06-30-2014
|
 |
مدیر تاریخ و بخش فرهنگ و ادب کردی   |
|
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172
3,713 سپاس در 2,008 نوشته ایشان در یکماه اخیر
|
|
ئاگات له دڵت بێ
ئاسۆس مه‌حمود
ئاگات له دڵت بێ مه‌یده به که‌س
هیچ که‌س وه‌ک من نییه،
هه‌م سێبه‌رت بێ هه‌م هه‌تاو
هه‌م چه‌ترت بێ هه‌م باران
هه‌م ماڵت بێ هه‌م سه‌فه‌ر
هه‌م پێکه‌نینت بێ هه‌م گریان
ئاگات له دڵت بێ
مه‌یده به هه‌موو که‌س
هیچ که‌س وه‌ک من نییه،
هه‌م عاشقت بێ هه‌م مه‌عشوق
هه‌م تالیبت بێ هەم مەتلوب
هه‌م ساقییت بێ هه‌م باده
هه‌م حه‌بیبت بێ هه‌م تەبیب
ئاگات له دڵت بێ.. ئاگا!
ئاگات له دڵت بێ... مه‌یده هه‌موو که‌س
به هه‌موو رێگا سووره‌کاندا مه‌ڕۆ!
تا گه‌یشتن به رێگام،
خۆم هه‌تاو و
تا گه‌یشتن به من،
خۆم رێگا و
تا گه‌یشتن به گوڵ،
خۆم ئینجانه و
تا گه‌یشتن به دڵ،
خۆم شاخوێنبه‌ر و
تا گه‌یشتن به عه‌شق،
خۆم عاشقتم
ئاگات له دڵت بێ...
بڕوێ له ناو ئینجا چکۆله
پڕ له ئه‌وینه‌که‌ی دڵی من
نه‌وه‌ک له بیابانی به‌ریندا هه‌ڵوه‌ری و
دڵۆپێک میهری عیشقت پێ نه‌گا!
سه‌ما بکه له باخه چکۆله
پڕ گوڵاله‌که‌ی سینه‌ی من
نه‌با له جه‌نگه‌ڵدا قاچه‌کانت بکه‌ونه داوی
دڕکه بێ ویژدانه‌کان!
له به‌رده‌م چاوه پڕ له چاوه‌ڕوانیه‌کانمدا
لێوه‌کانت سوور بکه
نه‌ک چاوه تیژه دڕنده‌کان
جه‌سته‌ت به خوێنت سوور بکه‌ن!
ده‌ستێکم بکه به شانه و پرچت پێ دابێنه
ده‌سته‌که‌ی ترم بکه قه‌لغان و له‌سه‌ر سینه‌ت دانێ
با ئاگای له دڵت بێ...
ئاگات له دڵت بێ!!
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )
|
|
جای تبلیغات شما اینجا خالیست با ما تماس بگیرید
|
|