بۆ به‌جێت هێشتم
دڵم خنكا له نێو گێژاوی خه‌مدا بۆ به‌جێت هێشتم؟
روحت بردم، له‌شی سه‌ردم به جێما بۆ به‌جێت هێشتم؟
بزه‌ی مانگه شه‌ویش تۆرا له هۆده‌ی سه‌رد و تاریكم
له نێو ئه‌م گۆڕه‌دا جه‌سته‌م پڕووكا، بۆ به‌جێت هێشتم؟
له ژێر هه‌نگاوی شه‌وبادا گه‌ڵای ویشك كه خشپه‌ی دێ
ده‌له‌رزم، داده‌خورپێ دڵ، له‌گه‌ڵیا، بۆ به‌جێت هێشتم؟
له‌ترپه‌ی پێت ده‌چێ وا شه‌و ده‌هاتی ده‌ست له ئه‌ستۆم كه‌ی
دڵم ته‌نگه ـ گوڵم ـ ئه‌مشه‌و به ته‌نیا بۆ به‌جێت هێشتم؟
گوڵم، بێ تۆ له‌شی سه‌رده‌م وه‌كوو بابرده‌ڵه و پووشه
كه باهۆزی مه‌رگ دێ رۆژێ ده‌مبا بۆ به‌جێت هێشتم؟
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )