09-30-2013
|
 |
مدیر تاریخ و بخش فرهنگ و ادب کردی   |
|
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172
3,713 سپاس در 2,008 نوشته ایشان در یکماه اخیر
|
|
شێعرەو چێولای
شێعرەو چێولای
من جە کۆگاو کیسەیمەنە
روێم قرتنێ
ساڵێم کەردێ باڵاگەردان
تا سعاتە بزۆ چرکێ
بڕوایچت بۆ /کام خەڵوەتا
ھەناسێوە
تا ئەوپەڕوو دار گۆچانێ
را بژمارۆ.
رۆحێ مانیا و
ھەسارێوە سەرگۆ مەمەی
وزۆ وەیلوو ئاوێزانی سەلیبێوی
ـــــ گۆچ ـــــ
دا تۆیچ واچە
دارھەنارێ ئی بناری
مرخەش نیشۆ زەیتوونێوە
تا زاڕۆڵێ زوان دزیا
گنو ژمارەو حەوت رکاتەو سەرنەوایۆ
وێچت دیەن
شعرەکامنە
چەمی راسیم حونجی کەروو
تا بیمارسان دەرمان گێرۆ و
زامێوە سەرد،
کریۆ سەرواو پورەواتەی
وێچت دیەن ئەی فڵانی
شعرەکامنە
زوانیم مدەو حەوت کەلیمێ
تا مەدرەسە
ساوێ وزۆ ساکوو گەچی
پەی میدادێ تاتە مەڕیای
وێچت دیەن
دڵم شۆکەش نیشۆ گڕکان
تا ئەدالێ
دوور جە خەموو قاقوولێوە و شرێخەو پیای
کۆرپێ وزۆ گۆرانیە
ئەی نەدیەنت / شیعرەکامۆ تەغارتەغار گەنمە ناڵۆ
تا گوناحە
نەپڕووزنۆ یاگە ماچەو سەفەرێوە ؟
ــ ئەی بە تۆ چێش؟! ــ
ئەرێ کاکە/ھەرپاسەنە
تا ئەوپەڕش
خیابان ھەر
شەرم و شەھوەت
عەشقی کەرا بە قەڕاپوو پەپوولێوە جە وشکەڵی
نانێ داخە و سێخێ کەباب
مەگەر جەرگۆ وەزا شێعرە و
شار گردش ھەر ھەراسان/ چنگێ فێڵێ باربوو
ــ گاوگێرەکەم نەقیزە ـــ
من خزوونە کانوو چەمام
تا سەرشانێ گۆرانیێ مەیلەو شێعرێ وزوو سارا
پەڕتاسۆخ
جە بەرزەخوو چەمەڕایی
ــ جەرگ جەرگ جەرگ ! ــ
تۆیچ نەواچی و نەوانیوە
من ھەر جموو جم جم جم
تا ئەلحەدەو گەنجێوەنە
وەڵاتێوە جە کەلیما چەمێ رەژیا
ـ حەدحەدحەد ـ
حەدت چێشا پیس و پۆخڵ
ھەڵای وەرمت وەرمێ وزۆ
یاگەپایێ
کوا نیشانکرد ماچۆ منرە و تۆیچ ھەوانتە
گردما ھەرسی و س س س
گردما ئاخێ و خ خ خ
گردما عەزا و ززز
گرد چەمەری ری ری ری
کۆتەڵکۆیچ من وزووش شێعرە و
تۆنە بەحاڵ دەنگ مدۆوە
ـ دەنگ دێ دەنگ دێ ـ
را، کۆریایۆ واچێ تا پار
قۆچێ چەرمە+قەڵەمێوە+بەزمێوە تەر
مژنانە! ــ نانێ نانە.... ـ
فات و فیتوو کام کوڵەچی
یاونارە وەیل چۆخەڕانک؟!
ئەھا بدیە.... سەرحەدێوە
تەمەلوولا و دڵ تەمیۆرە
ــ ئەی نەپەرسات ــ
بۆ گنە را
سەبای وردورد وێزۆوە وێش ــ دیوان ــ
منیچ ھەڵای قسێ رێسوو
چزێ تاڵێ جە تارێخی
پۆ ئەفسانەو شابازاوە
چنیۆ داستان ــ چین چین چین ـــ
خۆ ماچینیچ عەشقێوەنە حەکایەتا
بیستوون ھێشتا تیسکێ قژاو کناچێوە
کوا ژاکیا
من خەریتەو پاڵایانە
نەخشێ کێشوو
تا زاڕۆلێ سەروو فەرشوو جوغرافیایۆ
پرخەو ھەرسێ ھۆرچڵاکنۆ
وەرمێوەتەر واچۆ وێشەرە / تا ئەولایچ ھەر ئارام
ئەی نەوینات
تەختەسیاوە ــ تای کرژی مەینەت دووبارە باوا ـــــ
چە بێ خەبەر؟!
ئەئی شێعرێ/کوڕلێوەنە کەروو ئاھەنگ/من
گورج و کەمێ عەشقی واچۆ
کەیفوو وێشا با کناچێ پوو ئاسمانۆ
سمڵی شانۆ/ سینەش شاھۆی کەرۆ قەڵغان
خۆ وەڵاتوو ئی بالۆرێ
پێسە تڵفێ
لکۆ شۆتوو مەیلەو مەنەیش!
حەسرەت چە رەق
کۆرێ زیکروو ئەڵقەرێزا کەرۆ شارۆ
خانەقا
لاتەنیشتوو ئا مەڕاوە
خەڵوەتخانەو نویشتیوە/ جە حەیرانی و حەوت سەفەرەی
وزۆنە ساز
تا دڵداری وێشرە نازۆ
دەسێ و سینە
بلا گەلوو جۆماڵ چنیەی
وەھاروو ١٣٨٩ک.ە
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )
|
|
جای تبلیغات شما اینجا خالیست با ما تماس بگیرید
|
|