ئاوات
ستایشی خودا
ڕووم لە دەرگاتە وەکوو سائیلی ڕووت
سائیلێکم بە خودا ڕووت و قووت
من و دڵ، نیوەشەو و کاتی بەیان
دێینە بەر دەرکی ئەتۆ، هەردوو بە جووت
بە هومێدی کەرەمێکی زۆرین
لە خودای وا بە جەلال و جەبەرووت
بە نەسیمی کەرەمت کۆلکە درەخت
تازە بوو غونچەیی کرد و پشکووت
پشتی من ئاسنە، پۆڵایە، مەگەر
کە لە ژێر باری گوناها نەبزووت
ئیتتیکام ئایەتی لا تەقنەتوو ە
ناهومێدم مەکە بۆ خۆت فەرمووت
ئاهی من وەک نەفەسی سوبحدەمە
کە چی هەر هات و لە هیچ کوێ نەنگووت
شاهیدی حاڵی منا خوێنی دڵم
کە بە عەینی دەتکی وەک یاقووت
غەیری لای تۆ نەبێ ئەم قوڕبەسەرە
هیچ پەنای دی نییە مات و مەبهووت
شەو
نووری روخسارت وەدەرخه دەردی بێ دەرمانە شەو
زوڵمەتی زولفت لەسەر ڕووتە، لە ڕۆژ میوانە شەو
دوێ شکور مەردانه، من ڕێم بردە ناو زولفی سیات
تا بزانن، خەڵکی موڵکی دڵ، قەڵای مێردانە شەو
هەر لە مەغریب تا بەیانی بێ وچان دێت و دەچێ
هەر لە دوو ی خورشیدی خاوەر وێڵ و سەرگەردانە شەو
کوێر و نابینایە ئێستا ئەو لە داخی ڕۆژی ڕوو ت
بۆیە ڕەشپۆش و فەقیر و مات و بەستەزمانە شەو
قەدری شەو چا بگره چاوم، شەمع و پەروانه دەڵێن
سۆز و گریەی شەمع هەر شەو، سووتنی پەروانە شەو
عاشق و مەعشوق لە ڕۆژدا خۆ دەپارێزن لە خەڵک
گەر پەنای چاکت دەوێ بۆ ئەو دووە؟ بڕوانە شەو
هەستە “کامیل”، بەسیە بێداری، بڕۆ لێی وەرکەوه
تا وڵات بێ دەنگ و باسە، تا لە ڕۆژ میوانە شەو
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )