خوێنی ئەستێرە
لە دڵم ئەوشەوە خوێنی دڵی ئەستێرە تكا
كە تكەی خوێن لەدڵی ئەو كەژە زەنوێرە تكا
مانگەشەو چاوی شەوارەن بەترووسكەی سووری
ئەودڵۆپەی لە پەڕەی زەردی گوڵەستێرە تكا
كەچیا چۆكی لەژێر باری خەما نووشتاوە
خوێن لەچاوی ئەوی تاڤگە و چەم و هەڵدێرە تكا
كەوتە ڕێ كاتێ لە كۆی نوورەوە بۆ باوەشی شەو
سەد بەهار ڕۆحی ژیانی لەڕوو، تا ئێرە تكا
دەركەوت شەو لەدڵی شاخی شەپۆلی شەبەقێ
خوێنی ئەستێرە لە پەلكی گوڵی شللێرە تكا
ڕاچەنی شاخ و دڵی كەیلی،برووسك پێكای
شەو گزنگێ لەسەر ئەو تەقتەقە تاوێرە تكا
لەكەلی سووری برینی دڵەوە خۆر هەڵدێ
بۆیە شەو خوێن لە دڵی ئاشقی ئەو شێرە تكا
دەشت و شاخانی لەیەكتر كە گرێ دا "كێوگەرد"
ڕیزی شەودڵ وەكوو سەروای سەری ئەم شێعرە شكا.
ئه‌مين گه‌رديگلاني
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )