وه‌ک دوو دڵۆپه‌ فرمێسکی
شۆڕشێکی دوای ئاشبه‌تاڵ
ده‌تکێم له‌چاو....
یان ده‌بمه‌ هاواری وونبووی
مناڵێکی
له‌سۆزی دایک به‌جێماو
له‌کوێ عێل وهۆزی ئێوه‌
له‌هه‌واری من هه‌ڵده‌دات
کواڕێژنه‌ی هه‌وری به‌هاری و
له‌پانتایی مه‌زرای تینوما داده‌کات
بارکه‌ن برۆن....بارکه‌ن برۆن
ده‌ستی قڵیشاوی ئێمه‌
به‌درۆکانتان ساڕێژ نابێت
سکی برسی منداڵانمان
به‌به‌ڵێنه‌کان تێر نابێت
بارکه‌ن برۆن.... بارکه‌ن برۆن
ده‌ستنوێژی باوه‌ڕی ئێمه‌
به‌درۆکانی ئێوه‌ناشکێت
سفره‌ خه‌یاڵیه‌که‌ی ئێوه‌
له‌چاومانا سه‌وز نابێت
بارکه‌ن برۆن.....بارکه‌ن برۆن
له‌ناوفه‌رهه‌نگی ئێوه‌دا
ووشه‌ی{ڕاستی}سڕاوه‌ته‌وه‌
له‌جێگه‌ی به‌تاڵی ئه‌ودا
{گه‌وجاندن}جێی کراوه‌ته‌وه‌
بارکه‌ن برۆن....بارکه‌ن برۆن
له‌م شه‌قامه‌ گوزه‌ر مه‌که‌ن
ده‌می پیستان مه‌که‌نه‌وه‌
بڕۆنه‌ ڕه‌شماڵه‌که‌ی ئه‌ودیو
له‌وێ پێکی تاڵ بخۆنه‌وه‌
بارکه‌ن بڕۆن.....بارکه‌ن برۆن........
{عوسمان حه‌سه‌ن}

وه‌ره‌ هه‌میشه‌ له‌دڵمابه ڕۆحه‌که‌م ،،، کوا تۆ ڕۆژت لای من هه‌یه‌ ؟
وه‌ره‌ هه‌میشه‌ له‌گه‌ڵما به‌ هه‌ناسه‌که‌م ،،، کوا تۆ ڕۆژت لای من هه‌یه‌ ؟
وه‌ره‌ هه‌میشه‌ له‌ ژیانمابه‌ هه‌موو ژیانم ... کوا تۆ ڕۆژت لای من هه‌یه‌ ؟
وه‌ره‌ با هه‌موو ژیانم بکه‌م به‌ قوربانی یه‌ک زه‌رده‌خه‌نه‌ت ... کوا تۆ ڕۆژت لای من هه‌یه‌ ؟
دایكێكم هەیە
نیانتر لەگەڵای درەخت.
دایكم
ئەوەندە سادەیە
گوڵی سەر فەرشەكانیش ئاو دەدا.
" سوهرابی سپهری"

لە دڵ ون نابی چون کۆیلەی کەژاوەی نازم ئێستاکەش
مەلـــی بێباڵــــم و دیلـــی دەســی شــــابازم ئێسـتاکەش
کە بومـــــە بوت پەرەستــــی تۆ، ژیانــــی خۆم وەلاناوە
نە بو غەیری جەفات پیشە، جەفا داخوازم ئێستاکەش
وەکو شیرین و لەیل پەردەی”‌حەیا”ت قەت ‌نادڕم بۆیە
لەگەڵ فەرهادومەجنوندا ئەمن جیاوازم ئێستاکەش
نە وەک بولبول هەڵەو هەرزەم‌لەدەوری گوڵ بناڵێنم
کەسێ نەیدیوە شەوناڵەو سەدای ئاوازم ئێستاکەش
لەوی ‌رۆژێ،کشا پەردەی‌رەشی دوریت‌بەسەر شەودا
دڵــم شارێکـی تاریــکە و شــەوە هاوڕازم ئێستـاکەش
گوڵم، لــەو رۆژەو تیــری ئەویــن پێکاویە ئاسکـــی دڵ
بریندارم، بگــە فریــام گەلـــێ ناســـازم، ئێستاکەش
خالید رەشیدپوور

گوناه . . .


شەوێكی بێدەنگ، هەوارێكی خۆش
داری سەر چاكی رازداری خامۆش
گه‌ڵایه‌ك وه‌ری به سروه‌ی شه‌ماڵ
سێبه‌ر جووڵاوه به نه‌رمی خه‌یاڵ
گه‌ڵا سرته‌ی كرد: هه‌ستن، دره‌نگه
«تا كه‌ڵه‌بابی به‌یان بێده‌نگه»
په‌ری بۆ سرته لێك كۆ بوونه‌وه
سێبه‌ر بوو به دوو، لێك جۆ بوونه‌وه
جارجار به ئاوڕێك یه‌كتریان ده‌دی
گوناه! به خێر چی تا جارێكی دی

عەلی حەسەنیانی «هاوار»