کزه‌ی جه‌رگه‌که‌م نووری چه‌مانم
زه‌ریف ئه‌ندامی باخی ی ئیمانم
هه‌راڵه‌ی سه‌د ره‌نگ جه‌وه‌ختی وه‌هار
ئارگای دل ته‌نگی جه کۆنجی هه‌وار
هه‌رسی نم داری کۆرپه‌ی یه‌ک ساڵه
هه‌ناسه‌ی سه‌ردی پیری سه‌د ساڵه
ناله ی مه‌زڵوومان چیری ئه‌شکه‌نجه
دڵ وه‌شی وه‌یوی حه‌ڵقه جه په‌نجه
شه‌فای دڵ ئشه‌ی شه‌وان بێداران
مێخه‌کی وه‌ش بۆی نازک نازداران
به‌رگه‌ی ده‌س راسی حه‌شری گۆناکار
فۆتوای ئازادی گه‌رده‌ن نه پای دار
په‌پووله ی ناسکی بێ ده‌نگی ده‌روون
مه‌رهه‌می زامی سینه‌ی پرجه هوون
به رزه هه ساره‌ی تاریکه شه وان
جامه شه‌راوی مێراقی ره‌وان
عاشقی خامۆش موحتاجی نه‌زه‌ر
ناڵه‌ی یه‌تیمی بێ پاڵا و بێ زه ر
شادی هه‌ر خه‌مه‌ن خه‌مه‌ن هه‌رشادی
هه‌ر دوو پاسداری باخی ی ئازادی
ماڕه ئاهه‌نین ده‌روازه ی خه‌یاڵ
باجه عشقی پاک بگیری هه‌وال
شادی وپه‌ژاره‌ت خه‌یاڵی که‌یله‌ن
ئه‌ودیمی خه‌یاڵ بارگای بێ خه‌مه‌ن
بی ده نگ-نودشه- اردیبهشت ۹۰
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )