چه‌ند کورته شێعر
(ئافراندن)
تۆیان بۆ من ئافراندووە
لەم بەر سنووری چاوشاركێ و
لەو پەر هەناسەی خەونەكان
تۆیان بۆیە ئافراندووە
تابەر بەیان و ئێوارانئازارم دەی
بێ‌ئەوەی بە خۆت بزانى
كە تۆ ئەرێ تۆیان بۆ من ئافراندووە
(تۆتێم)
تۆ خۆت لە گۆلی چاوانتا
چێ بۆ نەكرا
سەرپەنجەكانت كڕۆستەوە
كە كۆڵ كۆڵ مەندی لێ د‌ەتكا
لە وەرزی بارانی سوور و
خەونی سپی
تۆ خۆت لە گۆلی چاوانتا
چێ بۆ نەكرا
تا پێكەنین گەمیێ سازكا
بە پێدەشتی هەناسەما
تێ‌بپەڕێ
تۆ خۆت لە گۆلی چاوانتا
چێ بۆ نەكرا
(پەیام بەر)
لەو كاتەوە لە دوڕگەدا
سەرشێتانە
خەمی عەشقم لە چاوی زەریا چەقیوە
هەموو نەهەنگە عاشقەكانبەرگە ناگرن
دەچنە كەنار
تا عەشقی منبە گوێی كەنار ڕاگەیەننو سووك بمرن
(خەون)
خەونم دیبووهاتبوویتە سەر ڕێگاكەم
دوێشەو دەڵێم
لەگەڵ یارە گیانی گیانیەكەتا
دەستمان لە نێو دەستی یەكا
بە بەر دەمتا تێدەپەڕین
قەڵس مەبەخەونەو ته‌نیا هه‌ر من دیومه
(كۆڵنەدان)
هەموو شەوێك
تۆ لە ناخی سللوولەكانی مێشكم‌دا
دەر دەكێشم
دەتسڕمەوە
كەچی بۆچی
گشت بەیانیەك لە شوێنی خۆت
جێت گرتووە و نافامێنم
محەممەد سە دیق کەریم پوور ــ بانه
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )