هێمن و من، نووسینی

نۆبه‌‌مه‌ بتده‌مه‌ به‌ر ته‌وس و پــــــــــلار
ئاش به‌ نۆره‌ ده‌گه‌ڕێ مامه‌ هــــــــه‌ژار

پێت گوتم بولبولی ســــــــه‌ر بێ تووکم
پێت گوتم نایه‌ چ جـــــــــووکه‌ و نووکم

پێت گوتم باڵ و پـــــــــــه‌ڕم هه‌ڵبوه‌رێ
زه‌مزه‌مه‌م کــــــــردووه‌ بۆ جاشه‌ که‌رێ

ته‌شه‌ر و تانه‌ وه‌هـــــــــــــــــای پێکهاتم
ســـــه‌رم هه‌ڵگرت و به‌ره‌و ڕووت هاتم

چونکوو پێم وابوو لـــه‌ لای تۆ هه‌ده‌فه‌
شه‌ڕ له‌ســــه‌ر کورده‌ هه‌را بۆ شه‌ڕه‌فه‌

که‌چی نه‌مزانی هه‌زارحه‌یف وده‌خیل
ئــــــه‌و شه‌ڕه‌ بۆ حه‌جه‌مه‌ و ئیسرائیل

ســــــــــــــــه‌فه‌ری خاکی موکریانت کرد
پێم بڵێ ده‌و ســه‌فه‌ره‌یدا چت کـــــــرد

چوویه‌ ســـــــــه‌ر گۆڕی حوسێن و قازی
یان له‌ بیر چوونه‌وه‌ خـــوات لێ ڕازی

چووی بپرسی لــــه‌ موعه‌ینی حــــاڵێک
دوو کـــــوڕی چوون به‌ وه‌عده‌ی ساڵێک

چوویه‌ سـه‌ر گۆڕی سوله‌یمانی شه‌هید
چوویه‌ سه‌رگۆڕی هه‌زار ڕۆڵه‌ی ڕه‌شید

داره‌ تووی به‌ژنی خــــــــــــــه‌زایی ماوه‌
ئیشکه‌ڵه‌، گه‌نده‌ڵه‌ یا ســـــــــــــــووتاوه‌

وه‌کی بیستوومـــــــــــــه‌ ده‌ڵێن سووتاوه‌
ئێسته‌ له‌و کــــــــــاره‌ سه‌ری سووڕماوه‌

کــــه‌ هه‌ژار هاته‌وه‌ بن باڵی حه‌جه‌م
شـــــــــــــه‌ڕه‌فی داوه‌ به‌ دینار و دره‌م

گه‌ر نه‌ماون نه‌ عیمادی و حه‌مه‌شه‌ل
نانی ســـاواکی ده‌خۆی تێر و ته‌سه‌ل

ئێستا کـــه‌ له‌ شا و کوڕی شا میوانی
فێری گۆشتـــــاو و پـــــــــــــــــڵاوی وانی

هه‌ ژار

ئه‌مشه‌و ئه‌ڵین سه‌ری ساڵه‌ سه‌ری ساڵ

که‌چی لای من کوا سه‌ری ساڵه‌
له‌قاوه‌که‌ی شه‌وی بێدارانه‌ وه‌كو تامه‌که‌ی تاڵه‌
ساڵی کۆنیش عه‌شقم هه‌ڵگرێ هه‌ر به‌فره‌که‌شی پڕله‌ خه‌مانه‌
وه‌رن ببینن کوا په‌له‌ به‌فرێك زۆر هه‌ژاره‌ ئه‌م زستانه‌
بزانن وه‌کو فرمێسکمه‌ نابه‌ستێ ته‌نیا هه‌ر ئاوه‌
مه‌ستم نۆش و حه‌زه‌که‌ی تیادا خناکاوه‌
چه‌نده‌ئه‌ترسم له‌چرکه‌ ی میلی بێروحم خۆی ئاودیوئه‌کاته‌وه‌
زیاتریش که‌ئه‌ڵێن ساڵی نوێیت پیرۆزبێ یه‌کی یه‌ك واهاته‌وه‌
نائیتر بابه‌س بێت تاکو ئێره‌ پێشی کاتژمێر دوانزه‌ بێته‌وه‌
یان ده‌ستی خۆشه‌ویستم ئه‌گرم
له‌گه‌ڵی ئه‌چمه‌ ژوره‌وه‌
یان باکۆتای بێ چرکه‌ی لێدانی دڵم
مه‌رگم خه‌وی بنێته‌وه‌

**
به‌همه‌ن به‌رزنجی

یه‌کێکه‌ له‌ هۆنراوه‌ خۆشه‌کانی نالی مه‌زن که‌ من خۆم زۆر چێژی لێ وه‌ر ده‌گرم به‌ ڕاستی به‌ڕاستی هۆنراوه‌یه‌کی به‌ هێزه‌و نالی مه‌زن لێره‌دا ئیستیغلالی وشه‌ی کردوه‌و کلاوات و گاڵته‌ی به‌ وشه‌ دێ یاریان پێ ده‌کا ، که‌ پره‌ له‌ مۆسیقاو ریتم ئاهه‌نگ.

وه‌ره‌ ساقی ! به‌ شین و نه‌دب و واوه‌ی
ئه‌وا فه‌رشی حه‌یاتی خۆم ده‌که‌م طه‌ی

... ده‌زانی خۆ ده‌چینه‌ جێی غه‌ریبان
به‌مه‌رگی خۆت ئه‌گه‌ر چاوان سیا که‌ی

گله‌ ناکه‌م ، ئه‌وه‌نده‌ی ده‌نکه‌ جۆیێ
ئه‌گه‌ر که‌لـله‌ی سه‌ریشم پڕ له‌ کاکه‌ی

هه‌مو وه‌قتم دوعایه‌ : داخۆ که‌ی بێ
به‌ تیرێکم شه‌هیدی که‌ر به‌لا که‌ی !!

چ خۆشه‌ من وه‌کو تازێ بنۆڕم
ئه‌تۆش هه‌روه‌ك غه‌زاله‌ی به‌ڕ هه‌ڕا که‌ی

به‌ حه‌سره‌ت عومری من یه‌ك باره‌ فه‌وتا
مه‌گه‌ر عومرێ دووباره‌م پێ عه‌طا که‌ی

گوتت : ((نالی)) ! ئه‌تۆ بمره‌ ئه‌من دێم
خودا که‌ی بێ ، خودا که‌ی بێ ، خودا که‌ی♥

مامه شـوانی دەربەدەر!
كوردی فەرەنجی له بەر!

خونچەی دڵم بێ‌ئاوه
هانـام بۆ تـۆ هـێنـاوه

نه خوڕەی ئاوی كانی،
نه باخ و نەغمـەكانـی،

نه دیمەنی بەهـاران،
نه باڵندەی كۆساران؛

ماوەیێكه مەستم ناكەن
پاراوی هەسـتم ناكـەن

دڵ‌تەنگم، زۆر خەمینم
پەشـێوی كۆچی ژینـم

منداڵی به خەم‌باری
لاوی به چـاوەنـواڕی

مانـگ و ســـاڵـی ژیانـم
كەی هات و چوو، نازانم

مامۆستا شه‌ریف

شێعرێکی ئازاد سەید ئیبڕاهیمی (سەقز)

بنواڕه‌ به‌ لێواری شه‌وی ئه‌و سه‌ده‌دا
داواره‌ به‌ مل زیخ و چه‌وی ئه‌و سه‌ده‌دا

تا تاقه‌تی هاواری چیا سه‌ربکه‌وه‌
هه‌ڵنیشه‌ به‌ پژ به‌رز و نه‌وی ئه‌و سه‌ده‌‌دا

نه‌سره‌وتنی ئه‌و پێله‌ بئاڵێنه‌ له‌ خۆ
هه‌ڵتۆزه‌ به‌ بێ‌وازی خه‌وی ئه‌و سه‌ده‌دا

تا نووکی زه‌لان تا ته‌وه‌ره‌ی هاژه‌ بڕۆ
که‌م خول به‌ به‌ بن جه‌غز و گه‌وی ئه‌و سه‌ده‌دا

حه‌یرانێ به‌ خه‌مگه‌ی ته‌ژی ئێواره‌ چڕه‌
هه‌ڵبێژه‌ به‌ تۆرانی وه‌وی ئه‌و سه‌ده‌دا

تا ماتی چلووره‌ و هه‌ره‌سی که‌ژ بفڕه‌
هه‌ڵتۆفه‌ به‌ بۆرانی که‌وی ئه‌و سه‌ده‌دا

سووتانه‌ گڕی قه‌فقه‌فی بارووته‌ به‌ بیر
پڕژێنه‌ پرووشێ به‌ ته‌وی ئه‌و سه‌ده‌دا