[behnam5555]

چۆارینه‌کانی خه‌ییام به‌ لاتین

( 76)

خۆزگه‌م به‌ که‌سێ نیشان و ناوێکی نه‌بوو
له‌ شوێن پڕ و پووچ خه‌یاڵی خاوێکی نه‌بوو
نه‌ک وه‌ک من و تۆ کونده‌ به‌بوو ئاسایی
چاوی له‌ قه‌ڵایه‌ک بوو، که‌لاوێکی نه‌بوو

xozigem be kesé níshan u nawékí nebú
le shuwén pirr u púc xeyallí xawékí nebú
nek wek min u to kunde bebú asayí
cawí le qellayek bú, kelawékí nebú



گه‌ردوون له‌ سه‌ری دایه‌ خه‌یاڵێ بۆ مان
هه‌ر وا ده‌گه‌ڕێ بکۆڵێ چاڵێ بۆ مان
ئاڵه‌ و شه‌وه‌ بیبا چ ده‌کا با بیکا
مه‌یگێر شه‌وی خۆشه‌ تێکه‌ ئاڵێ بۆمان

gerdún le serí daye xeyallé bo man
he‌r wa degerré bikollé callé bo man
alle u shewe bíba ci deka ba bíka
meygér shewí xoshe téke allé boman



زۆر کۆلکه‌ مه‌لا و شێخ هه‌یه‌ ڕێم پێ ده‌گرن
لایان هه‌ڵه‌یه‌ له‌ ژینی خۆشم بدوێم
خزمینه ‌! نه‌زانین چ به‌ڵایه‌کی زله‌
هاتوومه‌ جیهان ده‌بێ نه‌زانم من کێم!

zor kolke mela u shéx heye rém pé degirn
layan helleye le jhíní xoshm biduwém
xizmíne ‌! nezanín ci bellayekí zle
hatúme jíhan debé nezanim min kém!



ده‌م بینی که‌ خه‌مبار و کز و داماوم
وا بیر مه‌که‌وه‌ له‌ مه‌رگ و که‌س ترساوم
مردن که‌ له‌ ڕێمه‌ ، هه‌ر ده‌بێ ، ناترسم
ژاکاوی ئه‌وه‌م به‌ ئاره‌زوو نه‌ژیاوم

dem bíní ke xembar u kz u damawim
wa bír mekewe le merg u kes tirsawim
mirdin ke le réme , her debé , natirsm
jhakawí ewem be arezú nejhíyawim