شەوی هیجران
چاوەڕێی موژدەی نەسیمم تا لە گوڵشەن دێتەوە
بەڵکە فەرمایش بکا گوڵ ، بولبولم با بێتەوە
وا وەعیدەی بەفرری زستانە و فیراقم کەوتە دڵ
مەر بە بای وەعدەی ویساڵت کێوی دڵ ڕەش بێتەوە
میروەحەی زوڵفت لە دەوری ئاوری ڕووت بێ چلۆن
ئاگری عیشقت بە ئاوی چاوی من دەکوژێتەوە
سووچی زوڵفت بوو کە پەروانەی دڵم ڕووی کردە ڕووت
ئاگری وەسڵی شـەم پەروانە شـەو دەکرێـتەوە
خەتتی میهر و زولفت و خاڵی ، حوججەتی موڵکی دڵە
نەقشی ئەو موهرە بە ئاوی (خوڕخوڕە)ناچێتەوە
دڵ لە ترسی چاوی بوو ، رووی کرد لە میحرابی برۆی
ئێستە بیستومە للە چینیی زوڵفی جێ نابێتەوە
کێوی هیجرت خستە سەر شان و دڵم پێی خستوە
تا نەگا دەستی بە زوڵفت زەحمەتە هەڵسێتەوە
سەد کەڕەت خستمتە گێژی مەهلەکەی بەحری فیراق
ئاخری قوللابی موژگانت دەرم دێـنـێـتەوە
مەزرەعەی میهر و موحیببەت توخمی وەسڵی شین نەکرد
گوڵ بە شای دادەچێنم خاری غەم دەڕوێتەوە
خۆت دەزانی موددەتێکە سەر و پاماڵی جەفام
کەی وەکو نەقشی قەدەم سەر نێمە ژێر پێتەوە؟
دڵ ئەوا کەوتە زینــدانی غـەم قـوربانتم
تاێکی زوڵفت بنێرە بەڵکە بۆم دەربێتەوە
تۆ خودا تاکەی لە شەوی هیجرانی تۆ
دەستە و ئەژنۆ دابنیشم ، ڕەببی کەی ڕۆژ بێتەوە
بێ ئیشارەی (حکمە العین)ی شیفات نایە شیفام
خۆت دەزانی زامی دووری خەستە خۆش نابێتەوە
فیکری من چونکە دەقیقی عاشقی قەددی ئەو
موو لە موو گیراوە چ بکەم، لێک جوێ نابێتەوە
وەفایی
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )