چۆارینه‌کانی خه‌ییام به‌ کوردی لاتین

[behnam5555]

چۆارینه‌کانی خه‌ییام به‌ لاتین

( 21)

خۆزگه‌م به‌ که‌سێ نیشان و ناوێکی نه‌بوو
له‌ شوێن پڕ و پووچ خه‌یاڵی خاوێکی نه‌بوو
نه‌ک وه‌ک من و تۆ کونده‌ به‌بوو ئاسایی
چاوی له‌ قه‌ڵایه‌ک بوو، که‌لاوێکی نه‌بوو


xozigem be kesé níshan u nawékí nebú
le shuwén pirr u púc xeyallí xawékí nebú
nek wek min u to kunde bebú asayí
cawí le qellayek bú, kelawékí nebú


هێندێک به‌ خه‌یاڵ له‌ دین و ئایین ژیرن
لایه‌ک به‌ گومان له‌ بێ گومانی گیرن
سه‌یری ده‌بێ تێ بگه‌ن که‌ هیچ تێ نه‌گه‌یین
که‌متر له‌ سه‌ری پیاز و په‌لکی سیرن!


héndék be xeyall le dín u ayín jhírin
layek be guman le bé gumaní gírin
seyrí debé té bigen ke híc té negeyín
kemtir le serí píyaz u pelkí sírin!


زۆر که‌س هه‌یه‌ هه‌ر ده‌وێژن و نایپێژن
ئه‌و ئێمه‌ به‌ گێژ ده‌زانن و خۆیان گێژن
گۆیا ئه‌وی کووپه‌ مه‌ی ده‌کا دینی نیه‌
بۆ ئه‌و که‌سی کووله‌که‌ی ده‌کا چی ئێژن؟!


zor kes heye her dewéjhn u naypéjhn
ew éme be géjh dezanin u xoyan géjhn
goya ewí kúpe mey deka díní níye
bo ew kesí kúlekey deka cí éjhn?!


گه‌ردوون له‌ سه‌ری دایه‌ خه‌یاڵێ بۆ مان
هه‌ر وا ده‌گه‌ڕێ بکۆڵێ چاڵێ بۆ مان
ئاڵه‌ و شه‌وه‌ بیبا چ ده‌کا با بیکا
مه‌یگێر شه‌وی خۆشه‌ تێکه‌ ئاڵێ بۆمان


gerdún le serí daye xeyallé bo man
he‌r wa degerré bikollé callé bo man
alle u shewe bíba ci deka ba bíka
meygér shewí xoshe téke allé boman