ئەحمەد شاملوو
ئاشقانە
ورنگدانێكی كورتە جیهان
لە نێوان گوناح و دۆزەخ‌دا
وەك قسێكی سارد و سووك دەچێ،
گزینگی خۆرەتاو
ڕۆژیش شەرمەزارێكی قەرەبوونەكراوە
ئاخ بەر لەوەی شەڵاڵی ئەسرین بم، شتێك بڵێ
دەلاقەی تەسكە ئاسۆی لێڵەڕوانینی باپیرانە، دار
شنەش زللەی بیرێكی چەپەڵ
هەڵمی هاڵاوی بۆگەنی كفرێكە بە باڵابەژنی ژینەوە،
تریفەی مانگی پاییزان
شتێك بڵێ، بەر لەوەی شەڵاڵی ئەسرین بم، شتێك بڵێ
ڕۆچنەیان ڕوو بە ڕوانگەی سزای تاوان دەكرێتەوە، نەزیلەكان
هێڵنجی بێزی هەستێكی گەندەڵە ئەوین
بۆ ئەژنۆ دەخۆڵ‌وەردان و سەڵاسەڵا گریان بۆ چارەنووس،
كۆخێكە بۆمان عاسمان
ئاخ بەر لەوەی شەڵاڵی ئەسرین بم، شتێك بڵێ، هەرچی بێ
دوو گیانی لرفەلرفی خوڕەی مەرگن كانی
تازەیەبارانی ئاڵۆزیش ئابڕووی جیهان
داوێن‌پاكی بە ڕووی ئاوێنە دامەدە
داوێن‌پیسانن، درێژ داوێنی نیاز
بێدەنگ مەبە، لەڕێی خودا بەر لەوەی شەڵاڵی ئەسرین بم،
هێندێك لە ئەوین بدوێ
و: سەید سمایل بەرزەنجی ــ مه‌هاباد
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )