هەی، کەرێکم بوو، چ پەیکەر؟ تەی کەری هەوراز و لێژ
سینە پان و موچە کورت و شانە بەرز و گوێ درێژ
بن زک و جەبهەت سپی، کلک ئێستر و دامەن سیا
یەککە تاز و سێ بڕ و دوو باد و شەش دانگ و درێژ
کەللە وەک جەڕڕەی شەرابی پڕ نیشات و تەڕ دەماغ
شێری نەڕ،ئاهویی بەڕ،گورگی سەفەر،قەمچی نەچێژ
مل عەلەم، شیرین قەلەم، ئاهو شکەم،مەیمون قەدەم
سم خڕ و کلک ئێستر و مەنزل بڕ و عارەق نەڕێژ
زەرق و زەڕڕاقیی وەکو خاکستەر،ئەمما بێ غوبار
بەرق و بەڕاقیی وەکـو پیرۆزە،لاکین بـێ کڕێژ
سم وەکو یەشم و لە پەشم و تووکی پێدا سەرنگون
چاو وەکو بیـجادە یا دوو شــەوچراغـی شـوعلەڕێژ
گوێ درێژێ، بار و کورتان بەرز و پاڵانی بەزێن
چوست و وریاتر لە گوێ کورتانی پاڵانیی و گێژ
قانیعـی بابـی ڕەزا و ڕازی بە پوش و دڕک و داڵ
سالیکی سەبر و تەحەممول، بوردەبار و هیچ نەوێژ
عاقـڵـێ بوو ناوی کەر بوو، قاتیعی ڕێگەی سـەفەر
خۆش سلوک تر بوو لە سەد وێڵداشی هەرزە و گێژ و وێژ
(صائم الدهر)ی بە ڕۆژ،ئەمما بەڕۆژووی بێ نییەت
(قائم اللیل)ی سـلوک،ئەمما سـلوکی بێ نوێژ
چەندە پێم خۆش بوو زوبانی حـاڵی دەیوت: (نالییا)
هەردوو حەیوانین،ئەتۆ گوێ کورت و ئەمنیش گوێ درێژ
نالی
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )