پاییز!
پاییز! پاییز!
بووکی پرچ زەرد،
من مات ، تۆ زیز:
هەردوو هاو دەرد!
من فرمێسکم ،تۆ بارانت؛
من هەناسه م، تۆ بای ساردت؛
من خەم، تۆ هەوری گریانت
دوایی نایە:دادم ،دادت،
هەرگیز ،هەرگیز،
پاییز!پاییز!
پاییز!پاییز!
شان و مل ڕووت،
من مات ،تۆ زیز،
هەردووکمان جووت،
هەرچەند گوڵ سیس ئەبی بگریین
ئاڵتوونی دار ئەڕژێ بگریین،
پۆلی باڵدارئەفڕێ بگریین،
بگریین...بگریین...چاومان نەسڕین،
هەرگیز ،هەرگیز،
پاییز! پاییز!
ماموستا گوران
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )