په‌ندی به‌ سوود

[behnam5555]

*تۆپ به‌ تێ هه‌ڵدان که‌یفی ساز ده‌بێ.

*ده‌لێی که‌ندووی مێشه‌ هه‌نگوینی ده‌وریان لێداوی.

*ئه‌ستێره‌ بێ رۆژ رزگاری نابێ.

*ده‌لێی نانی به‌ ساجه‌وه‌ سووتاوه‌،به‌ که‌سێک ده‌ڵێن که‌ له‌ کاره‌کانیدا زۆر په‌له‌ بکا.

*نه‌ چۆم په‌ناگای رۆحه‌ و نه‌ دار سه‌رچاوه‌ی ژیانی مرۆڤ.

*له‌ نێو که‌عبه‌دا قیبله‌ موهیم نییه‌.

*ئه‌سپێک به‌ چل ساڵ فێری غار بێت بۆ قیامه‌ت باشه‌.

*قسه‌ وه‌ک که‌نده‌ڵان وایه‌ بۆ خۆی ده‌ڕووخێ.

*سه‌فه‌ر کردن ته‌مه‌ن درێژ ده‌کات.

*گای شاخ شکاو و کابرای ژن ته‌ڵاق دراو وه‌ک یه‌ک وان.

کارتان زۆره‌ وره‌وتتان بڵاو،که‌وتوون وه‌ک سه‌گی گڵاو.

*نه‌خت بێ و پوخت بێ،نه‌ک زۆر بێ و بۆر بێ.

*له‌ رێی بۆره سوار خۆت بکوژی ، ده‌لێ به‌ ده‌ردی خۆی مرد.

*ئه‌م کاره‌ی تۆ وه‌ک ئه‌وه‌ وایه‌ گوڵه‌ گه‌نم به‌ سه‌وزی ، خه‌ون به‌ خه‌له‌ و خه‌رمانه‌وه‌ ببینێ.

*کار وه‌ک خه‌نجه‌ر وایه‌ نه یبڕی ، ده‌ تبڕێ.

*ژین ئه‌وینه‌ و ژینی بێ ئه‌وین نه‌مانه.

*به‌حر ناخرێته‌ نێو جه‌ڕه‌وه‌ ،یانی ده‌بێ به‌ قه‌د به‌ڕه‌ی خۆمان پێ راکێشین.

*قه‌ل به‌ قه‌لی ده‌کوت رووڕه‌ش،یانی ده‌بێ ئه‌وه‌ڵ کرده‌وه‌ی خۆت هه‌ڵسه‌نگێنی و دوایه‌ قسه‌ بکه‌ی.

*ئه‌و ته‌وره‌ی بۆ بڕینی قه‌دی داره‌کان دروست کراوه‌،هه‌میشه‌ وه‌کوو ته‌ور ده‌مێنێته‌وه‌.

*کاکه‌ ئه‌و کونه‌ی تۆ ده‌ستت پێدا کردووه‌،جێی ماره‌ چۆله‌که‌ی تێدا نییه‌.