07-20-2010
|
 |
مدیر تاریخ و بخش فرهنگ و ادب کردی   |
|
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172
3,713 سپاس در 2,008 نوشته ایشان در یکماه اخیر
|
|
وەکوو دارێک له رەگەوە دەریبێنن
تۆم له ناخی دڵم دەرکرد
وەک کاغەزێک بیسووتێنن
خۆشەویستی تۆ ئاوا مرد
وەک برووسکه ون بێ لەناو لەشی شەودا
تاسەم بۆ تۆ ئاوا نەما
وەک باڵدارێک له کەلاوەی خۆی بێزار بێت
وەک رووبارێک لەسەرچاوەی خۆی بێزار بێت
بێزارم لێت ، بێزارم لێت
ئەو رۆژانەی خۆشتم دەویست
من شێت بووم شێت
رۆژانێک بوو حەزم دەکرد و دەم هەویست هەر تۆ بگرم به خۆشەویست
رۆژانێک بوو کە جاران سەیری تۆم ئەکرد
ئیتر کێوی خەمم دەمرد
ئێستا بە چاوتا دەڕوانم تەدەقێ سەرچاوەی ژانم
رۆژانێک بوو تۆ لە دڵما کۆتەڵێکی پیرۆز بووی ؛ ساویلکە بووم
کەچی من هەر وام دەزانی ، تۆ بۆ من دڵسۆز بووی
بە گشت زەبری پاچی قینم ، کۆتەڵی پیرۆزتم شکاند
بۆ جوانەمەرگی ئەوینم تاقە فرمێسکێکم نەڕژاند
من چۆن فرمێسکی ئازار دەڕژێنم بۆ کچی بێ بار
ئەوەندەی من تۆم خۆش ئەویست
نیو ئەوەندە خۆم خۆشنەویست
کەچی تۆ هەر منت نەویست
کچێ تازە ئاو ببڕێ لە رووخانە
بەڕوو قات بێ لەو کێوانە
من دڵ بە تۆ نادەم ئیتر
ئیتر بە تۆ ناڵێم گیانە ، چاوەکانت مانگەشەوی کوردستانە
من نەمام بووم کە دڵی خۆم ، ئاخ بۆ کچێک دەکرد بە مۆم
کە نەک شعر
ئەنجیل،
تەوڕات ،
زەبوور،
قورئان ،
دڵ و وەڵات
بە یەک ئەنگوستیلە دەدات
تۆ کچەکە ئەگەر رۆژێک ئەوین فێر بووی
ئەگەر رۆژێک لە زمانی برین فێر بووی
ئەگەر رۆژێک بە هۆنڕاوەی زیزی مندا ، چاوت خشکاند
ئەگەر هەستت کەرد خەریکە ، لەناوەوە بتخواتەوە چەمی گریان
رێنەماییم ئەویە بۆت
مەگری بۆ من ؛ بگری بۆ خۆت
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )
|
|
جای تبلیغات شما اینجا خالیست با ما تماس بگیرید
|
|