بیستوومە چاخی چەقی كۆڵان
بە بای مێیینەت هەڵدەلووشێ
تۆڕ دەخەی كە پێت نەنگوێ .
درۆ لە چەقڵی چاوی هەرچی لەحنەتییە
ئەفسوون دەكەم
گەرم بە تینی لەشت دەخزێم و
لە ناو دەستەكانی هەتاو
سڕایی ڕاو دەكەم .
چ گۆمێكە
بۆگەنی غیرەت
لە ئاسەواری ئەم دیوارە، كە دەسڕم
لە نۆنەكەم رادەخەم
حەزی بێ‌بایەخی پەنجە لە دیوار ،
رووحت پەندی رۆژگارە
دەینێژن بێ‌تاوان !!
كاتی ئێرە ناژمێردرێ !!
تەرمی هەرزانی هەتاكوو میعراجی عالەم
سەربەهەش تازەیی بۆ دەگێڕدرێ
لە پەسێوی حەسرەتێك
كە شەقام لەو ژنە دەستێنێ كە ئاسمانی
بە هەنگاوەكانی، تامەزرۆی خۆی كردبوو ..
تاڵ و تفتە هەناسەكانی
.....
بۆنی بەیانی دەدا
پەنجەرەی پەككەوتووی
فاحیشەیەك
كە روومەتی تابۆی زەمانە و
رۆ رۆ لە هزری
خشتەی زەوی بێچم دەكرێ
سەفەری ئەم هەناسەیەی
لە دەرزێكی راونراو
قات ...
چ زلكاوێكە
تەمەنی نامۆی با
دەگەڵ قوڕقووشمی رووحی كڵۆڵی تۆ
ئێرە بەیانییە بە كاتی
قێزەوەنترین ساتی دەستەوەستانی و
رەڵمی چاوەكانی پەشۆكاوت و
گران
كە بەراوەردیان دەكەم بە بەفرو
سپین ،
كاڵ لە جەستەی تۆ ..
زەمەنی دڕبوونی خۆم
لە دوا چۆڕی فرمێسكی با
لە بێژینگ دەدەم
كە پێم فێر نەبێ قەڵغانی كپی و ماتی
لە رووخساری خۆمدا پەنگ دەخۆمەوە
تەرمی خۆم و شەیتان
بە یەكەوە
دەستەمۆ دەكەم !!!
وەباڵ بە ئەستۆی ئاسمان
خۆر، مارەكراوی دۆزەخ نییە و
تامی تفتی كراسی تۆش
بەرگەی خۆری چاوەكانم ناگرێ
بڕوا بكە
زەمان پرچی كەحلانی تۆی
لە لاپەڕەیەكیشدا نەهۆنیوەتەوە
تاكوو سەبر
سترانی جەستەت بخوێنێتەوە
نە بەژانە كوێرەڕێی
سمتی لاڵەوەبووی قەدت
نە زەینم دەدرێتە
پەتانی تاسەت
كە تام بكەم رێبازی خەوتووی
مەنگیت .
هەوار خزرزادە " شەڤگەش"ــ مه‌هاباد
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )