حەنایی کردوە پەنجەی بە خوێناوی دلی زارم
ئەمە رەنگە شهادەت بێ کە کوشتەی دەستی دلدارم
گوتم: ئایا بە زاری خۆت دەپرسی حالی زاری من؟
برۆی هێنایە یەک، وەک شکلی (لا) یەعنی لە بێزارم
عەجەب ئەستێرە شەو هەلدێ لە تاوی خوسرەوی خاوەر
بە روی تۆم دیدە هەلنایە شەو و رۆژ، ئەرچی بێدارم
تەبیبی من دەبێ دەخلی هەبێ، ساحێب ئیشارەت بێ
مەگەر چاوت بزانێ من لەبەرچی مەست و بیمارم!
بە سەرم وت کە راستە سەرکەش و بەرزی، کەچی لەرزی
کە فەرقیسم بگاتە ئاسمان بەندەی قەدی یارم!
لەشیرینی ئەتۆ، ئەی خوسرەوی تەختی زەمین، رەنگە
بگاتە ئاسمانی بێستوون فەرهادی هاوارم
برۆت بالی هوما سایەی سەری سولتانی حوسنت بوو
خەتت هات و وتی: من ناسیخی توغرایی خونکارم
سەراپا هەروەکو حەلقەی زری پەروێزەیی خوێنم
بە یەک یەک تیری موژگانی زرێ دۆزت بریندارم
حەمایێل کە دەمی تێغت لە حەلقەی گەردنی (نالی)
مەگەر تێراو ببم بەو رەنگە، تێنوی ساعیدی یارم
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )