|
 |
 |
 |
 |
 |
 |
 |
|
|||||||
| زبان ادب و فرهنگ کردی مسائل مربوط به زبان و ادبیات و فرهنگ کردی از قبیل شعر داستان نوشته نقد بیوگرافی و .... kurdish culture |
 |
|
|
ابزارهای موضوع | نحوه نمایش |
|
|
|
#1
02-03-2012
|
||||
|
||||
گوڵبژێرێک له هو نراوه کانی نه‌جات ئیبڕاهیم
گوڵبژێرێک له هو نراوه کانی نه‌جات ئیبڕاهیم له‌خاک و ئاو ڕوواوین باڕووخسارمان له‌ڕه‌نگی سرووشت بچێ. له‌کۆڕی زیکری گژوو گیادا با دڵمان له‌نووری ئه‌م جیهانه پاکه تێربێ. جه‌سته‌مان قه‌دی دره‌خته‌و هه‌ناومان کڕۆکیه‌تی ئه‌ژنۆ و په‌نجه‌کانیشمان لق و پۆپیه‌تی. *********** خۆشه‌ویسته‌که‌م سته‌م له‌سه‌ر رووحم دامه‌نێ با هێنده ده‌ربڕی ئازاری ڕووح نه‌بم. به‌ڕووم دا گرژ مه‌به با دێوانه ئاسا ون نه‌بم. تۆ گوڵ و هه‌ستی من په‌پووله مادام هه‌ر ورزێکه با نه‌مرم. *********** دارێکم له سه‌رووی سی ساڵان له قوڵایی چاڵێک روواوم. چیاکان به‌ری خۆریان لێ گرتووم دۆش داماوم. هه‌روا لق و پۆم ده‌شکێن به‌بونی ڕه‌گه‌کانمه‌وه ماوم. *********** له‌نێو سرووشتدا هه‌ن شه‌مشه‌مه کوێره‌ن شه‌و چه‌ره به‌تاریکی ده‌که‌ن به‌ژێر باڵی ئه‌شکه‌وتانه‌وه ده‌نوسێن. له رووناکی و ترووسکه له عه‌شق و جوانی ده‌ترسن هه‌میشه وێک دێنه‌وه و له بۆسه‌دان بۆ......، *********** هه‌ر ئێستا هه‌وری ئاره‌زووی به‌دکار له‌سه‌ر ته‌ختی خه‌ونی پاشاییدا بڕمێنه یاری به‌یاسای پیری مه‌که‌و ئه‌و گۆچانه‌ی به‌ده‌ستی له‌رزۆکت گرتووه مه‌ی شکێنه خۆشه‌ویستی له ڕووناکی درووستکه‌و مه‌ستانه دڵ مه‌لاوێنه *********** ڕێم پێبده بپه‌ڕمه‌وه بگه‌م به‌چه‌می دڵت. له خه‌ون و خه‌یاڵ وازدێنم بۆئه‌وه‌ی ده‌روون ئه‌هوه‌نبێ هێلانه‌یه‌ک چێکه‌م له ناخی دڵت. من عه‌شقێکی شێتی ئه‌م جه‌نگه‌ڵه‌م به‌سوێ و تامه‌زرۆی یاوه‌رت. گه‌ڵای سه‌وزو زه‌درد هاتووم ببم به نپرینگ له ده‌وری سه‌رت. به‌ڵام ئه‌فسوس شه‌وه‌زه‌نگ و چه‌م و کێو بونه‌ته ئاسته‌نگی ڕێم له‌گه‌ڵ گزنگ و تینی تاو. خۆ تنۆکه‌ی بارانیش نیم چۆن بڕژێمه سه‌رت؟؟؟؟ *********** هه‌رچه‌ند بیر ده‌که‌ینه‌وه‌و بۆ ئاینده ده‌ڕوانین نازانین زه‌مه‌ن په‌لکێشی چ زه‌لکاوێکمان ده‌کات! ده‌روون هه‌نگاو به هه‌نگاو به‌ره‌و وه‌رزێکی مه‌جنونی ده‌چێ وێڵی تروسکه‌ی هیواین که‌خۆر بۆمان ده‌رکه‌وێ به‌ڵام ئه‌فسوس ڕوناکی به‌دڵماندا ناچێ له‌نێو هه‌رێمی سه‌ر به‌ستی ته‌مه‌ن خه‌یاڵ بۆ چه‌ند سه‌ده‌یه‌ک ده‌ڕوانێ وه‌لێ ژه‌هراوی ده‌بێ زۆر جار له‌سه‌ر ترۆپکی بێئومێدی ئه‌تلێینه‌وه گوێ بیستی زه‌نگی ڕووح ده‌بین په‌ی به‌دۆڕان نابه‌ین که‌چی به‌خۆمان ناڵێین شێت!! که‌ڕاستیش له‌نێو گێلیدابێ باوه‌ڕکردنی مه‌حاڵه که‌وابێ هه‌ر به‌گه‌لحۆیی ده‌مرین!!!!! ********** له‌سه‌ر هه‌ساره‌که‌مان دۆڕاین له‌گه‌ڵ سروشت ده‌پێچرێی نه‌وه به‌خۆمان ژیان ده‌کوژین. هه‌ڵگری به‌یداغی هیوای زۆرین بۆ به‌رزه فڕی به‌ڵام کوێرانه‌یه. گوێمان له‌بیستن تێرنابێ مه‌گه‌ر که‌ڕبێ زمان له دوان کپ نابێ مه‌گه‌ر لاڵبێ وابه‌سته‌ی ئاره‌زووین هه‌موو کاتێ!!! ********* کێ ده‌ڵێ به‌ختی سپی هه‌یه هه‌تا حه‌زی سپی و گوڵی سپی و هه‌ستی سپیم خه‌می ڕه‌ش ڕاماڵی. هه‌تا کاڵای سپی بکه‌م به‌به‌رماو به‌باڵی مه‌لی سپی بفڕم بۆ سه‌ر هه‌وری سپی. که‌ته‌مه‌ن به‌ڕه‌ش بینی ئاوابێ بۆ هه‌ر کاڵای ڕه‌ش و خه‌یاڵ و خه‌ونی ڕه‌ش ببینم؟!!!! ************ زه مه‌نێک بوو کازیوه فرمێسکی بۆ خۆر ده‌ڕشت به‌ونیازه‌ی تیشکه‌کانی به‌سه‌ر باڵای ته‌پۆڵکه‌داده‌رکه‌وێ. که‌چی سه‌یره سۆزه‌که‌ی به‌ره‌و پیری و رۆژگاریش وه‌ک هه‌وره تریشقه به‌دیاره‌وه‌ی خێرا دێت و تێده‌په‌ڕێ. ئێمه‌ش له‌و نێوانه سه‌رسام بونێک ڕێن پێده‌گرێ و بزه خرۆشرێنه‌ره‌‌کان لێن ده‌تۆرێن. خه‌مه‌کانی بێسنووریش دێنه سه‌رپێ و به‌دوای نائومێدبونماندا ده‌گه‌ڕێن.
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن دل به هیوات لیده دا , لانکی دلی تو له وه رزی یادی مه ن دا , سه رچلی خالید حسامی( هیدی ) 
|
|
| کاربران در حال دیدن موضوع: 1 نفر (0 عضو و 1 مهمان) | |
حالت ترکیبی
|
|
اکنون ساعت 04:05 AM برپایه ساعت جهانی (GMT - گرینویچ) +3.5 می باشد.