دلێ بێکه‌سان، ل سه‌ر هه‌موو که‌سان دشه‌وته
هه‌سنێ سار، ب زۆری تێ کوتان
که‌چا بێدێ، وه‌که چیایێ بێرێ
بلبل ب ده‌نگێ خوه، مێرخاس ب جه‌نگێن خوه
هه‌سپێ هه‌ر که‌سی، ل گۆری به‌ختێ وی دبه‌زه
کا تونه‌بوو، کادین چێدکر
به‌هر، ب ده‌ڤێ سان پیس نابه
بێنامووسی ئاڤێتنه به‌ر کووچکان، کووچکان ژی قه‌بوول نه‌کر
ئاگر پێ که‌ڤه، بێهنا بیسۆ (پیسۆ) ژێ نایێ
کورێ چێ، ناڤێ باڤێ خراب بلند دکه
مێڤان ژ مێڤێن ئاجز ئه، خوه‌دیێ مالێ ژ هه‌ر دویان ئاجزه
مێرێ بێبه‌خت پره به ژی، ب سه‌ر ڕه ده‌رباس نه‌به
دل، ئاگه‌هدارێ دله
ئاگر ب چیان دکه‌ڤه، ته‌ر و هشک ته‌ڤی هه‌ڤ دشه‌وتن
هه‌موو که‌ران، ب داره‌کی ماژۆ
ل ئالیه‌کی شینه، ل ئالیێ دن داوه‌ته
ئاقلمه‌ندی، تم مه‌زنی یه
ده‌ریێ خوه ئاسێ بکه، جیرانێ خوه مه‌که دز
ئاش ب خه‌یاله‌کی، ئاشڤان ب خه‌یاله‌کی
ئاشڤانێ ئاشێ میران، ب خولامه
ده‌رگه‌هێ کو ژنان خه‌را نه‌کریه، هینا ژی ئاڤا یه
ئاڤابوونا مالان، د ده‌ستێ ژنێن چێ ده یه
باران، ل جهێ ئاڤی دباره
ئاخری، هه‌تا ده‌رێ گۆرێ یه
ئاگر به‌ردا کایێ، خوه دا به‌ر بایێ وێ
تو چوویی باژارێ یه‌کچاڤان، دڤێ تو ژی چاڤه‌کی خوه بگری
سه‌رێ دو مه‌ریێن چێ، ناچه سه‌ر بالیفه‌کی
ئاڤ ژ کانیێ و نان ژ بانیێ
مالا باڤێ، مالا مێرانه
ئاگر که‌ته مالا ده‌ره‌وینان، که‌سی ژێ باوه‌ر نه‌کر
سال، مینا باویشکان ده‌رباس دبن
به‌ده‌وێ چاڤ کل کر، دلێ خۆرتان کول کر
به‌ده‌ویا مرۆڤی، علم و مه‌هرفه‌تا مرۆڤی یه
هه‌ر ڕه‌نگ ڕه‌نگه‌ک ئه، به‌دره‌نگی ژی ڕه‌نگه‌ک
چ وه‌خت گریا و چ وه‌خت به‌هجی؟
ئاقل نه ل به‌ژنێ یه، ل سه‌ری یه
هێشتر به‌لاوه‌لا دچێرن، لێ گوهێ وان ل سه‌ر هه‌ڤه
با نه‌یێ، به‌لچ نالڤن
به‌لگێ دارێ، دارێ دخه‌ملینه
کارکه‌ران کار کر، خه‌رابان به‌نیشت جووت
ترس، به‌رێ مرنێ ناگره
چوو شامێ و هات ژی، دیسا که‌رێ به‌رێ یه
به‌رفا چیایێ بلند، پر دبه
ئاڤا ڕژیایی، نایێ به‌رهه‌ڤ کرن
چاڤ ژ چاڤان شه‌رم دکه، به‌رتیل که‌ڤران نه‌رم دکه
به‌رخێن پر، ژ مهێن پرن
چاڤێ کۆر تونه‌یه، لێ به‌ختێ کۆر هه‌یه
گول بێ ستری نابن
به‌لا، ژ ده‌رێ بێگومان تێ
که‌سێ کو سیر نه‌خوه، بێهن ژێ نایێ
دنیا گوله‌که، بێهن بکه و بده هه‌ڤالێ خوه
دۆستێ بخێر، ژ برایێ بێخێر چێتره
بارێ باقلان، پشتا کێماقلان
گه‌ر مرۆڤ خه‌رابان نه‌بینه، باشان ب بیر ناینه
بچووک ل جهێ خوه، مه‌زن ل جهێ خوه
ته‌نێ برا، د هاوارا برێ ده تێ
براتی ب باران، هه‌ساب ب مسقالان
ئاپ ب برازیان ڕه دکه، خال ب خوارزیان ڕه دکه
چاڤێن برچی، تو جاری تێر نابن
کووچک برچی دبه، گوویێ خوه‌دیێ خوه دخوه
ل سه‌ر چاڤان، بروو هه‌نه
سبات ژنا بی یه، سبه‌هێ دکه‌نه و ئێڤارێ دگری
بوویی میر، خوه‌دێ مه‌که ژ بیر
ئه‌مرێ چوویی، جاردن نایێ
جه‌ه، قه‌ت نه‌بوویه گه‌نم
ئاخا مالا مرۆڤی،ژ جه‌واهرێ خه‌لقێ چێتره
به‌ختێ دێ، جهێزێ قیزێ یه
دینان مال دی، جی نه‌دی
ئازادی ب قاسی فره‌هیا جیهانێ یه
جیرانێ خه‌راب بهێله،درانێ ئێشیایی بکشینه
بچووک کێڤر باڤێژه چالێ، مه‌زن نکاره ده‌رخینه
مار دبێژه: من بکوژه ب دژمناتی، چال که ب دۆستی
بلا به‌ختێ مرۆڤی هه‌به، بلا چاڤه‌کی وی ژی تونه‌به
کانی، د چاڤیێ ده شێلوو یه
نان، پیڤاز و نه‌خوه‌شی، چاڤره‌شی نه
که‌چه‌ل دمره پۆرسۆر دبه، کۆر دمره چاڤشین دبه
چه‌م، ژ کانیان چێدبه
گایێ چه‌په‌ل تم گۆلکه، مه‌رڤێ چه‌په‌ل تم لاوکه
چه‌رخا فه‌له‌کێ، گه‌ه ل ژێره گه‌ه ل ژۆر
ژ مێران ناڤ دمینه، ژ گایان چه‌رم دمینه
ژن هه‌یه، ژ سه‌د مێری چێتره
منبع : فرهنگ لغت دستی تالیف امید دمرخان