بانوو كچه خنجیلانه‌كه‌م ....!!!
بانوو به خه‌نده جوانی
هه‌ڵده‌ستی زوو به‌یانی
گوێ له مۆسیقا ده‌گرێ
بۆ خۆی ده‌یكا دیلانێ
بانوو كڕ و بێ ده‌نگه
وه‌ك كۆتره له لانه
خه‌نده‌ی له سه‌ر لێوانه
گۆرانی و مۆسیقایه
وردیله و خنجیلانه
وه‌ك په‌پووله‌ی باغانه
كه له ئامێزی ده‌گرم
گۆرانی بۆ ده‌چڕم
هه‌رگیز دڵی ته‌نگ نابێ
خه‌نده‌ی له لێو ده‌بارێ
پاك و بێگه‌رد و جوانه
فرشته‌كه‌یی ئاسمانه
خالید شه‌یدا
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )