کراس‌که‌تانی که‌واسه‌وزی به‌ژنوباڵا به‌رز،
به شان و گۆزه‌وه چه‌ن جوانی ئه‌ی په‌ری سه‌ر ئه‌رز!
له دووره‌وه چ نمایانه پێچ و سه‌رپۆشت!
چ زوو ئه‌گاته ده‌ماخم شه‌پۆلی بۆی خۆشت!
شه‌ماڵی ڕێگه‌ی کانی ئه‌خاته باڵاکه‌ت،
له‌رانه‌وه‌ی له‌شی زیوینی شۆڕه‌بیی که‌ڵه‌گه‌ت!
ئه‌ڕۆی به عیشوه، به له‌نجه، به وه‌زنی گۆرانی
ئه‌ڕۆی... زڕه‌ی که‌مه‌ره‌ت دێ هه‌تاکو به‌ر کانی
ئه‌گه‌یته کۆمه‌ڵی پیاوانی به‌رده‌می مزگه‌وت،
سڵێک ئه‌که‌ی وه‌کو ئاسک له سێبه‌ری ئه‌شکه‌وت!
له ڕێگه‌تا هه‌یه پۆل پۆل له لاوی دێ کۆمه‌ڵ،
که هه‌ر یه‌که گوڵی هێناوه چه‌شنێ، پڕ باخه‌ڵ!
هه‌موو به عه‌زره‌ته‌وه‌ن گوڵ فڕێ ده‌نه به‌ر پێت،
خوایه ئاخۆ گوڵی کێ به دڵته‌وه ئه‌لکێت؟..
"گۆران"
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )