|
بەجێ نــــــــایێ دەبێ رووبکینەسـارا حەقی ئادابی مەجنونی لــــەشـــــــارا کەچەرخ ئەسکەندەری دی دەردەدارا ووتـــی ئەم هەم بوە هەم دەردی دارا هەتاحەق ناصرە هەرحەقمە مەنزور وەکومەنصورئەگـــــەربمکەن بەدارا نەگـــــــەیمە ئــــەوجوانەوگیمە پیری مەددیـــــاپیری پیرانـــی بوخــــــــارا لـــــەبەرزارونزاری بومە وەك پوش دەئــــەم جــــارابوێرەمــــــــن بەزارا مەگەرتۆعرزی حاڵمکەی لەڵای یار قەڵـــــــــم ساغی قسەمن نیمەیـــــارا مه‌حوی |
ده‌ردی دووری زۆر گرانه دڵبه‌را هیجران به‌سه دڵ وه‌کوو په‌روانه سووتا چاوه‌که‌م سووتان به‌سه عاقڵان شه‌یدا ده‌بن ڕووبوندی سه‌رو ڕوو لامه‌ده عاشقان کوشته‌ی جه‌فاتن قه‌تڵی مه‌زلوومان به‌سه مورغی دڵ پابه‌ندی دانه‌وداوی خاڵه‌وزولفی خاو گیری به‌ندیخانه تا که‌ی به‌ندی بێ ئامان به‌سه هه‌رچی بووم بردی به‌تاڵان تورکی مه‌ستی چاوه‌که‌ت تاقه‌ت و سه‌برو قه‌رارم پێ نه‌ما تاڵان به‌سه شاهیدم فرمێسکی خوێنینه که تۆ جه‌رگت بڕیم عاشقی ڕووتم ئه‌گه‌ر ته‌قسیره گه‌ر تاوان به‌سه ئێسته‌که‌ش مه‌جنوون و له‌یلێ هه‌ن له عه‌سری تازه‌دا شێت و سه‌رگه‌ردانی تۆم،حه‌یرانی تۆم ، حیرمان به‌سه گه‌نجی عیشقت پڕ به وێرانه‌ی دڵه و من پێم که‌مه تا زیادبێ چاوه‌ڕێی دیشم مه‌ڵێ ئێحسان به‌سه گه‌ر قسه‌ی عیشقی گۆڵ و بولبول له لات ئه‌فسانه‌یه تۆ گوڵی خه‌ندان و ئه‌منیش بولبولی گریان به‌سه ئاورت به‌ردا دڵ و گیانی حه‌قیقی چاوه‌که‌م ده‌ردی بێ ده‌رمانه عیشقت ده‌ردی بێ ده‌رمان به‌سه مامۆستا عه‌بباسى حه‌قیقى |
پایز! پایز! بووکی پرچ زه‌رد |
|
لەو ڕۆژەوە تۆی دیوە پەرێشانە دڵی من سەودازەدە و بێ سەر و سامانە دڵی من سەرگەشتە ئەسوڕێتەوە، بێ لانە دڵی من ... هەر ساتێک بە دەردێکەوە ناڵانە دڵی من هەرچەندە بە دویا ئەگەڕێم شار و وڵاتان دەشت و کەژ و سەحرا و چۆڵ و بیابان شێتانە ئەبێ ڕووی لە چ لا کردبێ یاران وەک بولبولەکەی وێڵی گوڵستانە بەهاران ئاخۆ لە چ لا غەزەل خوانە دڵی من یا دەربەدەی کوچی شارانە دڵی من سەد خۆزگە بێ بەو ڕۆژە کە نەمبیستبوو ناوت نەمچێشتبوو تاڵی مەیی و میخانەی چاوت نەیدیبوو دەست و پێی دڵەکەم حەلقەی داوت ئازاد بوو لە پێچ و خەمی ئەگریجەی خاوت وا ئێستا لە تاو ئاگری هیجرانی تاوت فرمێسکی ئەڵێی تەرزە و بارانە دڵی من شێخ نوری شێخ صاڵح |
فوستانی ره‌شی نازکی چین چینی له‌به‌ردا وه‌ک هه‌وری سیا بێ، به‌سه‌ری قورسی قه‌مه‌ردا قوربانی نیگاهی غه‌زه‌بت ڕۆح و دڵی من یه‌ک له‌حزه، دوو سه‌د تیر و ڕمت، چۆن له‌جگه‌ر دا؟! مادام که به شمشێری برۆت له‌ت له‌ته جه‌رگم لازم نییه ئه‌و خه‌نجه‌ره، کردووته به به‌ردا دوو دیده‌یی مه‌خمووری نیگارم به شه‌باهه‌ت وه‌ک ئاهوو وه‌هایه، که له‌خه‌و بێ له‌سه‌حه‌ردا ده‌ستێ که به داوێنی ئه‌تۆ، ده‌ستێ به دڵ بم چی بکه‌م، که نییه ده‌ستێ، بکه‌م خاکێ به‌سه‌ردا قوربان، وه‌کو خاکی به‌ری پێت که‌وتووه دایم ئه‌حمه‌د، که مه‌گه‌ر دولبه‌ر، خۆی بێ له گوزه‌ردا 1896- 1935 ، هه‌ڵه‌بجه ئه‌حمد به‌گی جاف |
چوارینەی حکیم عمر خەییام تیرێژ که به ڕۆژ و پێل به ده‌ریا دریا له‌و ڕۆژه‌وه گوڵ پێکه‌نی، بولبول گریا خوا نووسی له چاره‌ی ڕه‌شی ئێمه‌ش به‌شمان ژینێکی هه‌ژاری پڕ له خۆزیا و بریا بیستوومه به‌هه‌شتێ هه‌یه حۆری تێدا ڕووباری شه‌ڕابی پاکی ده‌ڕوا پێدا من لێره مه‌ی و یارێ په‌یاکه‌م چ ده‌بێ؟ ده‌سکه‌وته‌که هه‌ر یه‌کن به هه‌ر دووک ڕێدا گریا گولێ بۆ گوڵاو سه‌ر ئاگر نریا ئه‌م بۆن و به‌رامه‌یه‌م نه‌بووبا بریا نرخی هونه‌ر و جوانی یه ده‌یبا گه‌ردوون کێ پێکه‌نی جارێکی، هه‌زار جار گریا بێهووده‌یه بیر و خه‌م، دڵت خۆش که برا پرسیار نه‌کرا، به‌شت درا هه‌رچی درا تۆ هێشته نه‌هاتوویه جیهان ڕۆژی به‌رێ ئه‌و ڕۆژه ده‌بوو بچیته ده‌ر، دیاری کرا به‌س هه‌ڵ بخولێ به ده‌وری پیس و پاکا تا که‌نگێ به شوین هه‌موو خراپ و چاکا گه‌ر زه‌مزه‌می، یان دای بنێ ئاوی ژیانی ناچاری ده‌بێ ڕۆچی به سینه‌ی خاکا مردن چییه؟ که‌س تێ نه‌گه‌یی تا وێستا ته‌وڕات و زه‌بوور، تا ده‌گه‌یه ئاوێستا زۆر که‌س له ژیان دواوه زانایانه بۆ باسی مه‌رگ گێل و نه‌زان ڕاوێستا |
ئه‌م ماڵه هه‌ژاریمه به‌سه‌رما نه‌روخێنی، نه‌تـــــــــــــــۆری سه‌ر له خۆم و له ماڵ و مناڵم نه‌شێوێنی، نه‌تـــــــــــۆری ئه‌م ماڵه به بۆنه‌ی تۆوه به‌رپـــــــــایه ئه‌زیــــــــــــــــــــــزم لانه‌ێکی فه‌قیرانه‌یه بۆمی نه‌ڕمێنی، نه‌تـــــــــــــــــــــۆری نه‌تۆری کچێ نه‌تۆری...وه‌ڵا نیه‌سم تاقه‌تـــــــــی دووری * * * تۆ بڵێ شاخی مار،شیری مه‌لیچک بۆت ئه‌سێنم،نه‌تۆری تۆ گیانو بوێ هه‌ر به خودا بۆت ده‌ر ئه‌هێنم، نه‌تــــــــــــۆری به‌و شه‌رته که دیسان وه‌کو جاران تۆ له‌لام بی ئه‌زیــــــزم ئاوازی هه‌زار بولبولی شه‌یدات بۆ ئه‌خوێنم، نه‌تــــــــــۆری نه‌تۆری کچێ، وه‌ڵڵا نیه‌سم تـــــــــــــــــــــا قه تـــی دووری * * * به‌ینی من و تۆ حه‌یفه که تێکی بشکێنن، نــــــــه‌تۆری مه‌روانه که دڵ ئێمه له یه‌کتر بڕه‌وێنێن، نه‌تـــــــــــۆری گوێمه‌گره له تانه‌و ته‌شه‌ری خێلی به‌خێڵان ئـــــه‌زیزم رۆژێک نیه سه‌د لانه له سه‌د لا نه‌شێوێنن، نه‌تـــــۆری نه‌تۆری کچی نه‌تۆری...وه‌ڵا نیه‌سم تــــاقه‌تـی دووری عـــه بـــاس کــه مــه ندی |
|
به غه‌مزه چاوی مه‌خمووری سیاهی مه‌ستی مه‌ی كردم به ماچی لێوی موسته‌غنی له ئه‌نواعی مه‌زه‌ی كردم ترازابه‌ندی سوخمه‌ی ئاڵی گوڵ ناری به ئاهی من كه‌چی ده‌ستی له‌سه‌ر دانا له سه‌یری باغی به‌ی كردم به هه‌وری په‌رچه‌م و زوڵفی ڕووخ و ئه‌برۆی كه داپۆشی له شه‌وقی ڕوئیه‌تی به‌در و هیلالی یه‌ك شه‌وه‌ی كردم ئه‌گه‌ر چی كوشتمی خۆ قابیز ولئه‌رواحی موژگانی به قانونی مه‌سیحایی به خه‌نده‌ی لێوی حه‌ی كردم به عینوانی حه‌یا توغرا میسالی زوڵفه‌كه‌ی پۆشی له كه‌سپی شێوه خه‌تت و توره‌یی شاهانه‌كه‌ی كردم گوناهی من نه‌بوو زاهید كه مه‌یلم دا به بتخانه هه‌موو تاوانی دڵ بوو عاشقی ته‌رسا په‌چه‌ی كردم كه ناری ئاو كه‌نارم بوو قه‌دی سه‌رووی چنارم بوو له سه‌ر چی بوو به ئاڵۆزی له سه‌یری نار و به‌ی كردم شكاتی زه‌خمی دڵ ناری له تاهیربه‌گ ته‌مانناكه بڵێ ئه‌مڕۆ گوڵ ئه‌ندامێ به تیری جه‌رگی په‌ی كردم ناری |
| اکنون ساعت 03:26 AM برپایه ساعت جهانی (GMT - گرینویچ) +3.5 می باشد. |
Powered by vBulletin® Version 3.8.4 Copyright , Jelsoft Enterprices مدیریت توسط کورش نعلینی
استفاده از مطالب پی سی سیتی بدون ذکر منبع هم پیگرد قانونی ندارد!! (این دیگه به انصاف خودتونه !!)
(اگر مطلبی از شما در سایت ما بدون ذکر نامتان استفاده شده مارا خبر کنید تا آنرا اصلاح کنیم)