ئه‌رمه‌نی
ئمجا، م دی، دیوانه‌گه‌ی ئاگر وه گیانم ئه‌رمه‌نی
تۆ با‌و مۆسلمانی بکه له‌ی گه‌وره مهمانی بکه
هه‌ر چی ک خوه‌د زانی بکه م ناتوانم ئه‌رمه‌نی
بیخود ئه‌ڕا ترسی خوه مم، قورسه ده‌مم، خاتر جه‌مم
مانگه شه‌وه سایه‌ی خوه‌مه ها شان وه‌شانم ئه‌رمه‌نی
نه‌وش ئه‌قه‌ره، چشتی نیه، ده‌ر واکه، بارم که‌فتیه
هه‌ر یه‌ی چکی نه‌زری بکه، ته‌ر بوو زوانم ئه‌رمه‌نی
ئه‌ر یه‌ی که‌سی له دۆشمنی پرسی یه(شه‌راوه) له کوو سه‌نی
وه گیان هه‌ر چی کافره ئویشم نیه زانم ئه‌رمه‌نی
پشتم له بار ده‌رد و خه‌م شکیا نیه‌زانم چه بکه‌م
ده‌ردم یه‌سه له ماڵ خوه‌م بی خانۆمانم ئه‌رمه‌نی
رووژ و شه‌وم جوور یه‌که ده‌ر وا که، مه‌ئیووسم نه‌که
ئاخه وه ناشه‌ڕ تازه من جیه‌ل وجوانم ئه‌رمه‌نی
ده‌ر واکه زویتر « په‌رته‌وه» مهمانه‌گه‌ی ئاخر شه‌وه
یه‌ی شیشه له و به‌د مه‌سه‌وه پر که بزانم ئه‌رمه‌نی
په رتو کرماشانی
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )