عێرفان

شه‌و
ده روێش ده ‌ف لێده‌ دا و
جه‌ زمی ده‌ کا و
ده‌ خولێته‌ وه‌ .
بۆ به‌ یا نی
مناڵه‌ که‌ی
له‌ کۆڵان
ده‌ ف لێده خوڕێ و
شا ت شا تێنی پێ ده‌کا .

بێ نێونیشان!

له‌ بازاڕی ئاسنفرۆشاندا
په‌نجه‌ره‌ی شه‌شده‌ركیم كری
تا له‌م شیعره‌دا پێت بڵێم:
ته‌ماشام،
باڵنده‌یه‌كی تره‌
بۆ قه‌فه‌زی نیگاكانت!

ئاماژه‌:

كه‌نده‌پیس پارچه‌زه‌وینێكی گه‌وره‌ بوو، كه‌ ده‌كه‌وته‌ نێوان گه‌ڕه‌كی ((نووسه‌ران))ی ئێستا و ((عه‌نكاوه‌))وه‌. له‌ ساڵانی زوودا ((1996- 1998)) هه‌رچی زبڵی هه‌ولێر هه‌بوو، له‌وێ فڕێ ده‌دران. نازانم ماوه‌، یان نا، به‌ڵام له‌ سه‌روه‌ختی منداڵیم دا، له‌گه‌ڵ كۆمه‌ڵێك منداڵی تری هاوته‌مه‌نم دا، له‌وێدا به‌ دوای شتگه‌لێكدا ده‌گه‌ڕاین، كه‌ نه‌مانده‌زانی چین!

كات: 30: 1ی شه‌و


دوای ئه‌م نووسینه‌
تووتن و كاغه‌زی به‌ر كه‌مه‌رم ده‌ردێنم
له‌گه‌ڵ بڕێك حه‌شیش دا
تێكه‌ڵیان ده‌كه‌م،
هه‌ر ئێسته‌ش كه‌ خه‌ریكم ده‌نووسم
ئه‌م په‌یڤانه‌ گه‌رمتر ده‌بن له‌ سۆبا
-ده‌ستم كه‌متر درێژ ده‌كه‌م و-
سیگاره‌كه‌م داده‌گیرسێ:

- له‌ ته‌نیشتته‌وه‌م، ئێسته‌ بۆ كوێ
- ئای!

هه‌ردووكمان...


ئه‌م شیعره‌،
چه‌ند چركه‌ساتی تێدان
كه‌ ئی منن،
به‌ نووسینی،
كه‌ ئی تۆیه‌،
ده‌یدزم،
به‌ خوێندنه‌وه‌ی!

ئیتر ئاوایه‌ پێوه‌ندیمان!

پرسه‌، له‌م دێرانه‌دا


تۆ: پیتێك- په‌یڤێك
له‌م شیعره‌،
كه‌ نه‌منووسیوه‌،
ده‌قرتێنی،
من: ئه‌ندامێك- كه‌سێك،
كه‌ هه‌یه‌...

- بابه‌!، كوشتن چییه‌؟!

هیچكامیان نا!


كه‌ گوتم:
- "خۆشم ده‌وێی!"
به‌ بێ ئه‌وه‌ی ڕاست بڵێی،
گوتت:
- "درۆ ده‌كه‌ی!"

میاومیاوی پشیله‌یه‌ك، له‌ ته‌نه‌كه‌ی مێشكم دا


((ئێستا)) بێزارم،
ئه‌گه‌ر نه‌منووسیبا ((بێزارم))،
نه‌مده‌زانی بنووسم وه‌ی داد،
كه‌ ده‌نووسم: وه‌ی ڕۆ!

پێله‌قه‌ له‌ ((ئێستا)) ده‌ده‌م،
تا بزانی سه‌روه‌ری به‌رد نییه‌،
له‌ نێو له‌پی ده‌ستێكی ساغ دا!

ده‌ستی كه‌سێك،
كه‌ بێزاره‌
بگره‌،
وه‌ك ده‌ستێكی تر،
بگوشه‌،
كه‌ به‌رز نابێته‌وه‌،
كه‌ په‌نجه‌كان له‌ جووڵه‌ كه‌وتوون!

چونكه‌ بێزارم؛
وه‌ك پشیله‌یه‌ك، كه‌ هه‌ر ئێستا
هه‌موو ته‌نه‌كه‌كانی پشكنیوه‌ و
پاشماوه‌ی خواردنی نه‌دۆزیوه‌ته‌وه‌،
به‌ ناكامی ده‌گه‌ڕێینه‌وه‌:
له‌ ڕابردوودا،
جگه‌ له‌ قاپێكی به‌تاڵ له‌ گۆشت
كه‌ پڕه‌ له‌ ڕشانه‌وه‌ و
مێشی قه‌ڵه‌و به‌ بێزاربوون
شتێك نییه‌،
تا به‌ ((بینین)) سه‌رحاڵمانكا!

كه‌ پێم ده‌ڵێی:
داهاتوو به‌ گونت،
وه‌ره‌ ماچتكه‌م سه‌گباب!

... ده‌ڕۆم!

په‌رێشانی

چاره‌ی خه‌می من مه‌ی نییه، مه‌یخانه‌ بڵێ چی؟ // به‌و ده‌رده‌وه‌ مه‌ی نامگرێ، په‌یمانه‌ بڵێ چی؟

پێم وانییه‌ له‌و غه‌دره‌ له‌فریام بکه‌وێ که‌س // ئه‌و دۆست بوو وه‌فای بۆم نه‌بوو، بێگانه‌ بڵێ چی؟

بسکت بده‌ ده‌س شانه‌، به‌ڵام چین مه‌خه‌ ئه‌برۆ // زوڵفی تۆ شنه‌ تێکی ده‌دا، شانه‌ بڵێ چی؟

هه‌ر عاشقه‌ سووچیشی نه‌بێ، ده‌یخه‌نه‌ ئه‌ستۆی // شه‌م ئاگری کردۆته‌وه‌ په‌روانه‌ بڵێ چی؟

تاوانی منه‌ ده‌ربه‌‌ده‌ری و ده‌ردی سه‌ری من‌ // مه‌ل خۆی سه‌ری خۆی هه‌ڵگرێ، هێلانه‌ بڵێ چی؟

شێتی قه‌دی تۆ شه‌رتی له‌گه‌ڵ چۆڵ‎وچیا بوو // زانابێ به‌ زنجیره‌وه‌، دێوانه‌ بڵێ چی؟

خاڵی تۆ به‌ په‌رژین و خه‌یاڵ ناسک و ساده‌ // بێ چاره‌ له‌ناو ئه‌و هه‌موو پاوانه‌ بڵێ چی؟

چیرۆکی جوانی تۆ له‌ ناو لاپه‌ڕودێڕا // ناگونجێ، ئیتر نووسه‌ری ئه‌فسانه‌ بڵێ چی؟

تاسه‌ی تۆ که‌ دام ده‌گرێ، ده‌ڵێن: ئاخری خێر بێ // "هێدی" له‌گه‌ڵ ئه‌و کۆنه‌ برینانه‌ بڵێ چی؟

له‌ گۆڕستانی کۆندا

رابێرت فڕاست


زیندووه‌کان، به‌ هه‌نگاوه‌ له‌ گژوگیا هه‌ڵکشاوه‌کانیانه‌وه‌
دێن هه‌تا له‌ سه‌ر ته‌په‌که‌که‌، کێلی قه‌بره‌کان وه‌خوێننه‌وه‌.
گۆڕستان هێشتا زیندووه‌کان بۆ لای خۆی راکێش ده‌کا،
به‌ڵام ئیتر هه‌رگیز داوای مردوویه‌کی تر ناکا.

له‌وێ، ئه‌م شێعرانه‌ به‌رده‌وام وه‌به‌ر چاو دێن:
ئه‌وانه‌ی ئه‌مڕۆ زیندوو دێن بۆ ئێره‌،
تا کێله‌کان بخوێننه‌وه‌ و وه‌گه‌ڕێنه‌وه‌
سبه‌ینێ، به‌ مردوویی دێن هه‌تا بمێنه‌وه‌

به‌رده‌ مه‌ڕمه‌ڕکان، که‌ ئاوا به‌ دڵنیاییه‌وه‌ باسی مه‌رگ ده‌که‌ن،
هه‌مووکات سه‌رسامن،
که‌ بۆچی ئیدی مردوویه‌ک له‌ رێوه‌ نایه‌،
پارێز و خۆبواردنی خه‌ڵکی له‌ به‌ر چیه‌؟

به‌ سانایی ده‌کرێ گاڵته‌و گه‌پ بکه‌یت و
به‌ به‌رده‌کان بڵێی خه‌ڵکی له‌ مردن بێزارن و
ئیدی قه‌ت نامرن .
وای بۆ ده‌چم که‌ باوه‌ڕ به‌م درۆیه‌ بکه‌ن.‌


رابێرت فڕاست/گزیده‌ی اشعار/ترجمه‌ی فتح الله‌ مجتبایی/انتشارات مرواید/