|
چوارێنەکانی جه‌عفه‌ری که‌ریمی
چوارێنەکانی جه‌عفه‌ری که‌ریمی بشی هه‌وه‌ڵ (لەسەر ئیزنی باباتاهیری کورد) رەشە بەختم ژیانم پێچەوانەن شەوورۆژم هەژاوەتار وتانەن کەچی بوینە جەفاکێشی ئەوینت من ودڵ چونکە دێوانی زەمانەن . {پپوله} لەکاتی شەو کە خەو دێتە سەرینم لە شم وەک ئاگرە پڕ تاووتینم بە تەنیا دەردی دووریتم لە گەڵدا دوو چاوم خوێنە وەک ژەهراوە ژینم . {پپوله} بە داییم دەستە دوعامە نە تۆری نزیکم بی لێم بەدور بی لێم لە دووری سۆمای چاوم نەما ئەوەندە بگریم ژیانم نامەشێ ئازارە زۆری . {پپوله} دڵیک ئاشق نەبێ تەفتو تونا بێ بە دڵ شەیدا نەبێ با لابەلابێ بە چرکە نەهەژێ لە ناو رکەی سنگ دەبا دەرچێ لە گیان وێڵو خرا بێ . {پپوله} دەزانم لێم بێزارودوور پەرێزی لە بەزمی ئاشقان گەلێک بێ ڕێزی لەبەر دەرگای دڵم داخەی ئەوینت لەجوابی دڵ بڵێم چی گەر تۆ زیزی . {پپوله} ئەتۆم یارو ئەتۆم یارو ئەتۆم یار دەبم شادو بە ژین من دەبمە ژیندار ئەگەر دەرگای ژوان داخەی لە سەر من لە ژین هەر چی خۆشی بێ دەبم زار . {پپوله} تەواوی گوڵ لە گوڵزاران تەمای تۆن بە تاتای تاڵی زولفت دێنە سەر بۆن گوڵ وخونچە بەهاران دێنە سەر پا هەموو وەرزان بە بێ تۆ ژینگە نامۆن . {پپوله} دە پرسی تۆ لە من بۆ بێ قەراری بە وێنە سێ شەشەی وەرزی بەهاری لە بەر چی روو دەکەیتە دەشتوسەحرا چەما پشتم برینت بۆ تە کاری . {پپوله} لەکوێ گوڵزارە بێ تۆ چرکەساتم ئەگەر وادەی نەگا هەمووئاواتم سەرا سەر تانو تونە ئەم جیهانە بە بێ تۆ دوست وهاوڕێی مەرگەساتم . {پپوله} لە بێدادو درۆی گەردون ئەی هاوار سەراسە سوڕی دەورانی کەج و خوار دەڵێم بدڕم یەخەی جەستەم بەجارێ لە چەنگ ئەو قەحبە دونیایە هەزار جار . {پپوله} ئەگەر چارەی دڵم نی بۆ لە لامی وەها بێدەنگ ومت سا بێ کەلامی نە دەرمانی نە مەرهەم بۆ برینم لە کوێ یاری نە یاری بێ مەرامی . جەعفەر/ کەریمی ١٩٩٧/ زایینی / تورکو /فەنلەند |
چوارێنەکانی جه‌عفه‌ری که‌ریمی بشی دوهه م لەرێی دڵ دڕکو خڕنۆکان دەبینم لە دەست چوو هەستو هۆشو دڵ ودینم وەکو ساویلکەیەک بەندەم لەرێی تۆ بە رێیەک دادەڕۆم سەت رێیە ژینم . :53: شەوە زەنگە دەڵێن کازیوە تۆرانە لە چواروەرزی ژیان هەر باووبۆرانە کە باڵم بێ دەڵێم بفڕم هەتا خوولگە بڵیم لاچوهەمووکارت فریودانە . :53: لە پێش چاوم تراویلکە وبیابانە بە یەکسەر هەمووی دڕکو وەکوو ژانە بە یەکسەر هەتا چاوم دەبینێ سێبەری مەرگ لە گەڵما دێ دەڵێی دوڵپایە یەکسەر . :53: بە تاتازولفی تۆ ریزە لە سەر رووت دەڵێی شەو مەنزڵی رۆژە لە سەر رووت لە نێوانی شەوورۆژ من کە دیلم لە دیلانم کە من دیلم لە سەر رووت . :53: بە بێ ناز دڵ رفێنی کوشتە بازی بەچاوت چێ دەکەی تیرنەشتەر ئەندازی بە زولفی لوولوتاتات رادەخەی داو هەتا گیرۆدە بن ئاشق بە دڵ خوازی . :53: سەدان دەردو سەدان کۆتو سەدان داو لە من هاتن لە ناکاوو لە پڕ تاو بە تانوپۆی ژیانم دا تە نیون دەڵێی دۆڵپان دەنۆشن خوێن بە لێشاو . جەعفەر / کەریمی فەنلەند—٢٠٠٧ ی زایینی |
چوارێنەکانی جه‌عفه‌ری که‌ریمی بشی سێهه‌م دڵم خۆی خستە ناو دەریای ئەوینت لە جەستەم زێدە بوو ژانو برینت دووچاوم بۆتە خوێن وگۆمی فرمێسک خەریکە کوێردەبم لە تاو بینینت . {پپوله} دڵم ناسک بووە زووزوودەتۆرێ دڵی تۆش بەردە قەت نایەتە گۆڕێ دووچاوم بۆتە خوێن بۆچی سەیربێ شەڵاڵی خوێنم وخوێن لێم دەچۆڕێ . {پپوله} تراویلکەم لە چوار لا پێ بڕاوە لە جیاتی گوڵ هەمووی دڕکە رواوە دەڵیم سەر هەڵگرم تا پێم دەتوانێ بە رمبی تیژی تۆ لەش لەت کراوە . {پپوله} منی ساویلکە بۆ رێگەی ئەوینم گرتە پێشێ بە خەروار هاتە لای من کۆنە زاموگەورە هێشێ گۆتم ئەی دڵ لە بەر چی وات لە من کرد گوتی نەتزانی تۆ نەشتەر لە جیاتی گوڵ دەنیشێ . {پپوله} شەوورۆژم شەتاوی خوێن لە دڵ دێ دوو چاوم رێژنە بارانە بە فرمێسکان وەڕێدێ هەموو ساتێک لە سەر رێت دادەنیشم تۆ ببینم بە دیدارت دەبم گەش چون بە تەنیا تۆم وەدی دێ . {پپوله} لە بەختی رەش ژیانم تیژ و تاڵە لە جێی گوڵ زامی خوێنینم هەواڵە هەموو چرکەم سەراسەر خوێن دەڵێنە بە چرکە دەهەژێم ژینم مەحالە . {پپوله} لە گە ڵ ئێوارە یادی تۆم بەدڵ دێ کە شەو داهات چلۆن کاتم بە سەرچێ بەیانی هەر گزنگ تێڕێژی هاویشت خەمی دونیام دەگاتێ چم وەڕێ دێ . جەعفەر/ کەریمی تورکو فەنلەند ٢٠٠٧ / زایینی |
چوارێنەکانی جه‌عفه‌ری که‌ریمی بشی چۆاره‌م لە پاردە چاوەڕوانی تۆدەکەم من بە دڵ شادم کە یادی تۆ دەکەم من شەوانە تا کو کازیوەم بەسەردێ لە گەڵ خەو نادوێمو شەڕدەکەم من . :53: لە پاش تۆ گوڵ وەکو دڕکە لە لای من هەمووشایی جیهان شینە لەلای من لە هەرچی جوانییە بێزارم ودوور بە بێ تۆ ژین وەکو ژارە لەلای من . :53: لە سەر ڕێ چاوەڕوانی هاتنی تۆم دەستم بگرەو دەربێنە لەناو گۆم بڵێی دەورانی دووری تۆم بە سەر چێ دەسوتێم و دەسازێم بومە تە مۆم . :53: بە تەنیامۆمە هاوڕێم بۆشەوی تار لەرێی ورێبازی سەختم بۆتە رێکار بەهەو دوو نەختەنەختە دادەچۆڕێن بە ئەسرینان دەکەین ساڕێژدەردی ناکار . :53: لە فیتنەی چەرخی سپڵە دڵ پەرۆشم شەوورۆژ دڵ گران و دڵ لە جۆشم هەتا کەی دیدە تەڕ گریان و ناڵان خەیاڵت بمتەنێ بفرێ لەسەر هۆشم . :53: دڵم وەک ئاورو دیدەم بە خوێنە ئەوینت دەردە وژانە و دڵ شکێنە بە رێبوار وەرە سەر گۆڕم بەیانان بەکێلو بەردی کوشتەت روو خشێنە . :53: نزانم چەرخی چەپ بۆ لێم لە شەڕ بی شەوورۆژی وەکو کەکرەو ژەهر بی لە باران باری کەم ناکا بە چرکە چەماندی پشتی من مردنم لەسەر بی . جەعفەر/ کەریمی تورکو / فەنلەند ١٩٩٧ی/ زایینی |
چوارێنەکانی جه‌عفه‌ری که‌ریمی بشی پێنجه‌م ئەگەر رۆژێک ئەوین حاکم بێ لامان بگاتە دەردی دڵ زوو بێتە ڕێمان لە چەنگی تۆلە دەستی بێ وەفاییت چلۆن دەرچێ گوڵم ئەی داد وئامان . {پپوله} دڵم گێژە لە دەستی عیشقی جانان لەچاو م خەو رەویوە کاتو ساتان دڵی ساویلکە وەک لاوێنی تەڕ بی سەرێکی ئەشک سەرێکی خوێن لە چۆڕان . {پپوله} دڵم تەنیا لە کونجێک دا تە پیبو نە دێوانە نە ئاشق نەش خەمی بوو کە تۆ هاتی هوروژا یەکسەرە دڵ بە ژانان داڕژا ژانی ڕەمیبوو . {پپوله} لەسەر پردی سیڕاتیش یادی تۆمە لە دۆزەخ یا بەهەشت هەر تۆمە تۆمە هەموو دونیا لە لایەک هەر تەنێ تۆ بە یارت دادە نیم بکرێمە لۆمە . {پپوله} لە ڕەزبەردا دڵم سرکەی بە جۆشە دەڵێ پاییز گەیی تۆ مەی بنۆشە دەگا چەندجور ترێ خاوەن مەی وهەست لەخومرەی کە دەبا ئێمەش ببین مەست . {پپوله} دڵم هارەو قەپی گۆناتی ویستە قەپێک دووجار نمرە بیستە وەرە با دەرچێ هاری لەودڵەی من بەگازێک هەر نەبێ ماچی پێویستە . {پپوله} ئەمن شیدا ئەتۆش خاوەن خەتو خاڵ لە بەرتۆیە زمان کەوتە گڕوگاڵ وەرە با پێکەوە زیکرو دوعا کەین تەمەن گەنجەنەکا وازوو ببین کاڵ . {پپوله} دڵم لاوێنە با نەشکێ لە دەستت وەرە لای من لە سای گەرمای هەستت لە ئامێزی گرە داسەکنێ ئاواتی نەکا بمرم منی بێچارەومەستت . {پپوله} لە جێ هەواران جێ ژوانگەی یاران لە ریزی سواران جێ مام لە یاران نە حەیران نە لاوک نە بەیتو مەقام دڵم خۆش ناکەن بە بێ هەواران . {پپوله} شەوانە من خەریکی دەرس ودوەرم لە شەوقی مانگی رووت پێنوسە دەستم هەتا پەنجەم لە پەنجە بۆت دە نوسم هەتا ماوم دەڵێم هەر بۆ تۆ دەمرم . {پپوله} ئەگەر تۆ مردوو شۆرم بی لە کوێ حەوجێم بە دونیای دی بە زیندوویی ئەمن مردوم لە بۆ سینە سەنگ مەدە ئازاری من چیدی. {پپوله} شەوی تارە گەلێک مەستو تلاوتم رێگەم لێ ون بووە تارە ئاواتم هەتا کەی رێیە ببڕم کوێرە رێ بێ لە لێواری تەمەن هات و نەهاتم . {پپوله} هەرچی کە داوتە بە من ها بۆ خۆت نەمدی لە تەمەن بێجگە لە زنجیرو کۆت دەی بەسسە منەت وخۆ بە زل زانی دەر کەوە با بتبینم جا دەمرم بۆت . {پپوله} پێم دەڵین حوری فراوانە لە بەهەشت مەی بە لێشاوە دەخورێتەوە بە تەشت نە حۆری نە شڕابی تۆم گەرەکە خوایە نە غدی خۆم باشترە لێی ناکەم گوزەشت . {پپوله} باوە کە دەڵێن بەهەشتە جێی پیاو خاسان تێیدا نییە رێگا بۆ لاڕێ و خراپان ئەی جوگە شڕابی وێت بۆ کێیە مەی لێرە حەرامە لای تۆ بۆ چاکان . {پپوله} بۆ شەڕابی تۆ حڵاڵە چون لە جۆگەی جەننتە بەزمی حوری وبەزمی مەی بە لێشاوە ڕەحمەتە من بە تاڵی مەی دڵم ئارامە لەم دونیایە دا رێگەنامۆیە نە حۆری ونەشەڕابی تۆم گەرەکە . {پپوله} بۆ دەری دڵە مەی بینۆشە هێژا پێنج فەڕزە هەمووگاڵتەیە وفێڵ ریا تاکەی تەمەنت بە فیڕۆ چێ حەیران کێ هاتەوە دیتی بەهەشت هەیە یا نا . {پپوله} بادەی لاوەتیم زوو بایدایەوە پیری بۆ تەمەن سەری نایەوە نەمزانی بۆچی رۆژانی گەنجی سووکە خەونێک بوو لێم بڕایەوە . {پپوله} نەدۆزەخ نە بەهەشتت نزیکەخوایە نە جۆگە شڕاب نە حوریت رەوایە هەرچی دەمدەیتێ لەم دونیایە گەرەکمە گەر راست دە کەی وقسەت لە جێ دایە . جەعفەر/ کەریمی تورکو/ فەنلەند ١٩٩٦/ زایینی |
چوارێنەکانی جه‌عفه‌ری که‌ریمی بشی شه شه م هەموو کاتی ژیانم تان وتونە لە بەختی من هەبونیش هەرنەبونە تەواوی وەرزەکانی ژینی من چون بە پیریش مە رگە لام هاتنی روونە :53: گەشو گەشتر دەبێ خۆر تۆ دەبینێ شەوانەش مانگ لە روی تۆ خۆی دەژێنێ تەواوی گوڵ لە گوڵزارودەرو دەشت لەبەر تۆ شین دە بن بۆت دێنە شینێ . :53: لە ناڵەودادی من گەردون هەژاوە هەمووخواردنم دەڵیی کەکرەو زوخاوە ئەتۆ نەتبووە بۆ تاوێک دەردی دووری لە کوێ ژانی دڵت بۆ شی کراوە . :53: هەزاران گوڵ بە رەنگوبۆنی جیاواز لەبەر چاوم رەشن ناحەزو نا شاز بەرەنگو بۆی گوڵی رووی تۆیە شادم هەتا مردن ئەوینتم رێ و ڕێباز . :53: شەوی من رەشترە لە شەوی یەلدا خەمی دونیا وەکونەشتەر لە دڵدا هەمووکەس چارەسەر بوو زامەکانی بە تەنیا من نە بێ کەوتوم لە جێگا . جەعفەر کەریمی/ فەنلەند تورکو / ١٩٩٧ |
| اکنون ساعت 01:15 AM برپایه ساعت جهانی (GMT - گرینویچ) +3.5 می باشد. |
Powered by vBulletin® Version 3.8.4 Copyright , Jelsoft Enterprices مدیریت توسط کورش نعلینی
استفاده از مطالب پی سی سیتی بدون ذکر منبع هم پیگرد قانونی ندارد!! (این دیگه به انصاف خودتونه !!)
(اگر مطلبی از شما در سایت ما بدون ذکر نامتان استفاده شده مارا خبر کنید تا آنرا اصلاح کنیم)