چه‌ند کورته شێعر له ک.د ئازاد
تا شمشاڵێک ئه‌زریکێنێ!
1
سینگت کتێبێکه ئاوه‌ڵا،
منیش تامه‌زرۆی خوێندنه‌وه‌م!
چاویلکه‌کانی من له کوێن؟
2
لیوه‌کانت،
کانیی هه‌نگوینی یه‌زدانین!
تینووی قڕناسه هه‌ڵاتووم!
3
کێ له شاعیر عاشق تره؟
چل ساڵه بووخچه‌ی نه‌کراوه‌م
به ته‌مای بووکی ئازادی!
4
ئیسلام،
جارێک قیبله‌ی گۆڕی!
من دوو جاران!
5
دوو که‌س بووین؛
هه‌ر من و تۆ!
تۆ ڕۆیشتی!
منیش نه‌مام!
6
زیره‌ک،
مێژووی ئاوازێکه؛
ده‌شنێته‌وه!
وه‌کووئاڵا،
به‌ده‌م سروود!
7
له هیچ شوێنێ ئۆقره ناگرم،
لای تۆ نه‌بی!
ئه‌ی نیشتمان!
8
باوه‌ش نیه،
له ئامێزی تۆ گه‌رمتر!
ئه‌ی زێده‌که‌م!
9
هه‌موو تاوانم عه‌شقێکه،
به‌رانبه‌ر تۆ!
ئه‌ی ئازادی!
10
عه‌شقت له ناسۆرێک ده‌چێ،
تا دێ ساڕێژ ببێته‌وه ؛
ده‌کولێته‌وه !
11
چما شێعر،
تاوێک دێڵێ ئاسووده بم!
ملم ده‌کا به په‌ته‌وه!
12
شێعر ،
به‌رزم ده‌کاته‌وه!
تا سه‌رداری!
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )