01-22-2013
|
 |
مدیر تاریخ و بخش فرهنگ و ادب کردی   |
|
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172
3,713 سپاس در 2,008 نوشته ایشان در یکماه اخیر
|
|
ماوەیەکە
تەواو هۆگری ڕۆمان بووم
ناو مێشکی نوسەرەکانت بۆ
ئەگەڕێم
پیاسەش زۆر پەیوەستی کردووم
وا هەست ئەکەم لەو سەری شەقامەکەیت و
بۆلای تۆدێم
هەندێ نوسەر زۆرزانن و
یاری بە هەستی من ئەکەن
دورست
وەک تۆ
لەنێوان دێڕەکانیاندا
دەستی دەستی بە من ئەکەن
لە وپەڕی پێکەنینمدام
لە ناکاوێ ئەمگرێنن
ئەمدەنە دەستی ئارامی و
لە پڕێکا ئەمهەژێنن
ئاخۆ بڵێی ڕۆمانەکان
هەر بە تەنیا گەمەی خەیاڵی نوسەر بن
یان شەیدایی مرۆڤێکی قەلەندەری
وەک دڵی من دەربەدەربن
لەوانەشە خەونی بەدی نەهاتوو بن
شەوانە من ئەخەوێنن
ڕەنگە نوسەر فریشتەبن
لە کتێبدا
نائارامی خەڵکی وەک من بلاوێنن
لەوانەشە شەیتانێ بن
گرێبەستیان لەگەڵ کتێبخانەیەک بێت
ئەو دێڕانە تەنیا تۆڕ بن
بۆ گیرفانی وەکوو من دێوانەیەک بێت
لەوانەشە وەکوو من بن
خوا قەڵەمێکی پێداون
من بە ڕووی خۆما ئەتکێم و
ئەوان بەسەر لاپەڕەکانا تکاون
لەوانەشە ڕۆمان نوس درۆ نەزانن
کاتێ خەیاڵ ئەکەنەوە
ڕەنگە بۆ خودا بڕوانن
ڕەنگە بۆ درۆش خوڵقابن
لەوانەیە دنیای نوسین دۆزەخێ بێ و
بۆ ئەوێ فڕێدرابن
گرنگ نیە، هەرچیەک بن
خۆ ئەتوانن خاوەن شکۆی دڵی من بن
خۆ ئەتوانن
هەتاوەکوو لە پێم ئەخەن
دوای خەیاڵی شێتانەی خۆیانم بخەن
خۆ ئەتواننن
لە هەندێ لاڕەیاندا
تۆ بهێننە بەر چاوم
جەلادیش بن
مەمنونیانم هەتا ماوم.
ئێوارانیش
قاوەخانەیەکی چەپەک
لە قەراخی شار شک ئەبەم
وا ڕاهاتووم تەنیاییم بۆ ئەوێ ئەبەم
هەموو جارێ وەک ئەوجارەی تۆ قاوەت بۆگرتمەوە
قاوەیەک بۆ تەنیایی خۆم ئەگرمەوە
بە قسەی فنجانەکە بێ
لەوە ناچێ بۆ ئەبەدی
لەباوەشت بگرمەوە.
ڕەنج سەنگاوی
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )
|
|
جای تبلیغات شما اینجا خالیست با ما تماس بگیرید
|
|