12-04-2010
|
 |
مدیر تاریخ و بخش فرهنگ و ادب کردی   |
|
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172
3,713 سپاس در 2,008 نوشته ایشان در یکماه اخیر
|
|
هه‌واری چۆڵ
ته‌مێکی سووری کاتی زه‌رده‌په‌ڕ..
ئه‌و ده‌شته چۆڵه‌ی گرتۆته باوه‌ش
ڕێبوارێکی ناو کزه‌با و زوقمم..
گوێم که‌یل بووه له گڤه‌ی باڕه‌ش
* * *
ڕۆژانێکی زوو له ده‌وری ده‌وار..
کوانوو ئه‌گڕا.. ئاگر به‌رز و گه‌ش
ئه‌و ده‌شته خۆشه‌ی جاران هه‌وار بوو..
پڕه له قیژه و قاژه‌ی قه‌له‌ڕه‌ش
* * *
داری که‌نار ڕێ.. ده‌ست و په‌نجه زه‌رد..
له‌به‌ر زریانا.. باڵا ڕووت و قووت
چاوه‌ڕێی تاوه باران و ڕێژنه‌ن..
ئاسمان تێر بگری به ئه‌شکی یاقووت
* * *
پێڵوه‌کانی من پڕن له تکه..
بۆ سه‌ر مه‌زاری گه‌ڵای هه‌ڵوه‌ریو
که چاو ئه‌گێڕم.. هه‌ر خڕکه‌ی ڕه‌شه‌و
خۆڵه‌مێشێکی خامۆش و ته‌زیو
* * *
ڕۆژانی دێرین.. بیر ناچێته‌وه..
دڵم هه‌ر ئه‌گری.. چۆڵ نیه له غه‌م
(با) گه‌ڵای دره‌خت دروێنه ئه‌کا و
گوڵ سیس و ژاکاو.. لوتکه سه‌ر به ته‌م
* * *
گوڵێکی کێوی.. ڕووا و هه‌ڵوه‌ری..
ده‌واری قه‌ره‌ج.. له سای نسارا
پۆله چرۆی سه‌ر چڵی پایز بوو..
سه‌د په‌لی دابوو به ڕووی به‌هارا
* * *
جگه له خشه‌ی گه‌ڵای ده‌م (با)ی کۆچ..
نه ئاوازێک دێ.. نه ده‌نگی سه‌گوه‌ڕ
گه‌واڵه‌یه‌ک دێ له ده‌م ئاسۆوه..
بۆ گۆڕکردنی ته‌رمی زه‌رده‌په‌ڕ
* * *
له‌پشت ڕه‌هێڵه‌ی هه‌وری ڕۆژانا..
فریشته‌ی ده‌وار چاوی چۆته خه‌و
هۆبه‌ی شڕوپڕ له خوار ماڵانا..
شۆخ بوو به وێنه‌ی به‌فری نیوه‌شه‌و
* * *
به‌خیلییم ئه‌برد به ژینی قه‌ره‌ج..
گه‌رچی ده‌واریان دڕاو.. و شڕ بوو
مه‌شخه‌ڵانی ناو سه‌رما و سۆڵه بوون..
قوڵایی گیانیان پڕ سکڵ و گڕ بوو
* * *
باڵا به‌رزێکی ئه‌سمه‌ری قه‌ره‌ج..
تاکه فریشته و شۆخی ده‌وار بوو
بۆ سه‌ر خه‌وێکی ناو گڕی مه‌مکی..
سه‌ری پڕ زوقمم.. پڕ له هاوار بوو
* * *
چه‌ند سه‌وداسه‌ر بووم.. قه‌ت جێم نه‌هێڵن..
کچه قه‌ره‌جێ بێ به هاوسه‌رم
گوێدرێژێک و سه‌گێکم به‌نێ..
به‌رگی قه‌ره‌جێ بکه‌مه به‌رم
* * *
با داکا نمه‌ی ئه‌شکی پایزیی..
تا چاو پڕتینه.. تا ئه‌کا هه‌ته‌ر
بۆ گۆڕێک نه‌که‌س له سه‌ری ئه‌گری و
که‌سێکیش گوڵی نه‌خستۆته سه‌ر
محەمەد عومەر عوسمان
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )
|
|
جای تبلیغات شما اینجا خالیست با ما تماس بگیرید
|
|