[behnam5555]

(تۆرمه‌ی به‌شه‌ڕ!)

ده‌چۆن نه‌ڕوا که‌وا ده‌ڕوا گلێنه و بیلبیله‌ی چاوم
له‌ چاو ئه‌سرم چڵۆن بسڕم که‌ ڕۆی تینی دڵی کاوم

که تاڵی زولفی کاڵت که‌وته‌ سه‌ر خاڵت ئه‌من ده‌بوا
بزانم وا له‌کام په‌ردا بزه‌ی به‌ختی به‌جێ ماوم

نه‌که‌ی بڕوا که‌وا بڕوا له ‌یادا ناوی شیرینت
له ‌قه‌ندیلی ئه‌ویندا من ده‌که م یادت هه‌تا ماوم

نه‌ماوم خۆ چه‌ماوم بۆ نه‌مام و به‌ژنی باڵاکه ت
که‌وا ناکام له ‌ئاکامدا بزرکا بنجە لاولاوم

که ‌سه‌رنه‌یبێت که‌سه‌ر یا ژان، به‌ژار و مه‌ینه‌تی ئینسان
ده‌بی بیژێت که‌من تۆرمه‌ی به‌شه‌ر نیم و به‌شه‌ڕ باوم

چه‌لێک ده‌ردی گه‌لێک ده‌مکاته ‌پشکۆ و گڕ،ده‌مێکیش تۆ
سه‌رم سوڕما له‌سوڕوتووری ئه‌م چه‌رخه‌ی که‌چۆن ماوم

ئه‌حمه‌د یاسینی ((ئه‌لف.ی پشکۆ))