فه رزانه
بزەی لێوەکانت
هیوای ماچی بەدی ئەکا ....
تامەزرۆم
تەنیا جارێک ئوقرە بگرێ
هەنگاوە کانت لەسەرشۆستەی نیگام
ئاوێنەی سەدان ساڵەی حەزێکی
چۆن بسڕمەوە
لەسەرپێڵووی خۆشەویستیم
تنۆک تنۆک چاوەروانی
بەکام وتار
بەکام زمان
لەکام ویستگە
بۆ ئەبێ نەتوانم ، ناوت بدرکێنم
گڤە گڤی شاڵاوی بێ تاقەتی ....
لەکام کەنار
دانەوێنم
بۆ وام لێ هات....!؟
خۆ من رێبوار نەبووم
هەموو رێگەکان ، ئێستا
لەباوەشی من دا
وەنەوز ئەدەن
بۆناهێڵی
تەنیا جارێک لات دانیشم
خەفەتی چەندەها ساڵی بێ تۆیی
بەهەناسەیەک
لەدڵ دەرکەم
بۆ ناهێڵی
تەنیا جارێک
بت کەم بە ژووان
هیوا و ئاواتەکانم
لەباوەشی تۆدا
بخەمڵێنم
بڕیار ئەدەم
تا ئەوکاتەی من بمێنم
جێت نە‌هێڵم ،
خۆشەویستم...!
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )