تاقەتی بولبول لە حەد دەرچوو خودا بۆ گوڵ نەهات
مەرهەمی ئێش و فیراق و دەردەکانی دڵ نەهات
وا لە تاریکی شەوی هیجر و قوڕاوی مەینەتا
ماتڵم بۆ ڕۆشنایی ئەختەری کامڵ نەهات
ئینتیزاری خۆشە بۆ عاشق بە ئومێدی ویساڵ
مردم و ئارامی قەلبی زار و بێحاسڵ نەهات
تا لە پوشی دڵ گڕی شەوقی جەماڵ بەرنەبوو
مەنجەڵی سینەم بە زووخاڵی جیایی کوڵ نەهات
بۆ نەکەم شیوەن لەلای ئەو شۆخەوە تا ئەم دەمە
موژدەیی بۆ ئیمتینایی قەلبی بێتامڵ نەهات
خۆ لەژێر بەفری فیراقا پوشی وشکی تەن ڕزا
ئەی خوا چبکەم بەهاری عومری بێحاسڵ نەهات
قوڕ بە سەردا بۆ نەکەم لەو ڕۆژەوە بۆ دنیا هەیە
کاری هیچ کەس زاریا وەک کاری تۆ موشکیل نیه
زاری
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )