چاوه‌ڕێتم
هه‌تاکو که‌ی چاوه‌ڕوان بــم وه‌ک گوڵێک لـــه‌ڕێی شه‌ماڵ
ئه‌ی نازانی که تۆ نه‌بیت بێ به‌هاره چـوار وه‌رزی ساڵ
وه‌کو شاخی به‌فـــری ده‌ریــــا له‌ناو عـــه‌شقا تـــوامه‌وه
لـــه ناو باخی خۆشه‌ویستیت وه‌ک نـه‌مانێک ڕوامـــه‌وه
ده وه‌ره‌وه وا پـــــه‌‌نجه‌ره‌ی ژووره‌کـــــه‌شـم چاوه‌ڕوانه
وه‌ک هه‌تاوێ وه‌ره ژوورێ بــــا تێپه‌ڕێ ئــــه‌‌م شه‌وانه
کـێ گوێ لـــــــه‌ده‌نگی من ده‌گرێ خه‌می من ده‌خواته‌وه
کــــــێ وه‌کو تــــــۆ له‌ناو دڵما گڕی عــــه‌شق ده‌‌خاته‌وه
بۆچی نایه‌ی وه‌ک شه‌پۆلێک ده‌ستم بگری بـــه‌ره‌وکه‌نار
هه‌تا عه‌شقم وه‌کــــو مــه‌لێک له‌باڵ بدا بـــــۆ دوا هه‌وار
دوا هه‌واری عه‌شقی ئێمه وه‌ک سێبــــــه‌ری دار چناره
لــــه ژێر چڵێک وه‌ک دوو باڵدار ده‌ڕوانینه ئــــه‌‌و بناره
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )