مەکە ئیخلافی ئەو وەعدەی کە فەرموت
دەخیلت بم کە خانەی صەبرەکەم سوت
لە ڕوت و قوتی وەک من ڕو مە پۆشە
کە وەصڵی تۆیە قوتی عاشقی ڕوت
موژەت قوللابیە هەم تیر و هەم شیر
برۆت میحرابیە هەم تاق و هەم جوت
لە سندوقی پڕی سینەم بترسە
کە ئاگر بەر بداتە تەخت و تابوت
لەبەر خەندەی لەبی لەعلی ئەتۆ بو
کەوا شەککەر دەباری گوڵ دەپشکوت
دەکەی نەخچیری صەد دڵ هەر بە تیرێ
ئیلاهی هەر بمێنێ دەست و بازوت
چ شیرینە خطوطی دەوری لێوت
بەڵێ مەعلومە خۆشە خەططی یاقوت
ها (نالی ) بەڵکو بیکێشی بە ناڵین
بناڵە دامەنیشە مات و مەبهوت
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )