ دێ ئاگری دڵ ناکوژێته‌وه وه‌ك جه‌هه‌ننه‌م ئه‌م ته‌نوره ئاوی تۆفانی ده‌وێ عه‌شق سوڵتانێکه هه‌ر گا ڕو له وێرانێ بکات ئاهی سه‌رد و ئه‌شکی گه‌رم و قه‌لبی بوریانی ده‌وێ دوور له تۆ دڵ هێنده بێ ئارام و بی حاڵ که‌وتووه ئه‌ی مه‌سیحای عه‌سر ! له‌و لێوانه ده‌رمانی ده‌وێ ڕوم ئه‌وا زه‌رد بو وه‌کو پایز له هیجران ((نالیا)) عه‌شق ئیستاکه‌ش له من سه‌یلی به‌هارانی ده‌وێ نالی |
مەرهەمی زامە کۆنەکانم خەزێنەی لێوانی تۆیە. ماچم ناوێ ، شتێ بڵێ !!!! ~شاملو~ |
چ شـــــینێکە؟ چ هــــاوارە لە نێـــــو حەلــــقەی موریدان‌دا مەگەر خواجەی سەمەرقەندی لە نێو ساحیب‌دڵان رۆیی؟ چ ئافــــــەت کەوتە بەرچــــــاوم کەوا چوو نوری بیـــــناییم مەگەر شاهی بوخــــارایی لە قەســــری عاریفان رۆیی؟ بە ناڵەی دڵ شـــــیفام نایێ دەرێغ بۆ مەرهەمی جەرگم لە زەنگــــــــی کاروان چ بــــکەم، دەلیــــلی کاروان رۆیی؟ خرابوو خانەقا بێ شێخ و شەوقی تالیبان، سـەد حەیف! چەمەن وێران بوو، نەغمەی بولبولان چوو، باغـەبان رۆیی بە ناڵەی بولبـــــــول و قومــــری وەفایی بۆیە هەر دەگریم گوڵێــــــــــکی ســـــەروباڵام بوو بە تاراجی خـــەزان رۆیی وەفایی |
|
|
|
بـــا بــنوســـــــــم شیعری کوردی تاکوو خه‌ڵکی تــێبگات * شیعری کوردی شیرین تره تا شه‌کر و هه‌نگوین و نه‌بات * مـــن بـــه هیوا بوم که ته‌پڵی شادمانیم لــــێ بــــــده‌ن * چه‌نده مه‌ئیوسم له حاڵی خۆم که بۆچ ده‌نگی نـــه‌هات * ئــــاوڕی ده‌ورم ئه‌ده‌م هه‌ر که‌س به ده‌ردێ مـــوبته‌لاس * یـــــه‌ك له برسا هار و هاج و یه‌ك لــــه ترسا زیز و مـــات * چـــونـــکه وا ناڕێکه کــــۆمه‌ل تا ئه‌به‌د ســـه‌ر ناکــــه‌وون * ده‌وڵه‌مه‌نـــد گــوێ شــل نه‌کا بۆ ناڵه و فـــــــه‌ریادی لات * تــــۆ له دنیادا نه‌جاتی چوار که‌سی وه‌ك مـــن نــــه‌ده‌ی * پـــێم بــڵێ ڕۆژی قیامه‌ت چیـــــته ئـــه‌سبابی نـــه‌جات * تـــۆ پـــزیشکی حاڵزان و مــــــــــن نـــه‌خۆش و ده‌رده‌دار * چاکــــــه ئینسافت ببێ کاتێ که خــــــۆم خسته په‌نات * (قــــانـــعا) گه‌ر تۆ به‌ڕاستی ! خزمه‌تی هۆزت ئه‌کــــه‌ی * چاوه‌روانی قه‌ت نه‌که‌ی بۆ به‌خشیش و مووچه و به‌رات قانع |
بە نەقدی جان دەدا یەک بۆسە دڵدارم، وەلێ زەحمەت دەگاتە حەددی وا بوون عوقدەیی کارم، وەلێ زەحمەت بە پایین گەر نەبێ عومرم، بە پایین دێ شەوی هیجران دەبینێ صوبحی وەصلت دیدەی تارم، وەلێ زەحمەت بەسەرچێ گەر حەیاتم بێ زمستانی غەم و هیجران دەکەم ڕۆژێ تەماشی باغ و گوڵزارم، وەلێ زەحمەت بە شوهرەت 'سالم'م ئەمما لە هیجرەت پیری کەنعانم دەبێ ڕەوشەن بە وەصلت دیدەیی تارم، وەلێ زەحمەت سالم |
چاوه‌که‌م ئه‌مڕۆ له‌گوڵشه‌ن، گوڵ به عیشوه خۆی نواند نه‌ک نمه‌کگیر بم، به‌مه‌رگی تۆ قه‌سه‌م، هیچ نه‌مدواند گوڵ به‌تۆزی پێته‌وه لاف و گه‌زافی لێ ئه‌دا وا شوکر سۆزه‌ی نه‌سیمت هات ئه‌ویشی لێ ستاند نه‌شته‌ری موژگانی تۆ هاتوه‌ته سه‌ر سه‌فحه‌ی دڵم هه‌ر خه‌تێ بوو غه‌یری خه‌تتی سه‌بزی تۆ پاکی کڕاند له‌شکری ئاهم له‌گه‌ڵ جه‌یشی حه‌به‌ش ده‌عوا ئه‌کا حیره‌تم ماوه که چۆن ئه‌و دلبه‌ره دڵمی رفاند؟! بۆ گوڵی رووت هاتم و په‌رچه‌م ئه‌بینم بۆیه وا ماهی نه‌ورۆزم به شیوه‌ن، وه‌ک موحه‌ڕڕه‌م خۆی نواند تۆ له‌ئه‌وه‌ڵ گۆی وه‌فات هێنایه ناو مه‌یدانه‌وه ئێستا چه‌وگانی خیلافت پشتی سه‌د وه‌عده‌ی شکاند تو خوا قه‌ت غیره‌ته بۆ تۆ ئه‌رێ سه‌روی ره‌وان؟ گوڵ به بێ تۆ وا له‌باغا خێوه‌تی خۆی لێ چه‌قاند با وجود ئینساف بده‌م چاکه، گوڵیش موشتاقته هه‌ر له شه‌وقی تۆیه، سه‌رپۆش و گریبانی دڕاند هه‌ر که‌سێ مایل به بیرێکه و ته‌ریقێکی هه‌یه تۆ به‌شوعله‌ی غه‌م (حه‌ریق)یی وا وه‌جاغت هه‌ڵگراند حه‌ریق |
| اکنون ساعت 05:09 PM برپایه ساعت جهانی (GMT - گرینویچ) +3.5 می باشد. |
Powered by vBulletin® Version 3.8.4 Copyright , Jelsoft Enterprices مدیریت توسط کورش نعلینی
استفاده از مطالب پی سی سیتی بدون ذکر منبع هم پیگرد قانونی ندارد!! (این دیگه به انصاف خودتونه !!)
(اگر مطلبی از شما در سایت ما بدون ذکر نامتان استفاده شده مارا خبر کنید تا آنرا اصلاح کنیم)