نالی شاعری است که به چهار زبان کردی فارسی عربی و ترکی تسلط داشت و به هر چهار زبان شعر سروده است و برای مثال :

آن زلف مشکبار بدان روی چون نگار گر کوته است کوتهی از وی عجب مدار
شب در بهار میل کند سوی کوتهی آن زلف چون شب آمد و آن روی چون نگار

ئه ستیره هه موو مه حوه له نیو نووری قه مه ردا
یا شه مسی جه مالت شه وی گیراوه به فه ردا ؟
خاکی به ری پیت هه م گل و گول به سوروشکم

وه ختی غه م و شادی ئه وه کردوومه به سه ردا
ته لبیسی نیه ئه وکه سه دیوانه یی رووته

بیچاره نه ما غه یری حه یاتیکی له به ردا
ره نگی نیه ی روخساره یی ره نگین وله تیفی

روشن بوه ئه م نوکته سه باتی له به سه ر دا
هه ر چه نده که ئینسانه له به ر چاوی من و تو

مومکین نیه ئه م لوتفه له ئینسان و به شه ر دا
ئیسباتی خه تو خاله به سه د شوشتن و گریان

ناچیته وه ئه م نوقته له نیو دیده یی ته ر دا
شه وقی که نه بی باسیره مه ئیووسه له دیتن
هه ر شه وقی ئه وه قووه تی دینی به نه زه ر دا
ئالووده نه بی دا به زه بوون گیریی خوینم

بو کوشتنی من دامه نی پاکی له که مه ر دا
(نالی) خه به ر ی بی ئه سه ری غائیبه ئه مما

نالیکی حه زین دی له موناجاتی سه حه ردا


په‌چه‌یی په‌رچه‌می‌یو، پرچی سیا
هه‌ر ده‌لیی مانگه شه‌وه كولمی تیا

لاده ده‌سروكه‌یی هه‌وری له جه‌بین
ده‌ركه‌وی شه‌مس و قه‌مه‌ر، نور ضیا

لیوی تو ئاوی به‌قا، من خضرم
فه‌یضی تو ره‌حمه‌ت و من سه‌وزه گیا

فه‌رشی كه‌ففی به‌ری پیته نه‌رگس
سه‌ری داخستووه وه‌ك چاوی حه‌یا

مه‌خمه‌ره هاوییه‌یی هه‌ولی فیراق
ده‌ستی من دامه‌نی تو روژی قیا

"گیل" ئه‌گه‌ر توركی، "تعال" ئه‌ر عه‌ره‌بی
"بی" ئه‌گه‌ر كوردی، ئه‌گه‌ر فورسی "بیا"

م_ کاردوخ

جاده پشتی چه‌مانده‌وه سیگناڵی ئه‌ژدیهای سه‌فه‌ر ناڵاندی و ته‌نیایی‌می لاوانده‌وه
ده‌ستی هانی خۆشه‌ویستم ، ده‌ستی گرتم
وتی: پێم‌‌ده یادگارێ
ده‌سم نایه سه‌ری سنگم: نه‌مداوه‌پێت مه‌گه‌ر گوڵم ؟
وتی كوانێ ؟ وتم دڵم .
وتی: ئه‌وه ده‌یان ساڵه له‌لام‌دایه
ووتم: هانێ گیانیش له‌گه‌ڵ خۆتا ببه
گیانم بووبه سێ باڵنده‌ی لانه‌ی ئه‌وین
له‌گه‌ل دڵدارا هه‌ڵفڕین
گه‌ر بۆم بلوێ له‌سه‌ر نه‌خشه‌ی وڵاته‌كان
هه‌موو جاده و شه‌قامه‌كان ده‌سڕمه‌وه
ئیزنی كۆچ و سه‌فه‌ر ناده‌م
ئه‌م یاسایه دڵته‌زێنه
به‌كوودیتای ئه‌وینداران له‌ جیهانا ده‌بڕمه‌وه
به‌هاره‌كه‌م . به‌هاره‌ نادیاره‌كه‌م

جه لال مه له کشا

بۆ چر که‌ یێک هه‌ دا نا ده‌م
له‌ ئامێزی بێ تۆیی دا
ئاڵا ئه‌گرم له‌ باوه‌شم
باڵا ئه‌گرم
گه‌ز گه‌ز ئه‌ڕۆم بۆ ئاسمان
تێکه‌ڵ به‌ ژانی هه‌ور ئه‌بم
دێمه‌وه‌ سه‌ر چیای شارم
بۆ هه‌موو سوور گوڵانی شار
له‌ گه‌ڵ باران دائه‌بارم

سه‌ید ئه‌حمه‌د ته‌وه‌کولی

جێژوانی خه‌و

خۆشه‌ویستم ئه‌م شه‌و له‌لات

تاق ئه‌مێنم تائه‌وپه‌ڕی

چاوه‌کانت جارێکی تر

باخه‌یاڵم ڕابژێنم

خۆشه‌ویستم ئیزنم بده‌ی

تامی باران تێکه‌ڵ به‌دوو

لێوه‌کانت مه‌ی کۆن ئه‌که‌م

گه‌ڵ وه‌نه‌وشه‌ی ئاره‌قی سه‌ر

یادی شینی تاقی گۆنات

سه‌رسه‌مایێک ده‌ست پێ ده‌که‌م

بێنه‌سه‌یرمان گشت بوونه‌وه‌ ر

پۆله‌چه‌پڵه‌ی ئه‌ستێره‌کان

بێنه‌ سه‌رمان وه‌ک تاجی سه‌ر

سه‌رسه‌مایێک ده‌ست پێ ده‌که‌م

ئێره‌یی مان شه‌و پێ ببا

مانگ له‌شه‌رمی خۆی داوه‌شێ

پێشکه‌شت که‌م چه‌بکێ ئه‌وین

چه‌ن چڵێک نا ..........پڕباوه‌شێ

خۆشه‌ویستم بڕوات هه‌بێ

چرکه‌کانی ئاڵی ته‌مه‌ن

تانه‌ژاکن ئه‌گرم له‌مۆم

چه‌ن دڵۆپه‌ی هه‌وری نیگات

بۆدڵی خۆم وه‌ک مه‌ی ده‌خۆم

خۆشه‌ویستم ئه‌مشه‌وخه‌وم

بۆته‌ جێژوان کوڵمی حه‌زت

ڕاده‌موسم تاکوو به‌یان

تۆکچی کاڵی سه‌ر زه‌وی

من کوڕی خاڵی کاهه‌تاو

ڕێگه‌مان دوورناگه‌ینه‌ یه‌ک

په‌یکه‌رێکم بێ تۆبه‌ڵام

تاسنوری ئاوێته‌ بوون

دێم به‌دووتا
سه‌ید ئه‌حمه‌د ته‌وه‌کولی

(لێمان هه‌ڵێ ده‌بێ‌که‌سم)

تا کاڵ بمه‌وه‌ له‌و چاوانه‌ و
ئاڵمه‌ لێوانت
ئه‌بێ چه‌ن تاڵ به‌ پیریته‌وه‌ بێم
تا وه‌رامه‌ ئێواره‌ی هه‌نگاو و
قاپی ده‌رکه‌و
چه‌ن پێڵاوی ئاخۆ نه‌وه‌کامم
ئه‌م ماچه‌ به‌ری کۆچه‌ و
ئه‌م ده‌سته‌ هه‌تا بێ وه‌رانی په‌نجه‌کانی یه‌ک‌گرتنه‌
پیره‌ یادی خۆزگه‌ی‌ په‌تی
به‌ ڕوانینێکی ڕووته‌ ڕزگارییه‌ و‌
شانشینی ئه‌م چرکانه‌م
تکا له‌ تۆ
بۆ ئه‌م بیره‌ مه‌زه‌ بیت و
بێلانه‌ خۆم ده‌با لات بم!
من که‌ ئه‌ونه‌مامه‌خه‌مه‌م
لێمان هه‌ڵێ ده‌بێ‌که‌سم!
نه‌ڵه‌ی به‌ دینت بێزارم

( ئازاد سه ید ئیبراهیمی )

دوو دانه‌ دوو ده‌کاته‌ چه‌ند؟

له‌ بیرم‌ دێ له‌ مه‌کته‌بدا ده‌یانپرسی:

دوو دانه‌ دوو ده‌کاته‌ چه‌ند؟

هه‌موو تێکڕا ده‌یاننووسی ده‌کاته‌ چوار

که‌چی ئه‌من له‌ حیسابدا نمره‌ی که‌مم ده‌هێنا

و ده‌هاتمه خوار

ئه‌ویش ته‌نیا له‌ به‌ر ئه‌وه‌ی لای من وابوو

دوو دانه‌ دوو ده‌بێ به‌ یه‌ک

نابێ به‌ چوار!

لای من وابوو

ددان و دوو لێو و زمان نابن به‌ چوار!

ده‌بن به‌ زار

به‌ تێکڕایی ده‌که‌ن هاوار

لای من وابوو

دوو ده‌ست و دوو لاقی مرۆڤ نابن به‌ چوار!

له‌ له‌شێکدا وا دێنه‌ کار.

لای من وابوو

گه‌ڕه‌ک خانوو کۆڵان شه‌قام نابن به‌ چوار!

ده‌بن به‌ شار

تێیدا ده‌ژین ده‌وڵه‌مه‌ند و خه‌ڵکی هه‌ژار

لای من وابوو

کولکه‌ ڕیشه‌ لق گه‌ڵا نابن به‌ چوار!

ده‌بن به‌ دار

هێندێک کورت و هێندێک درێژ وه‌کوو چنار

لای من وابوو

ئه‌وین و دڵ جوانی و پاکی نابن به‌ چوار!

ده‌بن به‌ یار له‌ لای دڵدار

ئه‌و هه‌مووه‌ی وا دوو به‌ دوو

ده‌بن به‌ یه‌ک نابن به‌ چوار

یه‌کجار زۆرن

به‌ڵام له‌ کوێ دێنه‌ ژمار

ته‌نیا ئه‌وه‌نده‌ی ده‌زانم

ئه‌گه‌ر له‌شم سه‌د پارچه‌ که‌ن

بمده‌نه‌ ژێر گوله و ڕه‌گبار

بچمه‌ سه‌ر دار

که‌ دڵم دێته‌ سه‌ر زار

کوردستان

هه‌ر وڵاتێکه‌ و

نابێ به‌ چوار


**له‌تیف هه‌ڵمه‌ت‌** ‌‌