جۆلانه
‌‌‌چوومه لای دوکتور و گوتی
نه خۆشی ده رده که ت سه خته
گوتم: تۆ پێت وایه ده مرم؟
به داخه وه، گوتی: وه خته
****
ێه و دڵه کوته یی گرتووته
پێاویی به هێزیش بیگرێ
بێتو ێگای له خویی نه بێ
هێنده پێ ناچێ ده مرێ
****
پێکه نیم و گوتم دوکتور!
نالێم زانا و شاره زا نی
به لام تۆ پزیشکی ویشکی
باری دڵداری نازانی
****
دله کوته نییه، دڵم
جێی کیژێکی خانومانه
منداڵه، ئوقره ناگرێ
بۆم دروست کردووه جۆلانه


<< مامۆستا هێمن-۱۳۳۹>>

شیرین بەهارە، بەهاری شادان
بێ بەهرەن لەژین، گەل ناموردان
جەژن و بەهار و سەیران و خۆشیی
گشتی پیرۆزی گەردن ئازادان
شیرین ئەزانم کە تۆش زاماری
وەک من عەوداڵی خونچەی بەهاری
هیوای تۆ یەکە، هیوای من هەزار
من بێزار نەبم، تۆ بۆ بێزاری؟
مەژی بۆ مردن، بمرە بۆ ژیان
چۆن قازانج ئەکەی، تا نەکەی زیان؟
لە زڕەی زنجیر، دڵت نەلەرزێ
پێوەند بۆ لەشە نەوەک بۆ گیان
"ئیبراهیم ئەحمەد"

گوڵم!
دڵم پڕه له دەرد و کوڵ
ئەڵێم بڕۆم له شارەکەت
ئەڵێم به جامێ ئاوی کانیاوی دێیەکەم
عیلاجی کەم کوڵی دڵی پڕم,له دەردی ئینتیزارەکەت
وەڕەز بوو گیانی من له شار و هاڕەهاڕی ئەو
له ڕۆژی چڵکنی نەخۆش و تاوویاری شەو
ئەڵێم بڕۆم له شارەکەت
له شاری چاو لەبەر چرای نێئۆن شەوارەکەت
بڕۆمەدێ که مانگەشەو بزێته ناوبزەم
چلۆن بژیم له شارەکەت
که پڕ به دڵ دژی گزەم؟!
له شارەکەت,که رەمزی ئاسن و منارەیه
مەلی ئەوین غەوارەیه
ئەڵێی له دەوری دەست و پێم
ئەوەی کەتێل و تان و رایەڵه,کەلەبچەیه
ئەوەی که پەیکەره میسالی داوەڵه
ئەوەی که دارەتێله,مەزهەری قەنارەیه
له شارەکەت کەمەندی دووکەڵه
که دێتەدەر له ماڵی دەوڵەمەند
وه تیشکی بێ گوناهی خۆرەتاو ئەخاتەبەند
"سواره ئیلخانی زاده"

مەشخەڵ
زۆر بە ئاسپایی بەرەو رۆژی نەمان هەنگاو ئەنێم
رێگە دەبڕم بێ وچان، هەنگاوی قورس و خاو ئەنێم
روونە لێم رۆژێک دەبێتە رۆژی دوایی ژینی من
بەس کە هەم، تاکوو بژیم، هەنگاوی هەڵسەنگاو ئەنێم
نایگرم بەر چاوی خۆم و ناهێڵم چاو بەستنم
بەرهەمی زانست و عەقڵیش، سەر سەر و سەر چاو ئەنێم
تا بتوانم دژ بە تاریکی گڕی مەشخەڵ دەبم
چونکە هەنگاو بۆ وڵاتم، بۆ گەلێکی شیاو ئەنێم
کۆیلە بوون بۆ هەر مەبەستێک، پارە، ئایین، دەستەڵات
کوشتنی ئازادیە، هاوار ئەکەم من، قاو ئەنێم!
شوانی جامانە بەسەر بێت یان کڕاواتی لەبەر
ناچمە ژێر شوولکی وەکوو مەڕ، داو و ڕاویان ڕاو ئەنێم!
جیهان که ریمی

بۆچی نەزەر دەدەی که دەزانی درۆ دەکەی
راستت له زاتی دا نییه بوختانێ بۆ دەکەی ؟!
من کەی دەگەڵ گوڵێکی دی خۆش بوم به غەیری تۆ
بڕوات نەماوه ، قەسدی هەمو تان و پۆ دەکەی ؟!
هێندەت شکاندۆ ئەو دڵه خۆی ناگرێتەوه
پێت وایه ئەو به ماچێ تۆ پینه و پەرۆ دەکەی ؟!
ئازای هەمیشه بۆچی له بۆ هەتکی حورمەتم
بۆچ پادشای ئەوینی رێگام بێ شکۆ دەکەی ؟!
خۆی ناگرێتەوه دڵی من قەت وەک ئەووەڵێ
کاتێکی لەت به لەتتی به تیری برۆ دەکەی !
دوکتوور که چاوی کرده دەروونم کوتی موحیب
زوخاوه سەربەسەر تۆ ئەوانه له چۆ دەکەی ؟!
ناراحەتم له بەر چی به دڵ عاشقم به رووت ؟!
تۆش وا به سووکی عەهدی عیشق لێره ڕۆ دەکەی !!
سووتاوه ریشەکەم ، که وجوودم خەڵووزه بۆت
ئەی شۆخی بێ خەبەر له چی داوای چرۆ دەکەی ؟! . . .


«موحیب مەهابادی»