تاران، ناوەندی زەمانە و من ڕووداوێك لە عەتیق
ئەگەر زەمانی بێ‌ڕووداو
یووگای كاتژمێرێك بێ لە ناوەندخوازی دیواردا/ من دەزانم كە نەخەوتووی/...
لە بیرۆكەی عەتیق و
فەرهەنگی وشە بێگارەكان ڕا دێمەوە...شوێنی جانتا و حەرامی قاڵی
بەر لە فڕۆكە
لەسەر حینجەی خۆم و ڕەحڵی ئاسمان‌دا دانیشتووم
لە درێژەی ڕەوایەتێك‌دا
كە مێژووم موناقیسەی نیشتمانە و زمانی نیوەڕۆیانی باپیرووس نازانێ.
هەوای شێلدراو بە كەلكی ئێسقانی داخراو نایە
من نیگاركێشێك بووم كاتژمێرم كە لە دیوار كێشاوە
نە مووسا بە تاران دەزانێ
نە داوینچی بە ژنی ڕووت پێدەكەنێ
ئەوە نزای قوتب‌نەمایەكە
لە بڵواری موناقیسەی عەتیق و حەیرەتی حینجەكراوی مووسادا قەت ناشكێ
پێش‌تر وتبووم:
دروشم و ڕەنگ كە تێكەڵ بوون، شێتەكان زگماك نیگاركێشن
زۆرینەی دەنگ چەلێ بە گوێچكەی وەنگۆكە و ... زەمان قومارێكە مێژوو دەیكا و دۆڕاندوومە...
سڵاو...
من لەمپەری نیگاركێش نیم
بەڵام دەزانم تاران لە گشت دیوارە ڕەنگاوییەكان بشۆمەوە و
داوینچی بەو كەینە و بەینە نەزانێ.
عەبدولقادر نیازی ــ مه‌هاباد
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )