لە باخچە بزێوەكانی كچەشۆخ و... كوڕەخەیاڵ... دا؟!
لەو كاتەوە لە كۆڵانی كچەشۆخ‌دا
وانەكانی من شێتی تۆم كوڕەخەیاڵ دەوترێتەوە
ئەوە نیگاكانی ئەم كۆڵانە
سرودێكی جڵفە بە سەر هەمووی پەنجەرەكانیەوە شۆڕ ئەبێتەوە
*********
چەن شەوێكە پەتی سێدارەیەك خەریكە ماچێك بگرێ لە گەردنی كچەشۆخ
بە بۆنەی وڵامێك لە كوڕەخەیاڵەوە
:
بمبوورە خاتوون
بمبوورە
زۆرم بیر لێ‌كردەوە
دڵی من لە شوێنێكی ترەوە بەندە
*********
لەو كاتەوە كچەشۆخ نیگاكانی بوون بە میوانی داڵانی كوڕەخەیاڵ
گشت پەنجەرەكانی كۆڵان ئاوس بوون بە قەباحەت
ئیتر نە كوڕەخەیاڵ بوو بە گۆرانی كچەشۆخ و
نە كچەشۆخیش بوو بە باخچە سەوزەكەی بەر داڵانی ماڵیان!
*********
شەوێك لە شەوەكانی بووكێنی كچەشۆخ‌دا
خەتێكی سوور داڵانی ماڵی خۆیانی بە دوای خۆی‌دا رادەكێشێ و
قیژەیەك دایكی لە ئامێزی خەونە خۆشەكانی پیاوێك‌دا رادەتڵەكێنێ
: بمبوورە دایە
بمبوورە
بە سرتە بەو كوڕەتیوەم گوت:
ئەم شەو پێریۆدم
پێریۆد!
كەچی نەمزانی شەقامەكانی شاریش پیریۆد دەكا!
*********
لەو كاتەوە مەمكەكانی كچەشۆخ بە تامی پەنجەیەك گەڕانەوە ماڵ
ئەوە چاوەكانن بەڕۆژوون لە بەر ئاوێنەدا
سینگیش شەرمی دەبێتەوە كراس بگۆڕێ و
دڵیش تازە خەریكە هێلانەیەك ساز كا
كە دوێنەكانی تەڵاق دا
*********
چرایەك لەو ماڵەوە بۆ ئەو ماڵ رایەڵە
ماچێك ویزای مەرگی كچەشۆخێك واژۆ دەكا و
حیزێتی پەنجەی كوڕێكیش بە سمتەكانی حەزەكەیەوە
زاوا نەبوون لە كچەشۆخ‌دا!!!
*********
شه‌ویار گولابی‌ئازه‌ر