بێ مۆراڵ بووين
كتێبه‌كانم رِێك د‌ه‌كرد
قسه‌ى كتێبفرشييه‌كه‌م هاته‌وه ياد
ووتى: كتێبت بۆ چييه؟
شه‌قم تێ هه‌ڵدان و، هێندێكيم سووتاند
هێندێكمله‌ته‌والێته‌كه بۆ قن سرِين دانا
هێندێكم لێدايه براكه‌م تا بۆ برازاكه‌مى بكاته دايبى
هێنديكم لێدايه گۆڵه به‌ڕۆژ و پاقله فرۆشه‌كان
هێندێكى ديكه‌يشى به‌سه‌ر منداڵان به‌ش ده‌كه‌م تا بيكه‌نه كۆلاره
كه‌مێك دڵخۆش ببن
خوشكێك و، سێ برا و، دايك و، باوكێكين
زۆر ده‌خوێنينه‌وه
دايكم به دوو ڕۆژ و ، سێ ڕۆژ ، به‌ديار ميوانه‌وه داده‌نيشێ
نان به ئێمه و ميوانه‌كان نادا
باوكم دره‌نگانى شه‌و ، وه‌ك پۆله مه‌ل پياو له‌گه‌ڵ خۆى ده‌هێنێته‌وه
ده‌بێ ئێمه دوو، دوو، بگينه ژێر به‌تانييه‌ك و ژورێكه‌وه
ئاخر دايكم و، باوكم خوێنه‌ر كتێبن
له‌د‌ه‌ورى كتێب خڕ دهبينهوه
سۆپاكه‌ماننه‌وتى تێدا نامێنێ و ، به‌رميله‌كان پڕن
كه‌س نه‌وت ناكاته سۆپاكانه‌وه
له شوێنى خۆمان ، به‌تانى به‌خۆماندا ده‌ده‌ين
دڵۆپێك ئاو له‌ماڵمان نامێنێ
هه‌ركه‌س بۆخۆى له مزگه‌وتێك مه‌سينه‌يه‌ك
پڕ ئاو ده‌كات و ، له‌ته‌نيشت خۆيه‌وه دايده‌نێ
له ترسى قاپ شۆرين كه‌س نان ئاماده ناكا
هه‌ركه‌س بۆ خۆى پڕ گيرفانى له ساندویچ ده‌كات و
به‌ديار خوێندنه‌وه وه ده‌يخۆين
ئاگر له ماڵی هاوسێ كه‌مان به‌رده‌بێ
بۆنى لاشه‌ى سوتاو خه‌ريكه كوێرمان ده‌كا
چاو له‌سه‌ر كتێبه‌كان بڵند ناكه‌ينه‌وه
دۆستێكمان ده‌مرێ
هه‌موو كۆ دهبينهوه، نه‌ك بۆ ئه‌وه‌ى بچين بۆ پرسه‌كه‌ى
به‌ڵكو هزر ده‌كه‌ين
گه‌ر بچين زيانى خوێندنه‌وه‌مان پێده‌گا
به‌خزمانمان ووتوه گه‌ر نه‌هاتينه پرسه‌تان
زووير مه‌بن چوونكه به خوێندنه‌وه سه‌رقاڵين
زۆر ده‌خوێنينه‌وه و
نازانين سه‌رۆكى وولاَت ناوى چييه؟
نازانين سه‌رۆك وه‌زيران كێيه؟
تيڤى و فه‌يسبووكمان نييه
ته‌نانه‌ت ناوى ئه‌نجومه‌نى گه‌ڕه‌كمان نازانين؟
خوشكێك و ، سێ برا و ، دايك و ، باوكێكين
زۆر ده‌خوێنينه‌وه
هه‌ميشه به‌ديار خوێندنه‌وه‌ى كتێبه‌وه
خه‌ومان لێكده‌كه‌وێ، له‌يادمان ده‌چێ ده‌رگاكان كڵۆم بده‌ين
هه‌موو ڕۆژێ ده‌مى خۆركه‌وتن له‌خه‌و ڕاده‌بين
فه‌رشه‌كه‌ى ژێريشمان نامێنێ
هه‌موو ڕۆژێ سكالاَتۆمار ده‌كه‌ين
له‌سه‌ر هه‌موو ئه‌وكه‌سانه‌ى خوێنه‌رى كتێب نين
هێمن عــوسمان عه‌بدوڵڵا ــ قه‌زای سه‌ید سادق