زولفه‌ینی به خه‌م ماره و به حه‌لقه‌ن وه‌کو عه‌‌قره‌ب
شیعری له‌فو نه‌شرن چ موشه‌ووه‌ش چ موره‌تته
جێی ده‌م ده‌مه جێی له‌ب له‌به ساقی وه‌ره ئه‌م شه‌ب
هه‌م ماچی ده‌ماده‌م بده هه‌م جامی له‌با له‌ب
به و شه‌هدی که‌لامه‌ت که به ئیشرافی له‌طافه‌ت
له‌ززه‌ت ده‌گه‌یه‌نێ به دڵ و زیهنی موخاطه‌ب
عاجز مه‌به هه‌رگیز له درۆ و ئیکفی حه‌سودان
دونیایه ده‌بێ سه‌گ بووه‌ڕێ شیعه بکا سه‌ب
وه‌ک صۆفیی صافی مه‌به ئالوده به دونیا
بێ هوده مو که‌دده‌ر مه‌که سه‌رچاوه‌یی مه‌شره‌ب
عاشق هه‌وه‌سی مه‌یکه‌ده‌وو عیلمی به‌سیطه
عاقڵ طه‌له‌بی مه‌دره‌سه‌و و جه‌هلی موره‌ککه‌ب
قارونه فه‌له‌ک موسته‌حه‌قی گرتن و خه‌سفه
زیو و زه‌ڕی شه‌مس و قه‌مه‌ر دیرهه‌می که‌وکه‌ب
قه‌للابی جیهان نه‌قدی عه‌یاری نییه قوربان
((نالی)) مه‌حه‌کی هیممه‌تی کردویه موجه‌ڕڕه‌ب
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )