گەر هود هودەكەی بادی سەبا بێ لە (سەبا) تان
گەر تەختی ( سولەیمان)ییە ئەیخاتە هەواتان
دوێنێ نەفەسم بوو بە عەتتار خانەیی چینی
هێنای كە سەبا نامەیی موشكینی وەفاتان
لەم گوڵشەنە گەر خاڵی دڵ و ڕۆحم ئەپرسن
ئەی مورغی زمانم شە و ڕۆژ نەغمە سوراتان
دڵ ڕۆییوە بیستوومە ئەڵێن وا لە (مەدینە)
ڕۆح ماوە كە بیكەم بە فیداتان بە فیداتان
چاوم كەلەلام گۆزەیە ئەشكم بەمەسەل ئاو
خۆیشم كەلەلای ئێوەم ئەوا بووم بە سەقاتان
سەد شوكری خودا چاكەوە بوو خەستەكەی ئێمەیش
ئەی دافیعی تیفۆسی دەروون تۆزی دووعاتان
(بێخود) كە هەتیوی دەری ئەولادی ڕەسوولە
نازادارە ، فەرامۆشی مەكەن تۆبێ خوداتان
"بێخود"
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )