ئه حمه د مه حمود...

[behnam5555]

ئه حمه د مه حمود

به سپاسیکی زور له سایتی چیا

تۆ بو...

تۆ بوى منت کردە خۆرى، نــاو ئاسمـانى تابلۆکانت
لەناو تەمى خەیاڵى تۆ بووم، بە خونچەى رێى ژوانت
بەنیگارى خۆشەویستیت، رەنگەکانت پآ ناسانم
بۆیـە ئێستـا لە ئـاسمانتا، هـەتاوێکى بـەیـانیـانم
من کە نمەى بارانێک بووم، لە چاوانتا بووم بە دەریا
هــاتیتە نـاو دڵى تـارم و خۆرەتـاوت کرد بـە بـەریـا
لە ناو باخى وێنەکانتا، رۆژێک گوڵ بووم، رۆژێک باران
وەرە ساتێک با لەباڵ دەین بۆ خۆشبەختى بەرزى ژیان
تۆ خـەونێکى لە چاوانما، بە تۆ روونە ژوورى تارم
تۆ ڕەنگاڵەى باخى دڵمى، تۆى شنەباى نەوبەهارم
لـە خـەندەدا چـاوم بۆ تۆ، لـە گریـانـا دوا هەناسەم
خۆشەویستیت بآ سنورە، هەر بۆ تۆیە مەیل و تاسەم

پەیکەرى بەفر

هـاتووم ئەمشەو وەکو بــاران، لە نـاو چاوتا داکەمەوە
گریانێک بم وەکو ئاسمان، بەهیچ کەسێک ژیرنەبمەوە
هاتووم لەگەڵ تەنیایدا، تۆ بە شیعرێک ئاشت کەمەوە
لە ناو دڵى مەستى تۆدا، چراى خۆزگەم هەڵکەمەوە
وەکو نامە بە بێدەنگى، دەست ئەخەمە ناو دەستەوە
بــە تەنیایى بۆ تۆ ئەدوێم، تــا بڕژێمە ناو هەستەوە
من پەیکەرى ئەو بەفرە نیم، کە بە هەتاو بتوێتەوە
رۆژانێکى نــاو عومرى تۆم، تــا هەمیشە ناسڕێتەوە
من لەو ساتە شیرینتربووم، کە دوا ساتى سەرى ساڵ بوو
لەو نێرگزە راستگۆتر بووم، کەپەرچەمى دەشت و یاڵ بوو
ئاخ لە دڵەى بێویژدانت داخ لــە تیشکى چاوەکانت
کە نەتبینى خۆرى عەشقم سەرى هەڵدا لە ئاسمانت

ڕێى باران

هەتـا چاوم لـە کـارا بوو ، رەنگێک نەهاتە سەر چاوم
هەتا دڵم وەک شوءشە بوو، شکانیان هەست و هەناوم
تازە گوڵم من نـاتوانم، لەگـەلڕ خۆمـا ئاشت ببمەوە
وەکو بەفرى چلەى زستان ، بەسەر خۆما بتوێمەوە
دڵم وەکو هەرمآى تەزیو، خەم بەسەریا داباریوە
باڵدارێکى رآی بارانە لە ئاسمانى خۆى تەریوە
گەڵایەکى خۆرنەدیوم پـاییز وشکم ئەکـاتەوە
وا ڕەشەبا بەیەکجارى، دەستم لە چڵ ئەکاتەوە
ڕآی شیرین و تاڵیم بڕى، کـەچى هێشتا سەرەتایە
خەون و ڕاستیم لێ ون بووە، خۆزگەش بەناو دڵما نایە
وەکو هەورآ دێت و دەڕوا تاوەڕێژنەى بیرچۆتەوە
چاوی مـاندووم بۆ بـارانى فرمێسکى خـۆم کردۆتەوە

هەتاوى پاییز

هـەتـاوێکى ئێوارە بووى، لە ئـاوابوون شیرینترى
فریامکەوە ناخم بەستى، لە غەریبى و ساردو سرى
من پایز بووم تۆ بەهاربووی، بەناکامى تۆشم وەران
هەنارێکى بەرهەتاو بوءی، نەمزانى زوو دڵتم شکان
وەکو هەتاو ڕژایتە ناو، هەست و ناخ و دڵى تارم
لەبەردەرگـاى چاوەکـانتا، نامەیەکى لێو بەبـارم
کەنەتوانم هەناسەت بم، لە ڕۆژانى تەم و تۆفا
خـەندە نەبم بۆ نـاخى تۆ، لە ئازار و ئـاخۆ ئۆفا
کە نەتوانم شنەى تۆ بم، گەڵاى پرچت ڕاوەشێنم
ئیتر بۆچى وەکو دەریا، بەرەو لاى تۆ شەپۆل بێنم
لێم ببوورە پـاییزى بووم، بـە دڵتەنگى بمنـاسەوە
نەکـەى گوڵم یادەکانم، بخەیتە نـاو تاسەتەوە
وتم نەبا ڕەنگى ئەوین، لە چاوانى تۆش بتۆرآ
نەبا دڵى بەهارى تۆ، بەخەزانى من هەڵوەرآ

دوا سات

ئەى خۆرەتاو هەر بۆ ساتێک، لەبەرزیتا وەرە خوارآ
تــا بزانى چەند بەژانە، ئــاوابــوونـى لاى ئێوارآ
تا ببینى چۆن گەڵاکــان، دەست لـە دەستى یەک بەرنادەن
چۆن باوبۆران بەتەزیویش، دوا سات بآ ماچ قەت


هەڵناکەن

دڵنیابە من بەفرێکم ، لە نـاو پێکتــا تووامەوە
رێگایەکى داخراو بووم، لەسەر رێى تۆ کرامەوە
من دڵۆپێک ئەشکى تەڕبوم ، کەوتمە دەریاى چاوانتەوە
باڵدارێکى بآ لانە بووم ، بــاڵمدا بە ئــــاسمانتەوە
وەک دواگەڵاى چڵى شاتوو ، بەشەمـاڵت هـاتمە سەمــا
گەر بۆ ساتێک دەستم بەردەى ئەمرم لەناو ئەشک و خەما
ئاسوودەم تا گیان بسپێرم ، هەر ئەوەندەى زوو بگەم پێت
بە وەرینیش بۆ لاى تۆ دێم ، بــەمردنیش دێمە سەر ڕێت