[behnam5555]

چۆارینه‌کانی خه‌ییام به‌ لاتین

( 3 )

بیر که‌م بته‌نه ‌، ڕایه‌ڵه‌که‌ت بێ پۆیه‌
مه‌ی ڕۆکه‌ له‌ کووپه ‌، چ ڕه‌وای ڕۆڕۆیه‌
ئه‌مڕۆ که‌ به‌ فیز و قۆزی ، سۆزی تۆزی
با برده‌ڵه‌ ! پێت وابوو جیهان بۆ تۆیه‌ ؟!

bír kem bitene ‌, rayelleket bé poye
mey roke le kúpe ‌, ci reway rorroye
emirro ke be fíz u qozí , sozí tozí
ba birdelle ! pét wabú jíhan bo toye ?!



پێشی من و تۆش ڕۆژ و شه‌وێک بوون ، کاکه‌
گه‌ردوون له‌ گه‌ڕانا بوو وه‌کوو ئێستاکه‌
له‌م سه‌ر زه‌وییه‌ له‌ هه‌ر جێ پێ وه‌گوێزی
خۆڵ و گڵی چه‌ند چاو و دڵه ‌، ئه‌و خاکه‌

péshí min u tosh rojh u shewék bún , kake
gerdún le gerrana bú wekú éstake
lem ser zewíye le her jé pé weguwézí
xoll u gllí cend caw u dille ‌, ew xake



تا باخی گوڵی به‌خت و جوانیت له‌به‌ره‌
سه‌رخۆش به ‌، دڵت خۆش که ‌، چ وه‌ختی که‌سه‌ره‌ ؟
ئه‌و ڕۆژێ له‌ ده‌س ده‌چێ وه‌گیر نایه‌ته‌وه‌
چه‌پ گه‌ردی زه‌مانه‌ دوژمنی قه‌سته‌سه‌ره‌


ta baxí gwillí bext u jwanít le bere
serxosh be ‌, dillt xosh ke ‌, ci wextí kesere ?
ew rojhé le des decé wegír nayetewe
cep gerdí zemane dujhminí qestesere



گه‌ردوون مه‌یه‌که‌ی مه‌رگه ‌، جیهان مه‌یخانه‌
ده‌رخواردی ده‌دا هه‌رکه‌سێ لێی میوانه‌
بینۆشه‌ به‌ ڕووی خۆشه‌وه‌ گه‌ر نۆره‌ت هات
جه‌ژنێکه‌ شه‌پۆڕێکی ده‌گه‌ڵ یارانه‌


gerdún meyekey merge ‌, jíhan meyxane
derxwardí deda herkesé léyí míwane
bínoshe be rúy xoshewe ger noret hat
jejhnéke sheporrékí degell yarane