1.
ئاشنایەكی گەورەڕووح و
لیپاولیپی یەك‌ڕەنگی و یەك‌دڵی
بێ ئەوەی دڵمان لێك هەڵەنگوێ
لە پڕ بێگانە بوو لێم
كە ماڵئاواییمان لێك كرد
گەورەترین درۆی ژیانم
بۆ خۆ هەڵبەست
بە درۆزنترین زمانی قەهری
غروورێكی پووچ و بێگانە لە ڕووحی خۆم.
2.
قەهرم نەشتەری بە ژەهرخاراوی
هەستە گاڵتەپێكراوەكانی
بێ‌گەردترین چركەساتەكانی
ژینمەو
بەخشین دەروازەی هەرگیز
دانەخراوەی ڕوو بە سرتەی سروەی
خۆشەویستی بوون و ئەوین
لێگەڕێ سەردەرانەی ئەو دەرگایە
بۆ داخستن نەترازێنم .
3.
بە ئەنقەست
سەگە دڕەكان شار بەدەركراون و
گورگە برسی دەمامكدارەكان
دابەزیونەتە سەر شەقام
بە بزە و ئاخاوتنە فێڵاوییەكەیان
هەڵنەفریوێی
ئەگەر كوتیان ،
«بەڵاگەردانی باڵا جوانەكەت بم»0
ئاگات لە پەیڤەكانت بێ
كاتێك لەشت دەخۆن و
ڕووحت تێك دەقرمێنن
نە گوێت لە چركەچركی كاتژمێرە و
نە گزینگی هەتاو بە باڵات
هەڵدەزنێ.
سه‌یید سمایل به‌رزه‌نجی ــ مه‌هاباد
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )